Xav txos trâu nhiv no, tsôngv px huyện Si Ma Cai, tỉnh laox cai tưz chos tâu 32 ha jâuz krưr tsik ndax chêix. Chor jâuz krưr tsêz chos tsik ndax chêix no, phênhv ntâu zos tsêz chos trâu chor xã li: Mản Thẩn, Sín Chéng, Quan Thần Sán, Sán Chải…Tsôngv px tsêz chos siv chor jâuz krưr ntơư hauar kaz hli 6 đhâu. Ntơư zos shông tiv 5 tsôngv px tsêz chos jâuz krưr tsik ndax chêix thiêz muôs tau grê, muôx phênhv sâu tâu nhiêx txiêx trâu chuôz zis, iz thênhv jux juk txo grêk yêiz pluôs/.

                                                (Tsu cxeik nhênh-BTS)

Tas cik hnuz xiêz 08/7, tsêr kho moz Đa khoa tỉnh Sơn La đros Tsênhv qơư 2 buôk ti paz têx nhuôs trâul sêv khiz luz chêr-Hội chơưv paz têx nhuôs zâu trâus sêv khiz luz chêr VN, chor cưk yuôx, bác sỹ lês car uô đreiv luôs hâux lưv co hâur têx tsêr kho moz T.Ư tsưr tsix tsaz yênhx fêis kho moz tsi zuôr nhiêx trâu têx nhuôs zâu trâus sêv khiz luz cêr tỉnh Sơn La tâu tsưr tsix hâur shông no zos shông tiv 8, trâu iz cxênhz ntâu lênhx nhuôs trâul sêv khiz luz chêr hâur tỉnh. Tuôx seiz njuôk shuôs, fêis kho moz, hur tiz si têx nhuôs zâu txix 16 shông tror zar hâur, trâus sêv khiz lok sâuv kror ndâux, kror njưs, kror muôs, tơưr grêix chơưk đhâu trâus cuz hnhiêz..... zuôr tâu fêis kho moz tsi tas nhiêx thiêz paz nhiêx nox nhoz mul lok. Niêv lâuk Tòng Thị Thanh Quỳnh, tuk nhuôv Hà Bảo Trâm, 8 shông nhoz jok Puôi 2, xã Huy Tân, huyện Phù Yên trâus chơưk poz tơưk thâuv tsênhv nhoz hâur đruôz thiêz li lênhx niêv heik:

“Thâuv ntêx tuk nhuôv muk lol lok six phiv liv, tsi tâu jông xưk li luôs lưv tuk, lênhx nhuôs cux muôx ntâu tsưr ziv, xar muk đros têx fôngx zưs cơưv uô cê siz tưr đhiê, nthuôr uô cêr lov jêv, taz sik viv lênhx nhuôv cxeik tơư jông li ntơư mak tsi tâu muk đros uô cêr lov jêv, cux qiv, tu siêz. Cur vav thiêz xar cov zuk mê nhuôv mul lok tâu li luôs têx nhuôs xưz, mê nhuôv khax kha, mul lok zôngx ziv xưk li têx fôngx zưs mak zuk shir phaz, jông siêz lơưv”./.

                               (Trấn Long-Riê Lâux cxeik, nhênhv)

6 luz hli hâur shôngk shông, cxuô cấp bộ đoanx tỉnh Yên Bái tưz cxiv uô tiêr 1.663 côngz trênhx. Đros ntơư, cux qêz suô tâu 5 tấn khâuz vuôz tsuôz kiêk nênhs chox muk por tsês; chos tâu 162 cxênhz ntâu tsoz ntông nzôngr tox trôngx câuv har.

Iz chas co, cxuô tsưr tsix đoanx hluôk nênhs cux uô jông luôs hâux lưv muôz huv puz trâu chor chuôz zis muôx côngz têz qơưs thiêz chuôz zis muôx cêr txov nhêv hâur thax tsav./.

                                (Tsu vưx cxêik nhênh-Báo Yên Bái)

Đhâu iz hlik qênhz yuôx cxaz nzir, Tòa án tỉnh Sơn La tưz tso tơưv quyết tinhv tror muôz txuz plâuz pâux nzir zuôr qơư uô tsêr meir tênhv tênhz Sơn La lok tu trâu hnuz 18/7 zuôr txos no.

Iz chas ntơư, Tòa án tỉnh Sơn La xơưz xưv, tik cêr cxâuv trâu Trương Tuấn Dũng, Phan Tiến Diện, Phan Đức Chính, Phan Xuân Khoa, Trần Mạnh Trì, Tòng Văn Thành, Lê Quang Huy, Nguyễn Văn Thanh, Đèo Văn Ban, Ngô Xuân Vân trâus Viện Kiểm sát tỉnh Sơn la yơưz phơưz lok sâuv: Cxoz txưv uô tsi trơưk têz qơưk cui tinhv lok seiz car kinh tế uô tuôr xuôv tas ntâu  nhiêx txiêx lơưr grêi 3, grê 165 chei Hình sự shông 1999.

Têx lênhx nênhs trâul muôz tik cêr cxâuv: Mai Văn Quang, Bùi Văn Tân, Vũ Hồng Giang trâus Viện Kiểm sát tỉnh Sơn La yơưz phơưz lok sâuv: Cxoz txưv uô tsi trơưk têz qơưk cui tinhv lok  seiz car kinh tế uô tuôr xuôv tas ntâu nhiêx txiêx lơưr grêi 2, Grê 165 chei Hình sự shông 1999./.

                       (PVVOVTB-Riê Lâux cxeik, nhênhv)