Nhiv no, sâuv thax tsav ntus đriv tỉnh Điện Biên tưz muôx 38 lênhx cán bộ pênhz phax tâu chuôz tsar mul uô hâux lưv ntơưv 29 xã ntus đriv; hâur co 29 tuêv tsar tuêv chuôz tsar mul xã uô hâux lưv tâu uô Phưv Bí thư đảng ủy xã. Uô trơưk cui chế huôx tôngv, cán bộ pênhz phax chuôz tsar mul uô hâux lưv ntơưv xã tsuv pâuz tsênhz qênhx shênhx ntus đriv thiêz thax tsav; tsôngv box li luz nênhx, siêz xar. Cxôngx co thix ziv têx tsưr ziv hlôngr yiêz, muôz siêz tsưr tsix đảng, chinhr quyênx thiêz tsưr tsix tsôngv box li tsơưr lươngv huôx tôngv, heik trâu thênhv siêz krêz uô têx tsaz yênhx, dự án huôv tsar KTXH, txu yeiz cxuôv pluôs, tơưv txênhz pahx tar têx zav nênhs phamv cxâuv, car chêx têx vênhv thix muôx yưv nhoz tiv phaz./.

(Lường Hạnh- Txâur Vax cxeik nhênhv)

Ntơưv jiês cơưv, chor đại biểu Côx hôiv têx lul nuk Bộ trưởng Bộ Công thương Trần Tuấn Anh tâu chôngz lênhx ntâu tuk cử tri Tây Bắc moz siêz, sox seiz txos. Cử tri Nguyễn Thị Thúy, nhoz phường Minh Tân, TP Yên Bái, tỉnh Yên Bái heik pâuz:

“Cur pov tsênhv njiêz nuk thiêz têx luk têz tưz uô tâu tsênhz mênhx. Zos cử tri mak cur moz siêz ntâu txos têx li: Seiz car têx hax huv chuôr, hax huv tsi jông. Têz qơưk car seiz txix cxuô faz tsưr ziv chiê uô li chas chiê cov por hưv tâu jông lênhx nênhs sir zôngv, xưv bluô, muôz tik cêr cxâuv cov txos chor nênhs fêv, nênhs siêz tsi jông”.

Cử tri Trần Thị Hòa, nhoz phường Cốc Lếu, TP Lào Cai mak heik li no:

“Cur nhoz Lào Cai, zos thax tsav nhoz jê đriv têz mak Trung Quốc têx hax huv lok six ntâu, taz sik cur zos nênhs Choz Tsiz viv li pêz thâuv tưs tưz zos xeir zôngv chor hax huv VN ntâu đuô. Li ntơư, taz sik nhiv kruôr đhâu, đhâu iz cxiê txuz cux li Bộ trưởng tưz heik lol têx doanh nghiệp muk zuôr huv saz đrâuv luôs 2 chas têz qơưk lol, ho muôz lo chiv uô hax huv VN, uô trâu tsôngv box tsi njênhs, tsi yuô muôx cêr chiê siêz. Cur xar cov cxuô cấp hâu nov tsuv muôx têx tsưr zv qênhz yuôx, seiz kaz truôx jông đuô, txix ntơư gra siêz tsơưr lươngv hax huv VN chiê trâu tsôngv box sđ njênhs đuô lol zuk têz qơưk hax huv”./.

                           (TTTB-Riê Lâux cxeik, nhênhv)

Thâuv moz ơưk buô châu Phi huôv xênhz, tỉnh Yên Bái xav tênhv no zos jiês huôv moz lok six riêz nênhs thiêz njuôs xav lax tir tar tâu. Viv li, tỉnh tưz chox kriê hâux lưv tror huôv tsar tu zus buô thâuv tsi tâu tir tar tâu moz, tsênhz mênhx tsuôk tror tu zus đros têx ziv chuôz zis, têx qơư tu zus lơưr tsưr ziv tu zus taz por sinh học thiêz têx qơư tu zus taz por tsi tâu muôx moz huôv xênhz. Hâux lưv tror huôv tsar tu zus buô tsuôk tâu uô thâuv qơư tu zus muôx cxix cxuô têx chuôz zênhx tsoz phưz taz por têx zoz qơưx lok taz por sinh học hâur tu zus, chuv tôngv zuôr tâu nôngz buô taz por thiêz zav nox taz por./.

(Thiều Nghiệp-Txâur Vax cxeik nhênhv)

  Ủy ban Mặt trận tổ quốc VN TP Lai Châu, tỉnh Lai Châu nhiv kruôr tsưr tsix ntênhs choz tsêr côngv siêz trâu niêv lâuk Hong Xênhv Thox nhoz jok San Thàng, xã San Thàng, TP Lai Châu chuôz zis. Luz tsêr co uô tas nhos 98 tsov đeiv ntâu, hâur co Ủy ban MTTQ VN TP paz 40 tsov đeiv, Hội liên hiệp pox niêv vir ndâuk TP paz 20 tsov đeiv, Ủy ban xã San Thàng 5 tsov đeiv, yuôr đuô li zos niêv lâuk Hong chuôz zis têx nhiêx txiêx. Co zos hâux lưv uô “siz paz siz hluz”, cxuô cấp, cxuô ngênhx, MTTQ thiêz tas nro xã hội sik đros moz siêz txos, siz chos paz trâu têx chuôz zis pluôs muôx luz nênhx txov nhêv lok tsêr nhoz./.

(Chẻo Thu-Riê Lâux cxeiv, nhênhv)