Zar hnuz kêix hnuz xiêz 6/8, Ủy viên T.Ư Đảng, Phưv Chủ tịch Côx hội Phùng Quốc Hiển tưz muk uô hâux lưv, qênhz yuôx luôs hâux lưv zok nriêr, chơưv paz têx lênhx nênhs trâus moz trâus saz thiêz trâus pôngz plox, khưx phưx têx trâus uô ruôr hiêv tiv nas chuô uô ntơưv huyện Mùu Cang Chải, tỉnh Yên Bái. Xav txos zar hnuz kêix hnuz xiêz 6/8, đêx nas lox tưz uô tuôs 5 lênhx nênhs, yuôr 9 lênhx trâus pôngz plox mông, 9 lênhx trâus moz trâus saz, 51 luz tsêr trâus đêx nas cuôr yôngz, vâu tsi jông tas, 5 luz tsêr trâus puôk tsuôx; 6 côngz trênhx tsêr cơưv ntơưr, cơ quan; 141 côngz trênhx đêx liv thiêz ntâu liêx têz kôngz lôngk, tsiêx cxu..... trâus nas chuô uô hiêv. Phưv Chủ tịch Côx hội ntâuk grê siêz tỉnh Yên Bái thiêz têx lưv lươngv muôx vax huôv li têx sir jos hâur luôs hâux lưv zok nriêr chơưv paz lênhx nênhs, khưx phưx têx trâus uô ruôr hiêv tiv nas chuô uô, lar heik zos hâux lưv sir jos zok nriêr têx lênhx nênhs trâul pôngz plox mông. Iz chas ntơư heik tỉnh Yên Bái tsuv muôx tsưr ziv chox kriê, uô jông têx hâux lưv heik sâuv, uô ntêx zos zok nriêr têx lênhx tiz nênhs tsênhv zok nriêr tsi tâu tâu ntơư, truôx tuk luz nênhx trâu tsôngv box, tsi chiê tsôngv px trâus yeiz, trâus no; khưx phưx, kho têx tsêr cơưv, cêr mul lok đêx nas uô puôk tsuôx tsi jông ntơư, nzor txuôk thiêz mul lok tâu đhâu trâu têx thax tsav, suôv qơư trâus đêx nas kuôk cêv..../.

(Đinh Tuấn-Chia dịch đọc)

       Zar hnuz kêix 6/8, Ủy viên Trung ương Đảng, Phó chủ tịch Côx hôiv Đỗ Bá Tỵ, đros đoàn côngz xưv côx hôiv tưz muôx jiês uô hâux lưv đros tỉnh Sơn La lok khưx phưx têx trâus hiêv tiv ntux nas đêx ngaz cuôr ntơưv huyện Mường La. Txos nhiv no ntux nas đêx ngaz cuôr tưz uô 12 lênhx nênhs tuôs, 5 lênhx nênhs tsik pov, 12 lênhx nênhs trâus saz; ruôr hiêv 400 luz tsêr. Njuôk xav tas muôx 670 tiv đêiv. Hêik ntơưv jiês uô hâux lưv, phó chủ tịch côx hôiv Đỗ Bá Tỵ hêik tỉnh Sơn La tror sir jos khưx phưx têx phiv liv; txar qơư nhoz trâu pêx xênhv; tsưr tsix chơưv paz, chơưv kho nênhs trâus saz, uô đaz uô kruô trâu nênhs trâus tuôs; bax qơư nhoz trâu chor nênhs tsik muôx vax tsêr, paz zav nox sêi đrơưv trâu pêx xênhv tsik chiê muôx yưv yêiz plaz.

       “Tỉnh tsuv njuôk xav cxix cxuô têx trâus hiêv, cxiv tsa tsưr ziv khưx phưux hêik trâu chính phủ thiêz chor bộ, ngành cik txos paz trâu tỉnh khưx phưx cov tâu jông tiv zix. Muk ntêr mak tsuv đros chor bộ, ngành nhênhz chơưv ntâuk gri ntux têz uô hiêv, txar qơư nhoz trâu pêx xênhv muk đhâu têx qơư phiv liv,  truôx tuk cêv kuôk qơư nhoz trâu pêx xênhv”./.

(Hồng Việt-Lik Thox cxêik nhênhv)

         Cik txos txuz tix lâus Lò Văn Liên, xênhz shông 1985, nhoz ntơưv jok Lói 1, xã Mường Lói, huyện Điện Biên, tỉnh Điện Biên, thâuv muk cxov, bo njêl đrav tuk đêx Nậm Ma, ntu ntưk đhâu thax tsav xã Mường Lói trâus đêx nas cuôr yôngz zar hnuz kêix hnuz xiêz 5/8. Tar su hnuz xiêz 6/8, zơưv Lò Văn Siêng, Chủ tịch UBND xã Mường Lói heik pâuz, tưz zok nriêr tâu tix lâus Lò Văn Liên. Cux ciês hâur tas cik hnuz xiêz 6/8, Chủ tịch UBND tỉnh Điện Biên Mùa A Sơn đros têx lênhx hlôngr njêx muôs têx sở ngênhx hâur thax tsav tỉnh, têx lênhx hlôngr njêx muôs hâu nov huyện Điện Biên, Hội cữ thập đỏ tỉnh Điện Biên, hâu nov xã Mường Lói tưz muk shuôs thiêz paz mê njik nhiêx trâu chuôz zis muôx lênhx nênhs trâul tuôs heik sâuv. Iz chas co buôk ti muk trâu tsêr cơưv cxênhx nhuôs zâu Na Cọ, xã Mường Lói, tsêr cơưv trâus đêx nas ngaz lox, uô puôk tsuôx tas ntâu têx meir tính, chuôz zênhx uz no phưx vưv kriê thiêz cơưv ntơưr hâur hmo xiêz 4/8, tas cik hnuz xiêz 5/8./.

(Vũ Lợi-Riê Lâux cxeik, nhênhv)

        Txuz hâux lưv muôx yưv sâuv pak đêx tênhv Lai Châu thax tsav xã Kan Hồ, huyện Mường Tè, tỉnh Lai Châu têik cik hnuz 5/8. Nênhs tsik pov zos tix lâus Mào Văn Thành 17 shông, nhoz ntơưv thax tsav phô 9, thị trấ Mường Tè. Lơưr zơưv Mào Văn Đinh, zos nênhs tsik pov li txir nzơưv hêik, thâuv 8 six sơưr nzor thâuv oz txir tuz tsênhv hêi fuôx muk sâuv pak đêx tênhv Lai Châu, thâuv lok zuôr txos ntus pak đêx, muôx chor ar poz jêz nhoz sâuv trôngz poz lok hâur pak đêx tưz uô trâu luz fuôx nzênhr. Tiv pâuz uô luôv đêx thiêz khơưv tâu trâu chor ntông nhoz saz ntus đêx viv li zơưv Đinh tưz lok tâu trâu saz ntus hok Mao Văn Thành mak tsik pov.

        No zos lênhx nênhs tiv 3 sâuv thax tsav huyện Mường Tè thiêz zos lênhx nênhs tiv 4 ntơưv tỉnh Lai Châu trâus tuôs thiêz tsik pov xav txix hnuz 1/8 txos nhiv no./.

(Khắc Kiên-Lik Thox cxêik nhênhv)