Lơưr pos Lý Hồng Quyên, Phưv chủ tịch thường trực Hội LH pox niêv tỉnh Lai Châu, hâux lưv heik hội viên cxaz chuôz têx phongz yaox, huôx tôngv por vêv tênhx qơư, qiv hơưv txơưr txar zos iz hâux lưv muôx ziz njiêz tsênhv tsênhz. Têx shôngk đhâu, Hội liên hiệp pox niêv tỉnh tưz phuôx tôngv ntâu phongz yaox li: Tsi por têx vuôz tsuôz zak zưr cxuô qơư...cxiv tsa têx trâur nuv li “tsêr hur, vax jông”; “cxiv uô cêr muk lok jông jav”; “Tuêv pox niêv sâu por tsês têx vuôz tsuôz kiês nênhs”.....Thôngz đhâu têx phongz yaox, trâur nuv heik sâuv, tưz muôx yênhx puôk tuêv pox niêv cxaz chuôz sâu por tsês têx vuôz tsuôz kiês nênhs nhoz têx jêx jos, tuêv jênh phố. Pox niêv uô tâu ntâu hâux lưv jông thiêz cxiv tsa tâu ntâu côngz tsinhx muôx ziz njiêz./.

(Báo Lai Châu-Txâur Vax cxeik nhênhv)

Ntơưv tổ 11, phường Quyết Thắng, thành phố Sơn La, tỉnh Sơn La nhiv kruôr muôx yưv iz txuz tơưs cuz pa gas hâur tsêr, uô iz lênhx pox niêv trâus cuz hnhiêz hnhar.

Tsênhv tsênhz, xar muôx 4 six 30 phênhz sơưr nzor, niêv tix Nguyễn Hồng N., zus shông 1973 hnor pa gas tsư, viv li tưz tso tênhv chiê sêiz shuôk. Thâuv tso tênhv, tưz uô trâu tênhv txêik chis cuz chor paz gas muôx hâur tsêr tơưs cuz lox. Niêv tix N, tưz trâus saz hnhar; ntâu zav chuôz zênhx hâur tsêr cux trâus tơưs, puôk tsuôx tas; chor tsov iêr têx kror trêi luz tsêr trâus tơưs thiêz za đêz muôx 20 thiêr. Đhâu ciês co, niêv tix N. tưz tâu chox muk tsêr kho moz chiê chơưv kho. Taz sik tiv trâus cuz hnhiêz hnhar, viv li tưz tâu tsêr kho moz Đa khoa tỉnh Sơn La yêv muk trâu tsêr kho moz thênhv siêz chiê chơưv kho.

Nhiv no tsênhv zos chêix ntux kruôr gis, zôngx ziv trâus tơưs cuz siêz. Viv li, pox nhuôs tsuv tsik so qênhz yuôx têx chuôz zênhx zôngx ziv tơưs cuz hâur tsêr; sir jos nriêr pâuz txux chi lok phax cuz, tuô cuz chiê txo grêk tsơưs tiv zix têx phiv liv muôx yưv./.

(Trấn Long-Lik Thox cxêik nhênhv)

Cux ntơưv Sơn la, Công an huyện Mộc Châu, tỉnh Sơn La tsênhv uô tiêr hồ sơ ntâuz ntơưr yưr lir iz lênhx nênhs chos zax zênhz tsi trơưk chei sâuv thax tsav thị trấn nông trường Mộc Châu, huyện Mộc Châu (Sơn La). Uô ntêx co, tuêv côngz xưv Công an huyện Mộc Châu thâuv uô jênhv vưv ntơưv thax tsav têz nhoz tiểu khu Pa Khen, thị trấn nông trường Mộc Châu tưz pov pos Lầu Thị Mỷ, mênhx cxưx Hmôngz, xênhz shông 1935 chos 200 tsoz zax zênhz ntơưv chuôz zis li têz. Chor zax zênhz no tsênhv tơưs pax thiêz tâu pos chos ntơưv cưx ha-qơư muôx tsơưs lênhx nênhs muk lok đhâu. Công an huyện Mộc Châu tror uô tiêr ntâuz ntơưr chiê yưr lir lơưr phuôx lix li cui tênhv./.

(CTV Đức Cường-Txâur Vax cxeik nhênhv)