Hnuz 8/4, ntơưv Di tích cấp têz qơưk Thành Bản Phủ (xã Noong Hẹt), Ủy ban huyện Điện Biên, tỉnh Điện Biên tsưr tsix ntênhk hôiv Thành Bản Phủ shông 2018 đros hnuz hôiv vênhx huôv, thể thao thiêz Du lịch cxuô mênhx cxưx huyện Điện Biên jiês tiv 7. Ntênhk hôiv Thành Bản Phủ zos huôx tôngv tâu huyện Điện Biên, tỉnh Điện Biên tsưr tsix tsik so yênhx shông hâur chor hnuz txix 24-25/2 zênhz lix. Shông no, tênhk hôiv Thành Bản Phủ tror tâu Ủy ban huyện Điện Biên tsov cưv tsưr tsix jông chiê zaz zâuv chôgz pêx xênhv thiêz tsôngv kruô tuôx sêiz shuôk./.

(Vũ Lợi-Lik Thox cxêik nhênhv)

Nhiv kruôr đhâu Sở thôngz xor mông tỉnh Yên Bái tưz tsưr tsix Ntênhs chiv nhênhv 10 shông yênhx lix nganhx. Phuôx plov ntơưv ntênhs chiv nhênhv, zơưv Hà Ngọc Văn giám đốc Sở thôngz xor mông tỉnh Yên Bái puz pâuz: Hâur six hơưv zuôr txos, Sở thôngz xor mông Yên Bái zuôr cxơưz tiês huôv tsar cxix luôk bưu chinhr-viễn thông txos cơ sở, tiv zix zos thax tsav tox siêz đêz đrôngs. Chêx chôngk cxiv tsa hành chính điện tử ntơưv têx nganhx tiv phaz; muôz siêz tsơưr lươngv têx huôx tôngv coar lik têz qơưk lok pov tsir, thôngz xor mông điện tưv. 10 shông đhâu, Sở thôngz xor mông Yên Bái tưz tâu Bộ trưởng Bộ thôngz xor mông khơưk muôz 5 đeiv qix tưr thik; chủ tịch UB tỉnh khơưk muôz 3 đeiv qix tưr thik; ntâu tập thêv lênhx nênhs hâur Sở tâu jênhv ntơưr kruôk, bê tưr thik jông cxôngx Trung ương thiêz tỉnh./.

(Thừa Xuân- Txâur Vax cxeik nhênhv)

Chiê tror khav tênhv tsoz yuôx zêx thiêz hax huv yuôx zêx Mộc Châu li pưk txux, tsiv gri, nhiv kruor đhâu, huyện Mộc châu, tỉnh Sơn La tưz kriz uô Hôiv yuôx zêx tox siêz Mộc Châu jiês tiv 3 shông 2018. Hôiv yuôx zêx shông no zos xor xưv vênhx huôv jông, tâu tsưr tsix ndax trâu jiês chiv nhênhv 60 shông yênhx lix Nông trường Quốc doanh Mộc Châu, zos jiês chiê paz uô trâu chor nênhs chos yuôx zêx cux xưk li chor doanh nghiệp uô, kinh doanh hax huv yuôx zêx sâuv thax tsav huyện Mộc Châu sir jos uô lox tôngv, xênhz yar. Pos Nguyễn Thị Hoa, phưv chủ tịch Ủy ban huyện Mộc Châu, tỉnh Sơn La puz pâuz:

“Tsoz yuôx zêx zos iz tsoz chos paz trâu pêx xênhv cxuô mênhx cxưx huyện Mộc Châu luz nênhx, tiv zix zos chor nênhs uô yuôx zêx muôx luz nênhx truôx jông. Viv li mak huôv tsar suôz bê, thiêz huôv tsar truôx tsoz yuôx zêx cux zos tsar tov zov chênhr paz trâu pêx xênhv uô bluô nux ciês sâu zuk qơư nhoz Mộc Châu”./.

(Trấn Long-Lik Thox cxêik nhênhv)

Uô Thủ tướng chinhr phuv li cuiz tênhv số 33, 2 shông đhâu, ntâu ziv chuôz zis tsôngv box mênhx cxưx pluôs nhoz tỉnh Lai Châu tưz muôx tsêr jông nhoz, yênhx trus ngaz tul luz nênhx, nhoz truôx têz truôx qơư chiê uô nox uô hâuk, sir jos hla đhâu cêr pluôs truôx vênhs. Lơưr UB tỉnh Lai Châu li thôngz sâu, cxôngx shông 2015 txos nhiv no, tas nro tỉnh muôx 3 cxênhz 800 ziv chuôz zis tâu paz txưv cxiv tsêr nhoz yiêz, kho đuô tsêr nhoz đros phênhv pênhr uô zos 213 tỷ đeiv; hâur co, pênhr puz txeik tsov cưv zos 96 tỷ đeiv ntâu, pênhr huiz tôngv cxôngx cuiv “ Viv nênhs pluôs” zos 1,5 tỷ đeiv, pênhr huiz tôngv cxôngx doanh nghiệp, tsưr tsix, lênhx nênhs ...zos 115 tỷ đeiv....Đros tas nro têx cấp, nganhx, chinhr quyênx tiv phaz thiêz tsôngv box lok sik đros uô, cxôngx shông 2016 txos tas shông 2017, tas nro tỉnh paz txưv 834 luz tsêr trâu têx ziv chuôz zis pluôs. Thâuv txeik pênhr, têx ziv chuôz zis tưz cxiv yiêz thiêz kho đuô tsêr tsênhv nhoz, taz por mênhv chêx tsơưs tiv zix zos 24 yiv ndis thiêz taz por 3 truôx thâuv cxiv tsêr nhoz./.

(VOV4-Txâur Vax cxeik nhênhv)