Zar hnuz kêix xiêz 8/3, ntơưv pak đêx Chiềng Khoi nhoz jok Pút, xã Chiềng Khoi, huyện Yên Châu, tỉnh Sơn La muôx iz txuz fuôx gox trâul nzênhr, uô iz lênhx nênhs trâul tuôs. Tsênhv tsênhz: Thâuv 3 six zar hnuz kêix xiêz 8/3, ntơưv thax tsav qơư heik sâuv, muôx nhos 10 lênhx nênhs tsênhv taz tov gruôv gox muk ndis uô si, gox txơưv trâul nzênhr uô iz lênhx nênhs trâul tuôs. Qir tiv xuz thơưx tâu pâuz, viv cheix chôngz nênhs hênhr thiêz hnhar viv li gox thiêx trâul nzênhr, uô muôx têx tsi jông li heik sâuv. Đhâu qênhz yuôx shuôs xuz thơưx, lênhx nênhs trâul tuôs co zos pox niêv, muôx nhos 60 shông nhoz huyện Mộc Châu, tỉnh Sơn La. Nhiv no txuz nuv co tsênhv tror tâu qênhz yuôx, uô tsênhz mênhx./.

(Trấn Long-Riê Lâux cxeik, nhênhv)

  Tsêr kho moz Quân Y 105 (Tổng cục Hậu cần) nhiv kruôr khơưk muôz chor nhiêx muôx 80 triệu đêiv paz uô tsêr nhoz trâu niêv tix Cà Thị Đoan, ntơưv jok Bánh, xar Mường Phăng, thành phố Điện Biên Phủ, tỉnh Điện Biên. Niêv tix Cà Thị Đoan (34 shông) ziv chuôz zis zos chuôz zis pluôs nhoz xar Mường Phăng. Tuk txir khiêr lơưv thâuv tuk nhuôv tuz nhiv kruôr muôx 3 hli. Xar muôx 5 shông đhâu, niêv tix Đoan iz lênhx sir jos tu zus mê nhuôv hâur luz tsêr lơưx đar muôx 20 thiêr ndis, tưz tsik jông tas tâu puô txix  shôngz thiêz faz nja tsuv xuôk tax xor thêir nzir. No zos Tổng cục hậu Cần li hâux lưv uô muôx tsiv gri paz trâu pêx xênhv chiê chiv nhênhv 70 shông hnuz cxôngx nzor nganhx Hậu cần Quân đội (11/7/1950-11/7/2020)./.

(Vũ Lợi-Lik Thox cxêik nhênhv)

Thanh Thủy, nênhs sâu xor xưv Đeix TNVN nhoz Tây Bắc xa mông: Tas cik hnuz xiêz 8/3, ntơưv jok Áng, xã Đông Sang, huyện Mộc Châu, tỉnh Sơn La tưz qir kuôk cêv 7 lênhx nênhs hâur iz chuôz zis chiê nưk nhoz nưk hâur tsêr tsi khênhr mul lok trâu uz trâu no chiê phax txar jav moz Covid-19. No zos têx lênhx nênhs tưz nhoz jê, buôk ti đros iz lênhx kruô uô hâux lưv ntơưv tsêr khô moz ntiêx têz Hồng Ngọc. Chuôz zis no zos tsưr tsêr tok kruô tuôx nhoz, so ndis shuôs ntux uô si Homestay hâur thax tsav qơư. Lok hnuz xiêz 7/3, chor nênhs hâur chuôz zis tưz nhoz jê, buôk ti đros lênhx kruô B.T.H, tâu seiz zos nhoz jê đros lênhx nênhs moz tiv 17 tưz xav tiêk trâul moz Covid-19 ntơưv Hà Nội. Lênhx kruô no tuôx nhoz so muôx 2 six hơưv ntơưv luz tsêr tok kruô heik sâuv txơưv tror muk Hà Nội đhâu thâuv txeik tâu têx heik pâuz txix têx qơư xa mông, xã tưz tưz cơưv Ban chox kriê heik cov heik trâu zơưv Th chuôz zis pâuz, tsi tâu mul lok đhâu thax tsav qơư nhoz thiêz hux jos đros tsênhv qơư Y tế huyện Mộc Châu tsuôs yuôx tuô, lov caz moz ntơưv luz tsêr tok kruô co. Đhâu qênhz yuôx, njuôk shuôs đas jos 7 lênhx nênhs hâur zơưv B.V.T chuôz zis puôr lênhx tsi pov muôx li chas txơưr txar hlo./.

(TTTB-Riê Lâux cxeik, nhênhv)

Xor mông txix Văn phongx UBND tỉnh Lào Cai puz pâuz, đhâu qênhz yuôx muôx tas nro 180 lênhx nênhs njiz thiêz nhoz jê oz lênhx kruô zos nênhs têz qơưk Anh trâus cik caz moz Sát Co-vi 2 sâuv thax tsav tỉnh.

Tas nro chor nênhs no tsênhv tâu cêv kuôk, sêiz shuôk jông. Ntơưv jiês cơưv ban sêiz car phax tar moz Covid 19 tsưr tsix hnuz 8/3, Chủ tịch UBND tỉnh Đặng Xuân Phong tưz chox kriê têx cơ quan txơưx jênhv sêi đrơưv, sir jos kriz uô têx sưr ziv chiê phax tar caz moz; thiêz hêik pêx xênhv sir jos sik côngv đros cơ quan txơưx jênhv uô jông têx tsưr ziv phax tar caz moz./.

(An Kiên-Lik Thox cxêik nhênhv)