Têik cik 8/8, Đoàn côngz xưv số 3-Ban chox kriê Trung ương lok phax tar nox nhiêx têz qơưk zos Phan Đình Trạc-Ủy viên Trung ương Đảng, trưởng ban nội chính Trung ương, phó trưởng ban thường trực Ban chox kriê Trung ương lok phax tar nox nhiêx têz qơưk uô trưởng đoàn tưz muôx jiês uô hâux lưv đros Ban thường vụ tỉnh ủy Lào Cai chiê kriz uô tsưr ziv qênhz yuôx, sêiz kaz hâux lưv thanh tra, truy tố, xét xử chor txuz án nox nhiêx têz qơưk, kinh tế zov chênhr, phiv liv, xã hội tsov cưv txos sâuv thax tsav.

Hêik chox kriê jiês cơưv, zơưv Phan Đình Trạc tưz hêik tsưr ziv, zoz qơưx jiês qênhz yuôx, sêiz kaz. Lơưr co, tsênhv njiêz qênhz yuôx, sêiz kaz tsêx trung trâu chor vênhv thix: Đảng li côngz xưv lênhx tov, chox kriê lok phax, tar nox nhiêx têz qơưk; côngz xưv pov, xưv lik; uô têx án; côngz xưv sik côngv qênhz yuôx; hâux lưv hêik pâuz; chuôz cxaz Đảng li côngz xưv lênhx tov trâu côngz xưv nriêr pov, kriz uô nghị quyết Trung ương 4 (khóa 12), tsênhv njiêz lok shưz xar, luz nênhx tsik jông cik txos têx kror liv, phiv liv, nox nhiêx têz qơưk./.

(An Kiên-Lik Thox cxêik nhênhv)

     Ntơưv tỉnh Lai Châu, tas cik hnuz xiêz 08/8, Chính phủ Đoanx côngz xưv Ban chox kriê phax tar têx nênhs fêv ( lok zos hu uô ban chox kriê 138 Chính phủ) zos Thượng tướng Lê Chiêm- Ủy viên T.Ư Đảng, Thứ trưởng Bộ Côx phax uô thơưx chox đoanx tưz muôx jiês uô hâux lưv đros Ban chox kriê phax tar têx nênhs fêv, nênhs uô cxâuv chei têz  qơưk thiêz cxiv tsa phôngz yaox tas nro tsôngv box sơưr đơưk sik đros tsưx phưv têz qơưk tỉnh (hu uô Ban chox kriê 138 tỉnh).

       Đros thiêz 74 xã tâu Bộ Công an xav tinhv zos phiv liv lok sâuv têx cuz nxor, Ban chox kriê 138 tưz qir qênhz yuôx, ntâuk grê, xeir 13 hâur 74 xã heik sâuv chiê chêx tsôngk uô lơưr têx tsưr ziv phax tir thêir. UBND tỉnh hux jos đros phênhz têx nhiêx txiêx txix ntơưv qơư trâu têx taz viv lês uô têx hâux lưv co. Iz chas ntơư, Công an tỉnh cux phênhz pheiz têx đôngx chir hâur Ban Giám đốc thiêz30 taz viv chuôz tsar tiês uô hâux lưv taz por txiv ngaz thiêz paz cxiv kho, uô jông têx hâux lưv chính trị ntơưv 37 xã (hâur co muôx 6 xã nhoz hâur 74 xã tâu Bộ Công an xav tinhv zos phiv liv lok txiv ngaz).... Đhâu co luôs hâux lưv sơưr tơưv txênhz, phax tir thêir têx nênhs fêv tưz uô tâu ntâu luôs hâux lưv jông, têx nuv cxiv tsa phôngz yaox tas nro tsôngv box sơưr đơưk sik đros tsưx phưv txiv ngaz têz qơưk tâu cxơưz tiês uô, tsôngv px sơưr đơưk sir jos sik đros yơưz vơưz, tir thêir têx nênhs fêv..../.

