Zơưv Nguyễn Quốc Khánh, Phưv chủ tịch UB tỉnh Sơn La puz pâuz: 6 luz hlik kaz shôngk shông no, tỉnh Sơn La sir jos tsiv gri muôs tơưv kôngz nuv tax 65 tsov ntâu USD, gôngr phênhv uô tiêr thiêz hla đhâu tỉnh li tsưr ziv tso tơưv hax huv shông 2019 tax 150 tsov USD:

“Tror krêz uô muôx chêx cuk tsưr ziv muôs tơưv saz đrâuv têz qơưk hâur têx luz hlik kaz shôngk shông, sir jos muôs xiv huv kôngz nuv, hâur shông 2019 sâuv 3 niêv ciêz li hâur tỉnh, hâur têz qơưk thiêz sâuv ntiêx têz, hâur co chêx chôngk cxơưz tiês muôs tơưv saz đrâuv têz qơưk, pêz cux tuôr truôx niêv ciêz chax chês, krêz đar niêv ciêz yiêz chiê cxơưz tiês muôv muôs”./.                               

(Trấn Long- Lan cxeik, nhênhv)

Hâur iz ntu đhâu lok, muôx chôngz lênhx px tuôx muk trâu thax tsav trôngz poz jêz nhoz xã Liễu Đô, huyện Lục Yên, tỉnh Yên Bái chiê zok nriêr khơưz têx poz jêz tsiv grê. Đros ntơư cux hnor mông tiêk, muôx iz cxiê lênhx cux zok nriêr khơưz tâu têx luz poz jêz tsiv grê zos 5 tỷ đêiv nhiêx. Taz sik, đhâu qênhz yuôx, têx mông hêik ntơư tsik muôx tsênhz, zos têx nênhs fêv lav hêik đas cov chôngz lênhx px uô tsik tiêr têx hâux lưv hâur chuôz zis cov muôx yưv têx tsik jông. Chênhr zos li hêik ntơư, nhiv no, lực lươngx muôx vax huôv tưz yax kriê tsôngv px sđ pâuz tsênhz mênhx têx tsik muôx liv ntơư./.

                                                                                                      (Tsu cxeik nhênh-Trịnh Xuân)

Ntơưv huyện Bảo Thắng, tỉnh Lào Cai nhiv kruôr muôx yưv iz txuz trâus tưx pa hâur kror Bioga uô 3 lênhx nênhs trâus tuôs thiêz trâus saz. Txuz hâux lưv no muôx yưv ntơưv iz chuôz zis nhoz jos Xuân Quang 2, xã Xuân Quang. Tiv cxix luôk Bioga trâus puôk tsuôx viv li chuôz zis tưz muk kho. Chiê taz por mak tsuv grus têx tsơưr kiês nênhs hâur kror bioga lok mak li kho, taz sik tsênhv yuôr muôx nhos 2 đok têx tsơưr kiês nênhs mak lênhx nênhs grus thiêz 2 lênhx nênhs txơưr ho gris muk kho txơưv trâus tưx pa bioga. 1 lênhx nênhs tâu chox muk chơưv kho ntơưv tsêr kho moz, yuôr 2 lênhx tiv trâus tưx hnhar viv li tưz tuôs. Thâuv tâu mông lok hâux lưv no, chiz coaz muôx txơưx jênhv tiv phaz tưz ciêr chênhr xav tênhv qir tiv, thôngx cxix tuôx seiz nus, tôngv vênhx chuôz zis têx lênhx nênhs trâus nanv./.

(An Kiên- Txâur Vax cxeik nhênhv)

Ntơưv jos Tọ Thượng, xã Huy Bác, huyện Phù Yên, tỉnh Sơn La nhiv kruôr muôx yưv iz txuz cuz tsêr, taz sik hmôngr jông ho tsik muôx lênhx nênhs tưs trâus saz, trâus tuôs.

Luz tsêr trâus cuz hnhiêz ntơư zos zơưv Đinh Văn Nang chuôz zis, thâuv niêv txir muk khưr uô liêx têz, chor mê nhuôv nhoz hâur tsêr, uô hluôr tơưk txêik cuz pơưs kuôr blêx hâur kaz tsêr lơưx thiêx uô trâu luz tsêr trâus cuz hnhiêz puôk tsuôx tas.

Đhâu ntơư, hâu nov uỷ ban xã Huy Bắc tưz muk sêiz shuôk thiêz muôz 5 triệu đêiv nhiêx paz trâu zơưv Đinh Văn Nang chuôz zis chiê tâu zuôr tưx têik, chuôz zênhx sir zôngv./.

                                                                                                    (Tsu vưx cxêik nhênh-An Kiên)

Hâur cheix lok nas shông no, chiê txu gris têx ruôr hiêv lok tsêr nhoz cux xưk li taz por lênhx nênhs li txox siê, huyện Phong Thổ tỉnh Lai châu tưz seiz car thiêz pov 300 ntâu ziv chuôz zis nhoz uô nênhx ntơưv thax tsav njuôs xav muôx tox poz ar lơưk tsuv muôx tsưr ziv txar qơư nhoz trâu têx chuôz zis no muk nhoz qơư taz por đuô. Têx ziv chuôz zis tsuv txar qơư nhoz chêx chôngk nhoz têx xã: Lản Nhì Thàng, Mù Sang thiêz Vàng Ma Chải. HUyện tưz chox kriê têx xã txar 140 ntâu ziv chuôz zis muk, 80 ntâu ziv chuôz zis txơưr tưz tâu paz txưv nhiêx txiêx txar qơư nhoz, chor tsênhv yuôr mak tsi tâu muôx nhiêx txiêx paz txưv chiê txar qơư nhoz thâuv tưz txos cheix ntux lok nas./.

(VOV4-Txâur Vax cxeik nhênhv)