Hnuz xiêz 6/3, Đoanx đại biểu thênhv siêz Xiêng Khoảng, têz qơưk Lol Tsuôk, zos đôngx chir Bun tôn-Chăn-thạ phon, Bí thư tỉnh ủy, Tỉnh trưởng tỉnh Xiêng Khoảng uô thơưx chox đoanx tưz tuôx shuôs thiêz uô hâux lưv ntơưv tỉnh Sơn La. Ntơưv jiês siz chuôs njiz, 2 tỉnh seiz lax, sik thôngx ziv, siz chos cir ntâuz ntơưr ndo njôngr ntu 2019-2021, chêx tsôngk trâu têx tsênhv njiêz: VN-Lok Tsuôk tror cxơưz tiês yax kriê đêz đar thiêz sik thôngx siêz truôx, sik paz heik cxuô, Sơn La thiêz Xiêng Khoảng heik taz. Tror tuôr truôx, uô đreiv hâux lưv tso têx cấp, têx ngênhx li têx đoanx đại biểu thênhv siêz, đoanx côngz xưv siz chuôs njiz, uô hâux lưv, sik cơưv shâuv têx tsưr ziv uô nuv hâur cxuô luôs hâux lưv./.

(KT-Riê Lâux cxeik, nhênhv)

Chi cục Thú y tỉnh Điện Biên nhiv kruôr puz pâuz tưz pov muôx 4 kror njuôk shuôk cik txos moz ơưk buô Châu Phi ntơưv iz cxiê jêx jok nhoz xar Rạng Đông, huyện Tuần Giáo. Ciês đhâu pov muôx caz moz, Ủy ban tỉnh tưz sêi đrơưv chox kriê Sở Kôngz nuv thiêz Huôv tsar jêx jok tox siêz sik côngv đros Ủy ban huyện Tuần Giáo, chor nganhx txơưx jênhv cik txos qênhz yuôx nriêr pâuz qênhx shênhx, uô têx tsưr ziv phax, tar caz moz./.

(Vũ Lợi-Lik Thox cxêik nhênhv)

  Nhiv kruôr đhâu, Phongx Cảnh sát phax cuz tuô cuz thiêz chơưv paz lênhx nênhs-Công an tỉnh đros tsêr cơưv cxênhx nhuôs zâu Tân Phong, TP Lai Châu tsưr tsix yax mông, kriê uô luôs hâux lưv phax cuz tuô cuz thiêz chơưv paz lênhx nênhs trâu têx lênhx cưk kriê ntơưr, shux xênhz hâur tsêr cơưv. Thôngz đhâu jiês yax kriê no zuôr paz têx cưk kriê ntơưr thiêz shux xênhz pâuz tsênhz đuô hâux lưv phax cuz tuô cuz thiêz chơưv paz lênhx nênhs; gra siêz txux chi, tsưr ziv jênhv pâuz lok phax cuz tuô cuz hâur tsêr cơưv./.

(An Kiên-Riê Lâux cxeik, nhênhv)

Xar muôx 1 six sơưr nzor hnuz 6/3, ntơưv xar Bản Mé, huyện Si Ma Cai, tỉnh Lào Cai muôx yưv chuô lox uô yênhx châuv luz trur tsêr trâus yuôz za tas. Lơưr thôngz sâu, tas nro muôx 11 luz tsêr trâus puôk tsuôx, za trur, hâur co muôx iz luz chor trur tsêr trâus chuô yuôz zơưvk tas hur si, cxuô zav trâus hiêv hnhar, têx tsoz chos cxuô zav cux trâus hiêv ntâu. Njuôk xav tas muôx 100 triệu đêiv ntâu. Zơưv Viên Đình Hiệp, Trưởng phongx Kôngz nuv huyện Si Ma Cai puz pâuz, ciês đhâu txêik tâu xor mông, lưx lươngv ntơưv qơư nhoz tiv phaz tưz muk paz pox nhuôs khưx phưx têx trâus hiêv, truôx tuk luz nênhx thiêz uô xênhz yar./.

(An Kiên-Lik Thox cxêik nhênhv)