Sâuv thax tsav tỉnh Lai Châu nhiv no muôx 96 đaix nta suôz cấp xar, zuôr xar 760 qơư loa nta suôz, hâur co muôx zuôr xar 260 qơư loa sir zôngv công nghệ thôngz mông-viễn thông. Yênhx hnuz, pox nhuôs tưz tsik zos tâu mnôngs chor tsaz yênhx txix Trung ương, mak tsênhv tâu mnôngs têx xor mông phax, tar caz moz zos ciês chor cán bôv xar tso nta suôz, viv li lok six sưv jê. Ntâu tsaz yênhx tâu nta suôz ciês txix tsôngv box li Cho, Giáy thiêz Hmôngz têx luk hêik, đhâu co, paz trâu pox nhuôs zôngx ziv pâuz tâu thiêz uô trơưk. Lơưr zơưv Trần Văn Sáu, Phưv Giám đốc Sở Thôngz mông thiêz yax mông tỉnh Lai Châu puz pâuz: “Loa nta suôz mak muôx oz kror liv zos pox nhuôs muk uô liêx têz lok cux mnôngs tâu, tiv oz zos tâu nta suôz ciês ntơưv têx qơư nhoz đêz,tox siêz, ntus đriv. Đrâuv têx kror li hêik co, tsênhv njiêz yax kriê phax, tar caz moz cux tâu chor xar kriz uô txos thax tsav mênhx cxưx, huv đros trâu yênhx thax tsav qơư chiê pox nhuôs mnôngs tâu têx xor mông txix Trung ương, tỉnh thiêz huyện chox kriê. Đhâu cxiv luôs nta suôz ntơưv thax tsav qơư, pox nhuôs cxuô mênhx cxưx hâur tỉnh tưz pâuz ntâu đuô, cxuô lênhx nênhs puôr lênhx uô truôx jông lơưr Bôv Y têr li têx cui tênhv lok phax tar caz moz”./.

(Khắc Kiên-Lik Thox cxêik nhênhv)

Đros thiêz tsưr ziv”Nzor đuô, sei đuô”, chiê phax tir thêir moz Covid-19 tsi chiê siz cik tâu lok hâur thax tsav, Ủy ban TP Sơn La tưz tso tơưv ntâuz ntơưr kriê cêv kuôk y tế phax tar moz Covid-19 hâur thax tsav TP.

Iz chas co, canr bôv, công chức, viên chức, nhân viên, chiên sỹ têx lưv lươngv vũ trang muk uô côngz xưv trơưk li cơ quan, taz viv tsaz yênhx, hâux lưv zok muôz trâu luôs 2 chas tỉnh lok sik hâur thax tsav tỉnh (qơư muôx moz) ntơư thâuv tror lok hâur TP Sơn La, zos tưz cxax txâuk 2 côngz yuôx vắc xin phax tar moz Covid-19 mak nhoz cêv kuôk 3 hnuz ntơưv Ủy ban tỉnh li qơư tok tsôngv kruô tuôx nhoz so thiêz tso nyar seiz njuôk shuôs moz hnuz xuz thơưx. Zos tsi pov muôx moz li chas thiêx tâu tso muk tsêr thiêz tsuv nhoz cêv kuôk hâur vax tsêr 4 hnuz txuôk nzir co, tso nyar seiz njuôk shuôs moz lok hnuz tiv 7; sox seiz đas jos 7 hnuz txuôk lơưr co, tsơưs muk trâu uz trâu no, chuôs njiz luôs lưv tus txơưr đuô.

Zos têx lênhx tsi tâu cxax txâuk 2 côngz yuôx vắc xin phax phôngz moz Covid-19 mak uô lơưr nhoz cêv kuôk 7 hnuz ntơưv Ủy ban tỉnh li qơư lênhk tok kruô tuôx nhoz so, tso nyar seiz njuôk shuôs moz hnuz xuz thơưx thiêz hnuz tiv 7. Zos tsi pov muôx moz li chas thiêx tâu tso muk tsêr thiêz tror nhoz cêv kuôk hâur vax tsêr nzir 7 hnuz, tso nyar seiz njuôk shuôs moz lok hnuz tiv 14./.

(Trấn Long -Riê Lâux cxeik, nhênhv)

Hâur 4 hnuz so ntênhk 2/9 shông no, sâuv thax tsav tỉnh Yên Bái tsik pov muôx yưv txiêz nanv zoz thôngz; qênhx shênhx ngaz tuk tâu taz por. Muôx tâu li no, đros pêx xênhv tsik muk lok ntâu tiv phiv liv txix moz Covid-19 thiêz chor lưx lươngv Cảnh sát zoz thôngz, Công an tỉnh Yên Bái tưz sir jos yax kriê chiê pêx xênhv pâuz tâu, uô truôx jông lơưr Chêi zoz thôngz thiêz chuôz cxaz uô qênhz yuôx chiê xưv lik chor nênhs uô cxâuv. Đhâu côngz xưv qênhz yuôx, hâur 4 hnuz so ntênhk, lưx lươngv txơưv jênhv tas nro tỉnh tưz pov muôx 400 ntâu lênhx nênhs uô cxâuv chêi zoz thôngz têx cui tênhv; cxov tsês 1 luz yêz ô tô, zuôr xar 100 luz yêz mêir, sâu tsês 35 đêiv ntơưr tsar yêz, xưv bluô 177 lênhx nênhs…Thiếu tá Phùng Nguyên Ngọc, Đôiv tsar Đôiv Cảnh sát Zoz thôngz, Công an huyện Lục Yên, tỉnh Yên Bái puz pâuz: “Hâur têx hli kaz shông, chiê tror tuôr truôx tâu jông nga ztuk zoz thôngz, Đôiv Cảnh sát Zoz thôngz zuôr sir jos uô côngz xưv yax kriê txos trâu chor hluôk nênhs, shux xênhz thiêz pêx xênhv nhoz thax tsav tsôngv box mênhx cxưx tsơưs nênhs pâuz lok têx cui tênhv hâur phax tar txiêz nanv zoz thôngz”./.

(Thừa Xuân-Lik Thox cxêik nhênhv)

Ntơưv thax tsav tsas tsuô đêx Sảng Chải , thị trấn Mường Khương, huyện Mường Khương, tỉnh Lào Cai nhiv kruôr muôx iz lênhx nênhs trâul pôngz đêx tuôs. Lênhx nênhs trâul pôngz đêx co zos tus nhuôv P.D.T, xênhz shông 2009, nhoz ntơưv jok Chúng Chải, thị trấn Mường Khương. Mông txix Phongx Zoz zux huyện Mường Khương heik pâuz, lênhx nhuôv heik sâuv zos shux xênhz lớp 7 hâur tsêr cơưv cxênhx 2 thị trấn Mường Khương. Đhâu thâuv krêz shông cơưv yiêz tas tror lok tsêr thiêz nox sur tas, lênhx nhuôv co tưz muk uô si đa đêx trâu ntơưv luz tsas tsuô đêx Sảng Chải, thiêx uô tus mê nhuôv ntơư trâul pôngz đêx./.

(An Kiên-Riê Lâux cxeik, nhênhv)