Sở y tế tỉnh Yên Bái nhiv kruôr tso tơưv cuiz tênhv tso tsês tsi puz muôv muôs thiêz sâu tsês têx yuôx plênhr uô jông gâux tsi tax ploz tsênhr tsơưr lươngv. Tsênhz mênhx zos yuôx plênhr uô đơưz Hoa Hồng, yuôx Lan Anh, cuô njêr zâus ndâux...Chiê taz por trâu nênhs sir zôngv, Sở y tế tỉnh Yên Bái tưz heik têx công ty uô yuôx, têx qơư muôv muôs yuôx sâuv thax tsav tso tsês tsi muôv muôs thiêz tsu sâu tsês têx yuôx tưz heik sâuv. Phongx y tế têx huyện, thị xã, thành phố krêz uô công văn ntâuz ntơưr no li têx njiêz luv txos têx qơư muôv muôs zuk coar lik; tsưr tsix qênhz yuôx, seiz shuôk têx qơư muôv muôs li hâux lưv uô thiêz yưr lir txos qơư têx tsưr tsix, lênhx nênhs uô cxâuv cui tênhv tso tơưv./.

(Thừa Xuân- Txâur Vax cxeik nhênhv)

Hâur thax tsav tỉnh Lào Cai nhiv no muôx 51 luz tsêr meir tênhv tênhz mê tưz cxiv uô tâu tiêr đros thiêz hur si công suất muôx nhos 870 MW. Zơưv Phan Văn Cương-Phưv Giám đốc Công thương tỉnh Lào Cai heik pâuz: “Niêx shông pêz tsưr tsix têx đoanx chiê qênhz yuôx têx dưv anr tsêr meir  no hâux lưv uô seiz pok uô trơưk li têx cui tinhv lok truôx tuk njưs tar đêx. Txix ntơư heik têx taz viv tsi tâu tâu fuô uô trơưk li cui tinhv uô cov jông. Têx côngz trênhx muôx pak đêx tênhr, pêz heik têx taz viv qênhz yuôx shuôs jông cov têx njưs tar đêx truôx tuk”. Tsênhz tiês iz cxiê tsêr meir cux cxoz txưv uô cxâuv li: Tsêr meir Sử Pán 1 tso đêx tsi trơưk cui tinhv, chiv chir puôz njưs tar đêx siêz nhoz tsêr meir tênhv tênhz Tả Lạt, Mường Khương thiêz tsêr meir tênhv tênhz Lao Chải, Sa Pa./.

                                   (KT-Riê Lâux cxeik, nhênhv)

Iz côngz tsinhx đêx hur tsiv gri yênhx tỷ đeiv tsênhv trâus tso tsês tsi zôngv txos, taz sik yênhx puôk ziv chuôz zis tsôngv box nhoz co mak ho tsi muôx txâuk đêx hur xênhz huôx, tsuv muk zuôr đêx lok zôngv. Jênhv lok hâux lưv no, zơưv Zax A Cở, Phưv chủ tịch UB xã Lóng Luông, huyện Mộc Châu, tỉnh Sơn La puz pâuz: Shông 2013, côngz tsinhx đêx hur ntơưv 2 jos Lũng Xá, Tà Dê tâu cxiv uô đros tas nro pênhr yưv uô zos zuôr xar 4 tỷ đeiv, qơư tsov txos zos cungz đêx hur, cxênhx tsês đêx cungz trâu tsôngv box 2 jos. Taz sik, côngz tsinhx nhiv kruôr cxiv uô tâu tưz pov tơưk plêz. Taz viv uô cux yưr lir, taz sik txos nhiv no cux tsi tâu pov muôx đêx chiê zôngv./.

(KT- Txâur Vax cxeik nhênhv)

Xav txos zar hnuz kêix xiêz 6/8/2019, moz ơưk buô châu Phi huôv xênhz nhoz 1.376 chuôz zis hâur 195 jok ntơưv 81 xã, phường, thị trấn hâur 100% huyện, thị xã, TP hâur tỉnh Yên Bái. Tỉnh Yên Bái tưz paz max 7 tỷ đeiv ntâu trâu hâux lưv phax tir thêir moz ơưk ntơưv 9 huyện, thị xã, TP. Txos hnuz xiêz 4/8/2019, tỉnh Yên Bái tưz yênhx lix 65 qơư seiz jor, qênhz shuôs moz ơưk./.

                            (KT-Riê Lâux cxeik, nhênhv)