Thâuv dưv ntênhs krêz shông cơưv yiêz ntơưv tsêr cơưv Phổ thôngz mênhx cxưx nội trú tỉnh Yên Bái tas, cux đros hnuz, Chủ tịch têz qơưk Nguyễn Xuân Phúc thiêz đoanx côngz xưv tưz muôx jiês uô côngz xưv đros lênhs tov tỉnh Yên Bái.

Phuôx plov ntâus grê jiês uô hâux lưv, Chủ tịch têz qơưk heik Yên Bái tror phuôx huiz chinhz yênhx sir jos huôv tsar, tiv zix zos jôngr, ar jôngr. Viv Yên Bái muôx ntâu mênhx cxưx sik đros nhoz uô nênhx, muôx ntâu vênhx huôv jông. Tiv zix, Chủ tịch heik, Yên Bái txơưv tsi zos tỉnh huôv tsar lok kinh têr tiv zix, taz sik njuôs xav zuôr zos iz hâur têx tỉnh muôx têx ntâus grê zos tỉnh muôx chỉ số shir phaz siêz tiv zix: “Cur thix ziv Yên Bái uô jông chính sách nox nhoz xã hôiv trâu tsôngv box cxôngx tsâu sor cxơưz tiês txos bluô nux. Viv li Bộ ploz tsênhr shir phaz mak Đại hội Đảng bộ jiês tiv 19 tỉnh tso tơưv zuôr nzor tâu cxiv tsa. Chủ tịch têz qơưk choz Bộ zaoz zux thiêz thox cxiv sik côngv đros tỉnh Yên Bái ntâus grê trâur nuv tsêr cơưv mênhx cxưx nội trú, bán trú tsôngv box zus mor chiê krêz uô đêz đar. Xar hlôngr yiêz tsôngv box mênhx cxưx luz nênhx, thax tsav yeiz pluôs mak vênhv thix hlôngr yiêz tsôngv box li jênhv pâuz thôngz đhâu zaoz zux zos lok six coaz tsôngv”./.

(Tuấn Xuân-Txâur Vax cxeik nhênhv)

Hmo 7/9, tỉnh Sơn La tror muôx nzir 2 lênhx nênhs trâus moz yiêz Sát-Covid-2, hâur co, 1 lênhx nênhs tsik uô trơưk têx cui tênhv lok phax, tar caz moz Covid-19. Chor nênhs nhiv kruôr cik moz no zos chor nênhs nhoz jê, njiz tâu chor nênhs moz hâur côngv thôngx thiêz chor nênhs moz hâur qơư cêv kuôk tsêx trung ntơưv huyện. Xav txix hnuz 21/7/2021 txos nhiv no, huyện Phù Yên, tỉnh Sơn La tưz muôx 231 lênhx nênhs trâus moz Sát-Covi-2; nhiv no 65 lênhx nênhs tưz tâu kho jông moz thiêz tơưv tsêr kho moz; 1 lênhx nênhs tâu yêv muk kho ntơưv tsêr kho moz Nhiệt đới Trung ương; tsênhv yuôr mak tâu chơưv kho ntơưv tsêr kho moz đaz khoa thiêz qơư kho chor nênhs trâus moz Covid-19 huyện Phù Yên./.

(Trấn Long-Lik Thox cxêik nhênhv)

Zar hnuz keix hnuz xiêz 7/9, tuêv côngz xưv phongx cảnh sát kinh têr, Công an tỉnh Điện Biên tsênhv uô jênhv vưv ntơưv thax tsav tuêv 2, phường Tân Thanh, TP Điện Biên Phuv tưz pov, uô ntâuz ntơưr uô cxâuv đros 2 lênhx nênhs tsênhv thâux 2 tul tsiêx cxu kuk.

Têx lênhx nênhs no zos Đào Huy Thanh, xênhz shông 1988 thiêz Lò Văn Hón, xênhz shông 1994, puôr lênhx nhoz jos Na Khoang, xã Mường Nhà, huyện Điện Biên. Qir thơưx, 2 lênhx nênhs no jênhv zuôr 2 tul cuôv jâus hnhar 9,5 cir cxôngx iz lênhx tsôngv box; thâuv tsênhv thâux muk muôs txơưv trâus lưx lươngv Công an ntês. Nhiv no hâux lưv no tsênhv tror tâu krêz đar qênhz yuôx; 2 tul cuôv jâus tsênhv tâu chiz coaz muôx txơưx jênhv choz trâu Tsênhv qơư chơưv paz tsiêx cxu kuk thax tsav faz Bắc chiê yưr lir trơưk phuôx lix li cui tênhv./.

(Vũ Lợi-Txâur Vax cxeik nhênhv)

Zar hnuz kêix 7/9, ntơưv khu 9, thị trấn Mường Tè, huyện Mường Tè (Lai Châu), chor lưx lươngv muôx vax huôv tưz cxov tâu oz lênhx nênhs zos Phạm Thanh Tú, zus shông 1978, nhoz ntơưv phường Niệm Nghĩa, quận Lê Chân, thành phố Hải Phòng; nhiv no tsênhv nhoz ntơưv khu 15, thị trấn Tân uyên, huyện Tân Uyên, tỉnh Lai Châu thiêz Nguyễn Thanh Hữu, zus shông 1970, nhoz ntơưv khu 32, thị trấn Tân Uyên, huyện Tân Uyên, tỉnh Lai Châu zuôr muôs tsik zos chêi zax zênhz. Têx sâu tâu zos 2 cir zênhz đơưz khor li poz jêz, 1 cir ntâu zax zênhz thiêz iz cxiê zav chuôz zênhx, ntâuz ntơưr cik txos. Ban chuyên án tưz tuôr tsês iz luz yêz ô tô tải 2,5 tấn zos oz lênhx nênhs co ntiêr chiê chêix thâux xa zax zênhz muk lok. Nhiv no Cơ qan Cảnh sát qênhz yuôx, Công an tỉnh Lai Châu tưz cxov tsês oz lênhx nênhs no thiêz kriz đar qênhz yuôx chiê muôz tik cêr cxâuv trơưk chêi têz qơưk cui tênhv./.

(Khắc Kiên-Lik Thox cxêik nhênhv)