Têik cik 6/12, Hội đôngx tỉnh Sơn La khóa 14, kriz cơưv jiês tiv 5, chiê ntâuk gri chêx cur huôv tsar kinh tế-xã hội thiêz njuôk xav nhiêx txiêx têz qơưk shông 2017; lơưr co cuêz tênhv tsưr ziv huôv tsar kinh tế-xã hội shông 2018.

Ntơưv jiês cơưv no, chor têiv plor zuôr sêiz lax lok cuêz tênhv thôngz đhâu 28 nghị quyết, hâur co tso tơưv yiêz 19 nghị quyết; kho đuô, cxaz nzir, hlôngr đuô 9 nghị quyết cik txos têx tsênhv chêi, đề án, cêv kuôk…paz pháp lý chiê uô jênhv vưv huôv tsar kinh tế-xã hội tỉnh hâur shông zuôr txos. Jiês cơưv zuôr suôv câuv trâu hnuz 8/12./.

(Hồng Việt-Lik Thox cxêik nhênhv)

Tas cik hnuz xiêz 6/12, HĐPX tỉnh Lai Châu khóa 14 krêz uô jiês khiêz phêv tiv 6, chiê ntâus grê thôngz đhâu têx pov cov, ntâuz ntơưr, nghị quyết huôv tsar KTXH shông 2017, tsưr ziv ploz tsênhr huôv tsar KTXH shông 2018. Ntơưv jiês khiêz phêv zuôr sik seiz lax thiêz thôngz đhâu 16 nghị quyết muôx lênhx coaz txos huôv tsar kinh tế, xã hội, taz por côx phax-txiv ngaz shông 2018 thiêz têx shông lơưr co li: njuôs xav sâu, muôz nhiêx txiêx têz qơưk, nhiêx txiêx tiv phaz; tsưr ziv yưv pênhr côngz; tsaz yênhx huôv tsar niêv đrôngs ntu 2017-2030; tsênhv chei paz txưv huôv tsar kôngz nuv sâuv thax tsav. Zơưv Bùi Từ Thiện, Phưv chủ tịch HĐPX tỉnh Lai Châu puz pâuz:

“ Iz hâur têx njiêz luv coaz tsôngv hâur jiês khiêz phêv no zos ntâus grê tsưr ziv uô hâux lưv huôv tsar kinh têr xã hội, taz por côx phax txiv ngaz shông 2017 thiêz cuiz tênhv tsưr ziv huôv tsar shông 2018. Đros thiêz jênhv vuv coaz tsôngv no, ntơưv jiês khiêz phêv HĐPX zuôr sik seiz lax thiêz cuiz tênhv tso tơưv 8 nghị quyết chuyên đề”./.

(Khắc Kiên- Txâur Vax cxeik nhênhv)

Lơưr nganhx txơưx jênhv tỉnh Lào Cai li hêik pâuz, txix shông 2015 txos nhiv no, tas nro tỉnh muôx zuôr xar 1.600 jiês siz zuôr nzor, tsav muôx 12% chor gơưv niêv txir siz zuôr sâuv thax tsav. Hnuz nhôngs siz zuôr nzor txix 16-19 shông nhoz txir nênhx thiêz 14-17 shông nhoz pox niêv. Siz zuôr nzor chôngz tiv zix zos mênhx cxưx Hmôngz (tsav 80%) thiêz iz cxiê mênhx cxưx tsơưs nênhs txơưr đuô li Nùng, Cho, Tày. Qir tiv muôx yưv siz zuôr nzor chuôz ndê zos tiv cxuô cấp chính quyền tiv phaz tsênhv tsik tâu uô jông hâur xưv lik, hêik kriê tsik chiê siz zuôr zuôv cêr chêi têz qơưk. Pos Mai Xênhv Shôngx, phưv chủ tịch UBND huyện Bát Xát, tỉnh Lào Cai puz pâuz:

“Vênhv thix siz zuôr nzor sâuv thax tsav huyện cux tsênhv zos kror phiv liv lox trâu cấp ủy, chính quyền tiv phaz. Huyện cux tưz hêik phongx mênhx cxưx hêik pâuz trâu huyện cxiv tsa tsưr ziv uô txo grêk siz zuôr nzor lơưr ntu cux li tsưr ziv uô yênhx shông. Pêz cux tưz qênhz shuôk chiê ntâuk gri cov zos tsênhv tsênhz, thôngx cxix kriz uô siv tsưr ziv txo grêk tsơưs siz zuôr nzor ntơưv têx xã zov chênhr”./.

(An Kiên-Lik Thox cxêik nhênhv)