Bôv trưởng Bôv Zoz thôngz-Vận tải Nguyễn Văn Thể thiêz đoanx côngz xưv tưz muôx jiês uô hâux lưv đros nov hâu tỉnh Lai Châu lok côngz xưv sêiz car têz qơưk lok cêv kuôk, yưv pênhr huôv tsar cxiv luôs zoz thôngz sâuv thax tsav tỉnh Lai Châu.

Bôv trưởng Nguyễn Văn Thể sâu jênhv tỉnh Lai Châu li têx chêx cur tưz tax tâu, tiv zix zos kriz đar cxiv luôs zoz thôngz txix thâuv phêiz yênhx lix txos nhiv no. Ciês ntu cêr txuôz Lai Châu đros cêr muk chênhr Nội Bài-Lào Cai, Bôv trưởng Nguyễn Văn Thể puz pâuz, Bôv zuôr hêik trâu chính phủ, Côx hôiv chiê tsov cưv yưv pênhr, paz trâu thax tsav kriz uô txox cêr paz huôv tsar lok kinh tế-xar hôiv, kriz thôngz đros trâu têz qơưk Trung Quốc. Bôv trưởng Nguyễn Văn Thể cux choz trâu Tổng cục cêr ar sik côngv đros Sở Zoz thôngz-Vận tải tỉnh Lai Châu muôx têx tsưr ziv khưx phưx ciês chor cêr tsênhv tsik jông tas tiv ar poz chiê taz por ngaz tuk zoz thôngz./.

(Khắc Kiên-Lik thox cxêik nhênhv)

Ntơưv jiês uô hâux lưv nhoz đoanx canr bôv Tòa án tỉnh Hủa Phăn, têz qơưk Lào zos đôngx chir Phon Súc Thong Sộm Bắt, Chánh án tòa án tỉnh Hủa Phăn uô thơưx chox đoanx đros thiêz tòa án tỉnh Sơn La hnuz xiêz 6/8 nhiv kruôr đhâu, 2 tos tưz sik heik kriê lok cêr coaz siv fôngx zưs siz paz thiêz huôv tsar jông nhoz tòa án 2 tỉnh hâur six hơưv đhâu; sik heik kriê lok ngênhx Tòa án 2 tỉnh li têx luôs hâux lưv uô, tsưr tsix canr bôv. 2 tos siz thôngx ziv hâur six hơưv zuôr txos, Tòa án 2 tỉnh zuôr chuôz tsar tiês uô jông đuô têx nuv li heik sâuv trơưk tsaz yênhx côngz xưv tưz tâu ndo njôngr chiê đrav ntêx; tuôr truôx cêr coaz siv fôngx zưs sik thôngx siêz, tror tso têx đoanx siz chuôs njiz, sik cơưv shâuv tsưr ziv hlôngr yiêz têx ntâuz ntơưr, phax tir thêir têx nênhs fêv..../.

(VOV4-Riê Lâux cxeik, nhênhv)

Tiv phiv liv txix coz chuô số 3, số 4 thâuv iz đraz hli 7 nhiv kruôr đhâu, ntơưv Di tích cấp têz qơưk Sở chỉ huiz chiến dịch Điện Biên phủ (nhoz xar Mường Phăng, huyện Điện Biên, tỉnh Điện Biên) muôx yưv txuz ntông lor vâu uô tsik jông đôngx chir Lê Liêm (Chủ nhiệm chính trị hâur Chiến dịch Điện Biên Phủ, shông 1954) li luz tsêr uô hâux lưv.

Nhiv no Sở vênhx huôv, Thể thao thiêz Du lịch tỉnh Điện Biên tsênhv cxiv uô tsưr ziv njuôk xav, tổng hợp ntâuz ntơưr muôz trâu Ủy ban tỉnh Điện Biên thor tsưr ziv, paz nhiêx txiêx chiê kho đuô luz tsêr no./.

(Vũ Lợi-Lik Thox cxêik nhênhv)

Tsôngv box....! Thôngz sâu txos zar tsâuk ntux hnuz xiêz 7/8, ntơưv huyện Lục Yên, tỉnh Yên Bái tưz muôx 39 luz tsêr trâus puôk tsuôx tiv ntux nas lox uô hâur six hơưv nhiv kruôr đhâu. Iz chas ntơư, muôx 6 luz tsêr zôngx ziv trâus vâu, pôngz têx chuôz zênhx tiv tox xưz poz tsuv yêik txar zênhx max. Ntux nas lox cux uô đêx ngaz, ar cxuz tas 20 ha blêx nhoz xã Tân Lĩnh; 4 tuk tưv trâus tuôs tiv đêx nas cuôr yôngz thiêz xoz tuô ntơưv têx xã Phan Thanh, Trung Tâm. Sâuv txox cêr lox 70, ntu cêik cêr 78 txos 80, hâur xã Phúc Lợi muôx iz cxiê ntu trâus xưz poz, uô ar, poz jêz cxuz cêr hâur ntâu six hơưv, yêz mul lok tsi tâu đhâu. Njuôk xav têx trâus uô hiêv heik co tas muôx nhos 500 tsov đeiv.

Đhâu hlo thâuv muôx têx tsi jông li heik ntơư, huyện Lục Yên tưz hu sđ ntơưv qơư tuôx đros thoz huk thiêz kho cêr, yêik txar têx ziv chuôz zis tsôngv box muôx vax tsêr trâus vâu, puôk tsuôx ntơư muk nhoz qơư truôx tuk; paz zênhx max trâu têx chuôz zis muôx vax tsêr trâus uô ruôr hiêv thiêz pôngz têx chuôz zênhx chuôz tas. Iz chas co, chox kriê têx taz viv seiz car cêr ar chêx tsôngk lênhx nênhs, têx chuôz zênhx cxiv kho, khưx phưx têx qơư muôx tox xưz poz sâuv txox cêr lox 70, taz por yêz mul lok tâu thôngz./.

(Thừa Xuân-Riê Lâux cxeik, nhênhv)