Njênhs njôngr txos shông 2021, tỉnh Điện Biên thiêz tập đoàn Na Foods Việt Nam zuôr huôv tsar tâu thax tsav chos ntông nox txir, đros muôx nhos 1 cxênhz hecta txir lok tsuôk lok zos txir lưk hmaz sâuv tas nro têx tiv phaz hâur tỉnh. No zos njiêz luv tsênhv tâu seiz lax, cir ntâuz ntơưr hâur Sở kôngz nuv thiêz huôv tsar nôngx cxênhz tỉnh Điện Biên đros Công ty cổ phần Nafoods Tây Bắc (tập đoàn Nafoods Việt Nam) chiê ntâus gri qênhx shênhx huôv tsar ntông nox txir thiêz tsưr ziv huôv tsar iz cxiê zav ntông nox txir huv đros ar têz sâuv thax tsav six hơưv zuôr txos. Nganhx kôngz nuv tỉnh Điện Biên njênhs njôngr txir lưk hmaz zuôr zos zav tsoz chos tsênhv paz tsôngv box têx mênhx cxưx sâuv thax tsav txu yeiz cxuôv pluôk truôx vênhs. Zơưv Bùi Minh Hải, giám đốc Sở kôngz nuv thiêz huôv tsar nôngx cxênhz tỉnh Điện Biên puz pâuz:

“Pêz xav tênhv cxiv tsa iz đề án huôv tsar ntông nox txir hâur ntu zuôr txos. Cxaz chuôz phêv thảo pêz cux tsênhv thix ziv đros công ty tiêk đrâuv txir lưk hmaz mak txir pur lux cux zos iz zav txir njuôs xav huôv tsar jông. Thiêz hâur ntu zuôr txos pêz zuôr heik UB tỉnh muôx đề án cux xưk li tsưr ziv tsênhz mênhx chiê zaz zâuv têx doanh nghiệp yưv pênhr lok hâur thax tsav chiê lơưr sâu zuôr xiv huv, pox nhuôs tso siêz thiêz muôx phênhv sâu ngaz tul”./.                               

(Vũ Lợi- Txâur Vax cxeik, nhênhv)

Trơưk li têx lênhx bác sĩ hâur tsênhv qơư qênhz shuôs têx moz gênhs tỉnh nhoz Sở Y tế Điện Biên, hâur thax tsav huyện Tủa Chùa, nhiv no chor nênhs trâus moz lis ziv hnuz ziv tsar ndê chôngz lênhx. Kaz hli 7/2019, Tsênhv qơư  Y tế huyện Tủa Chùa tưz qênhz pov nzir iz cxiê lênhx nênhs trâul moz têx poz khâus nhoz thax tsav 3 jok: Sín Chải, Háng Là thiêz Hấu Chua, xã Sín Chải. Txeik tâu mông, Tsênhv qơư qênhz shuôs têx moz gênhs tỉnh tưz tso đoanx côngz xưv muk qênhz yuôx, xav jênhv qir tiv huôv uô moz thiêz tsưr ziv đơưk kho. Đhâu qênhz njuôk shuôs  zuôr xar 1.370 lênhx tsôngv box hâur 3 jok, đoanx côngz xưv qênhz pov muôx 59 lênhx nênhs trâul moz lis thiêz iz cxiê lênhx trâus moz têx poz sâuv têx tơưr grêix. Chor cưk yuôx, bác sĩ cux xav tinhv, six hơưv no, shux xênhz zuôr qir tror tuôx muk trâu têx tsêr cơưv, cơưv ntơưr, zos tsi tir thêir thiêz kho jông chiê moz lis muôx têx siz cik tâu đêz đar trâu hâur côngv thôngx mak zuôr lok six lax kho./.

