Tỉnh Yên Bái nhiv kruôr tsưr tsix kriz uô phongz yaox sik tưr nhiêv têz qơưk shông 2021 thiêz khơưk kruôk trâu chor tập thể, tiz nênhs uô tâu hâux lưv jông hâur phongz yaos sik tưr nhiêv têz qơưk shông 2020. Tỉnh xav jênhv tsênhv njiêz tsaz yênhx phongz yaox sik tưr nhiêv têz qơưk shông 2021 zos: “Sir jos ứng dụng khoa học-công nghệ, hlôngr yiêz xar tơưv; huiz tôngv, sir zôngv truôx jông cxuô pênhr jos trâu huôv tsar sêi, truôx đrênhk lơưr tsưr ziv njuôz, huv đros thiêz shir phaz” đros muôx 10 tsưr ziv, jênhv vưv tsênhv njiêz. Ndaz ndơưv tso tơưv uô lơưr sik tưr nhiêv têz qơưk shông 2021, tỉnh Yên Bái tưz tsưr tsix khơưk kruôk Huân chương lox tôngv hov Oz trâu 1 tập thể; 6 tập thể thiêz tiz nênhs tâu khơưk kruôk Huân chương lox tôngv hov Pêz; 23 lênhx nênhs tâu khơưk kruôk Lênhx cưk yuôx pêx xênhv, lênhx cưk yuôx uô tâu hâux lưv jông. Cux jiês no, ntâu tập thể, tiz nênhs tâu Thủ tướng Chính phủ, UBND tỉnh Yên Bái muôz ntơưr kruôk./.

(Thừa Xuân-Lik Thox cxêik nhênhv)

Sik đros côngv tso nyar jông siêz, viv lênhx nênhs li đas jos”. Ban chox kriê txưv zenhv tso nyar tỉnh Điện Biên, nhiv kruôr kriz hnuz hội tso nyar jông siêz shông 2021. Hâur jiês tso nyar jông siêz no muôx 300 lênhx, zos chor tuz nxêik hluôk muôx txâuk đas jos, trox nyar jông nhoz hâur thax tsav tỉnh; ntơư zos tso tâu 220 đơn vị nyar. Pos Bác sỹ Trần thị Lịch, phưv tsar khoa siv nyar, tsêr kho moz Đa khoa tỉnh Điện Biên hêik pâuz: Hâur ntu tsênhv muôx yưv caz moz gênhk Covid-19 uô tuôr thênhv txos luôs hâux lưv tso nyar jông siêz. Taz sik hâur ntâu shông đhâu, tỉnh Đoiện Biên tưz uô tâu truôx cxuô luôs hâux lưv tso tơưv, tsưx phưv jông đas jos trâu côngv thôngx sđ./.

                                        (Tsu cxeik nhênhv-Vũ Lợi)

Nhoz tox siêz Pá Lông, huyện Thuận Châu, tỉnh Sơn La, chôngz lênhx pox niêv mênhx cxưx Hmôngz tưz sir jos nriêr tsưr ziv uô nox chiê huôv tsar kinh têr chuôz zis txix ciês ntơưv zuk chor vax ar têz. Niêv tix Ciêz Xênhv Vax nhoz jok Bav Tiêx li tsưr ziv tu zus paz muôx phênhv sâu truôx trâu chuôz zis zos iz kror tsưr ziv uô tâu jông li co. Txix shông 2015 txos shông 2019, tâu têz qơưk paz pênhr nhiêx, zuz nôngz tsoz chos, tsiêx tu zus, niêv tix Ciêz Xênhv Vax đros chor vir ndâuk hâur jok Bav Tiêx, xar Pá Long, huyện Thuận Châu, tỉnh Sơn La cxaz chuôz trâu tsưr ziv tu zus kêiz đuz grêis. Txix 10 tuk pox kêiz xuz thơưx, txos nhiv no niêv tix chor kêiz đuz grêis tưz huôv tsar tâu xar muôx 300 tuk paz muôx phênhv sâu truôx txix muôs kêiz thiêz kê. Đrâuv tu zus kêiz đuz grêis, niêv tix Ciêz tsênhv yưv pênhr tu zus nzir buô thiêz khơưz pak đêx zus njêl. Đros muôx 3 tuk mâuv buô sha mê nhuôs, iz shông sha oz jas mê nhuôv, iz jas txix 7-8 tuk, xav iz shông niêv tix Ciêz chuôz zis muôs oz jiês muôx muôs buô grêix thiêz buô nôngz hur si. Txix tsưr ziv tu zus no tưz paz trâu niêv tix chuôz zis muôx phênhv sâu tâu truôx 100 triệu đêiv ntâu iz shông./.

(Riê Lâux- Lik Thox cxeik nhênhv)

Yênhx cxênhz lênhx pox niêv vir ndâuk nhoz huyện Bảo Thắng, tỉnh Laox cai, nhiv no muk ciêz zuôr cxuô zav, tsuôk zos gra luz tơưz trox ntông chox muk ntiv jâuz cxuô zav, chiê txo grêk tsơưs têx hnaz puôz tsuôz kiênhk nênhs. Têx luôs hâux lưv uô ntơư, zos tsôngv pox niêv vir ndâuk nhoz thax tsav co tưz kriz uô hâur shông 2019. Txix ntơư txos trâu nhiv no, têx luôs hâux lưv uô co, tưz kriz uô đêz đar txos trâu hur si tsôngv pox niêv vir ndâuk nhoz 100% luz xã hâur thax tsav huyện, txo grêk tâu têx vuôz tsuôz kiêk nênhs trâu tênhx qơư./.

                                    (Tsu cxeik nhênhv-An Kiên)