(KT-Riê Lâux cxeik, nhênhv)

      Têik cik 8/8, zơưv Hoàng Văn Chất, Bí thư tỉnh ủy Sơn La tưz sêiz shuôk jiês uô hâux lưv đros huyện Mường La chiê sêiz lax chor tsưr ziv khưx phưx chêx cur ntux nas chuô đêx ngaz cuôr, tsêx trung truôx tuk qơư nhoz trâu pêx xênhv. Chiê bax qơư nhoz trâu chor chuôz zis tsik muôx vax tsêr nhoz ntơưv têx qơư nhoz yiêz, tsưr ziv chox kriê zos cxiv uô oz luz tsêr txix kuôr hlâu.

Suôv câuv jiês uô hâux lưv, zơưv Hoàng Văn Chất, Bí thư tỉnh ủy tsov cưv huyện Mường La đros chor ngành txơưx jênhv tsuv tsoz phưz, taz por đas jos trâu pêx xênhv thax tsav trâus đêx ngaz cuôr. Choz zok trâu huyện Mường La uô tsưr yưv pênhr chor dự án cxiv tsa, khưx phưx chêx cur. Zơưv Hoàng Văn chất, Bí thư tỉnh ủy Sơn La hêik:

      “Pêz thôngx ziv siêz bax qơư nhoz yiêz trâu chor ziv chuôz zis tsik muôx vax tsêr nhoz. Tsênhv yuôr mak trơưk ntus cêr kror tưs muôx qơư mak uô tsêr trâu lơưr nhoz thiêz tsuv muôx pêx zênhv li ziv chênhv. Lok paz trâu pêx xênhv uô tsêr mak zuôr paz pêx xênhv uô oz luz tsêr txix kuôr hlâu, uô ntêx zos chiê nhoz, tov kaz no mak uô tsêr mor”./.

(Hồng Việt-Lik Thox cxêik nhênhv)

      Đhâu têx hnuz ntux nas lox ntơưv Mù Cang Chải, têx lưv lươngv muôx vax huôv cux tsênhv sir jos fuô uô luôs hâux lưv khưx phưx têx trâus ntux uô hiêv. Txos nhiv no, têx ar, poz jêz tưz thoz huk tâu nhos 80%; chor tsêr cơưv tsênhv zênhx max cxiv kho, qêz suô têx qơư cơưv chiê bax tok têx nhuôs shux xênhz tuôx tsêr cơưv, cơưv ntơưr ndar tâu trâu hnuz krêz shông cơưv yiêz. Têx hnuz đhâu, luôs hâux lưv khưx phưx têx tsêr cơưv ntơưr tưz tâu moz siêz txos chiê bax tok têx shux xênhz tuôx cơưv hâur shông cơưv yiêz. Iz chas hâux lưv cxiv kho, qêz suô têx qơư nhoz cơưv ntơưr, chiê taz por truôx tuk trâu shux xênhz thiêz chor cưk kriê ntơưr, txos nhiv no, Yên Bái zuôr heik Bộ cxiv tsa ntâuk grê đuô tsơưr lươngv, têx côngz trênhx seiz pok khor thiêz truôx uô ntêx thâuv zuôr tror zôngv đuô. Cưk kriê Đoàn Thị Phúc, thơưx seiz car tsêr cơưv cxênhx nhuôs zâu Hoa Lan heik pâuz:

     "Têx qar tsêr cơưv tưz tâu qêz suô hur si taz sik têx chuôz zênhx zôngv chiê kriê thiêz cơưv ntơưr mak phênhv ntâu tưz tsi jông tas, pêz cux vav chiê siêz tiêk, cxuô cấp ngênhx txix T.Ư txos ntơưv qơư tror paz thiêz, chiê tsêr cơưv muôx txâuk têx chuôz zênhx, qơư cơưv ntơưr trâu hâur shông cơưv yiêz"./.

(Đinh Tuấn-Riê Lâux cxeik, nhênhv)