(VOV4-Riê Lâux cxeik, nhênhv)

Tsêr kho moz đa khoa thax tsav Nghĩa Lộ (Yên Bái) nhiv kruôr chơưv kho tâu 9 lênhx nênhs trâus tsơưr tưx ndêz. 9 lênhx tuôx chơưv kho viv trâus moz plaz, ntuôr, gênhs gênhs, nhoz tsi kaz...Ciês thâuv tos jênhv nênhs moz, têx y bác sĩ tưz ciêr chênhr chơưv kho lơưr tsưr ziv. Txos zar hnuz keix hnuz xiêz 7/8, 9 lênhx nênhs no li đas jos tưz jông jux jus. Têx bác sĩ heik, txos hnuz xiêz 8/8 têx lênhx nênhs no zuôr tâu tso muk tsêr. Têx lênhx nênhs no tâu xav tênhv trâus tsơưr tưx zav ndêz uô trâus tưx sei, fênhx yax thâuv nox ndêz muôx tưx mak tsuv pôngz 3 six hơưv thiêx li pâuz. Zav ndêz no txơưv tsi yuô riêz nênhs taz sik zos tsi tâu chơưv kho nzor, trơưk tsưr ziv mak cux uô luz chêr muôx tsi txâuk đêx, uô tuôs lênhx nênhs./.

(Đinh Tuấn- Txâur Vax cxeik nhênhv)

Cux ntơưv Yên Bái, Phongx txiv ngaz Chính trị, Công an tỉnh Yên Bái nhiv kruôr tso tơưv quyết tinhv xưv bluô uô cxâuv hành chính trâu Trần Thị Bích, xênhz zus shông 1989, nhoz ntơưv jok 2, phường Yên Ninh, TP Yên Bái, zos tsưr luz Facebook muôx bê “Trần Thị Bích” lok sâuv sâu li uz li no tsi trơưk chei tso hâur Facebook sâuv mạng XH. Uô ntêx ntơư, hnuz xiêz 01/7/2019 hâur zuk Facebook, Trần Thị Bích tưz tso yưv tsênhv njiêz lok txuz “Nhiês mê nhuôv zâu” muôx nhoz xã Việt Cường, huyện Trấn Yên. Đhâu hâux lưv qênhz yuôx, xav jênhv, cơ quan muôx vax huôv tưz xav tinhv, no zos têx mông tso tsi muôx tsênhz, uô trâu tsôngv box sđ cxơưx. Phongx txiv ngaz Chính trị, Công an tỉnh Yên Bái tưz tso tơưv quyết tinhv xưv bluô uô cxâuv hành chính trâu Trần Thị Bích, bluô 10 tsov đeiv nhiêx thiêz heik cov Trần Thị Bích đơưk hlê hur si têx mông tsi muôx li heik ntơư tưz tso hâur mạng XH uô ntêx 2, 3 hnuz co muk./.

(Đinh Tuấn-Riê Lâux cxeik, nhênhv)

Nhiv kruôr đhâu, ntơưv thax tsav tuêv 5, phường Phố Mới, đrôngs Lào Cai, Tuêv cảnh sát qênhz yuôx nênhs phamv cxâuv lok zax zênhz (Công an đrôngs Lào Cai) đros phongx cảnh sát qênhz yuôx nênhs phamv cxâuv lok zax zênhz, Công an tỉnh Lào Cai thâuv tsênhv uô jênhv vưv pov thiêz ntês tâu 2 lênhx nênhs tsênhv thâux gra zax zênhz, co zos Shôngx A Nhiês xênhz shông 1987 nhoz (jos Nậm Chua 2, xã Nậm Chua huyện Nậm Pồ, tỉnh Điện Biên) thiêz Thox Seo Sử xênhz shông 1990 nhoz (jos Ngải Phóng Chồ, xã Sín Chéng, huyện Si Ma Cai). Sâu tâu 10 đeiv zênhz đơưz tâu jeik hâur 2 lênhx nênhs co li hnaz ba lô. Ntơưv chiz coaz cảnh sát qênhz yuôx, 2 lênhx nênhs no jênhv zuôr chor zax zênhz no cxôngx Trung Quốc thiêz tsênhv chox muk muôs txơưv trâus chiz coaz muôx vax huôv ntês cxov./.

(An Kiên-Txâur Vax cxeik nhênhv)