Ntux nas lox truz ntêr txix hmo 5 txos tar su hnuz 6/8 tưz uô muôx ar poz sâuv ntâu ntu cêr nhoz tỉnh Sơn La.

Ntơưv cêik cêr 406+680 sâuv txox cêr 37, ntu thax tsav jok Bản Mòn, xar Phiêng Ban, huyện Bắc Yên, thâuv 12 six ntâu hnuz 6/8, muôx nhos 30 cxênhz yiv thôngx ar, oz jêz sâuv kâuv cêr poz lok hâur cêr. Cux têis cik nas hmo, ntâu ntu sâuv txox cêr lox 43 ntu đhâu huyện Mộc Châu cux trâus muôx ar poz ntâu, uô cêr muk lok tsik tâu. Nhiv no, têx lưx lươngv txơưx jênhv huyện Mộc Châu thiêz nganhx zoz thôngz vận tải tỉnh Sơn La tưz muôx njêx muôs ntơưv qơư chiê kriz uô hâux lưv khưx phưx./.

(Thu Thùy-Lik Thox cxêik nhênhv)

Jiês đêx nas muôx yưv cxôngx hnuz xiêz 3/8 txos nhiv no tưz uô 15 lênhx nênhs nhoz tỉnh Lai Châu trâus tuôs; tsôngv box li ntâu tsêr nhoz nhoz hâur thax tsav njuôs xav muôx tox poz, đễ cuôr yôngz, cxix luôk zaoz thôngz ntâu xã mul lol tsi tâu. Hâur co tiv phaz tsi tâu muôx tsưr ziv khưx phưx thâuv sâuv thax tsav ntux tsênhv lol nas, tror njuôs xav muôx tox poz, đêx cuôr yôngz. Cxôngx tas cik hnuz xiêz 6/8 sâuv thax tsav tỉnh Lai Châu tror muôx ntux lol nas, hâur co ntơưv thax tsav 8 xã ntus đriv Bắc Dào San, huyện Phong Thổ- qơư trâus ruôr hiêv hnhar lok lênhx nênhs thiêz chuôz zênhx chuôz tas hâur jiês đêx cuôr yôngz nhiv kruôr đhâu. Đros thiêz qênhx shênhx ntux nas li nhiv no, tsi taz uô phêv liv trâu lưx lươngv hâur krêz uô côngz xưv khưx phưx têx trâus ruôr hiêv mak njuôs xav tsênhv tror muôx yưv đêx cuôr yôngz, tox poz. Zơưv Trần Văn Quế, Chủ tịch UB huyện Phong Thổ puz pâuz:

“Nhiv no sâuv thax tsav têx xã pêz tưz chox kriê tror seiz ar têx jêx jos. Têx chuôz zis tưs nhoz hâur thax tsav riêz nênhs mak tsuv ciêr chênhr txar qơư nhoz. Tsưr ziv uô ntêx zos chuôz zis tưs nhoz qơư riêz nênhs mak txar uô ntêx, iz zos mul nhoz ntơưv tsêr cơưv ntơưr têx jêx jos, oz zos mul nhoz ntơưv lênhx nênhs cxênhz jê li tsêr uô ntêx”./.

(Khắc Kiên, Thanh Thủy- Txâur Vax cxeik nhênhv)

Lơưr Phongx kôngz nuv thiêz Huôv tsar jêx jok huyện Bắc Hà, tỉnh Lào Cai li thôngz sâu, ntux nas lox hâur oz pêz hnuz đhâu tưz uô đêx ngaz thiêz phiv liv txos 94 ziv chuôz zis luz nênhx thiêz ruôr hiêv ntâu zav.

Đros têx trâus hiêv tiv ntux nas đêx ngaz cuôr ntơưv huyện Bắc Hà, Ban chox kriê phax tar ntux têz uô hiêv thiêz zok nriêr chơưv paz huyện đros cấp ủy, chính quyền tiv phaz tưz muk trâu têx qơư trâus hiêv chiê chox kriê côngz xưv khưx phưx, phax tar; tsưr tsix qênhz yuôx, ntâuk gri têx trâus hiêv chiê kriz uô têx tsưr ziv paz. Thôngx cxix, hêik têx tiv phaz sêiz jor jông yênhx hnuz hmo chiê pâuz tâu qênhx shênhx thiêz phax tar tâu ntux têz uô hiêv. Đros tsưr ziv “4 ntơưv qơư”, têx tiv phaz tưz huiz tôngv lưx lươngv ntơưv qơư chiê paz trâu chor ziv chuôz zis zuôr zôngx ziv njiz trâus phiv liv txar muk trâu têx qơư truôx tuk đuô./.

(KT-Lik Thox cxêik nhênhv)

  Chiê muôz siêz côngv thôngx li jênhv pâuz hâur hâux lưv sir zôngv tênhv taz por, cxênhx txuôk, six hơưv đhâu Công ty tênhv jos Điện Biên tưz cxơưz tiês côngz xưv yax mông txos têx chiz coaz, taz viv, tsêr cơưv ntơưr, xã, phường, thị trấn thiêz ziv chuôz zis sâuv thax tsav. Shông no, tsaz yênhx tâu uô đros qơư tsov txos “ muôz siêz jênhv pâuz, yênhx tưv côngv thôngv sir zôngv tênhv, chuôz zênhx tênhv cxênhx txuôk thiêz taz por”, thôngx cxix zaz zâuv chôngz lênhx nênhs tsôngv box cxaz chuôz cxênhx txuôk tênhv, taz por thâuv zôngv cxix luôk tênhv, phax tar txiêz nanv muôx yưv tiv tênhv tênhz. Đhâu iz jiês yax mông, tsôngv box tâu cungz têx yênhx tưv jông lok sir zôngv tênhv taz por, muôx chêx cuk, trơưk Pháp luật li cui tênhv. Cxôngx co, muôz siêz tsôngv box li siêz xar thâuv zôngv tênhv tênhz, gôngr phênhv txu grês têx txơưr txar tiv qiv hơưv, por vêv năng lươngv têz qơưk./.

(KT- Txâur Vax cxeik, nhênhv)