Hnuz xiêz 8/8, Bộ zoz thôngz đoanx côngz xưv zos Bộ trưởng Nguyễn Văn Thể uô thơưx chox tưz uô hâux lưv đros tỉnh Yên Bái lok qênhx shênhx kho têx cêr mul lok đhâu đêx nas uô hiêv thiêz seiz shuôs iz cxiê dưv anr cêr mul lok hâur thax tsav tỉnh Yên Bái.

Heik ntơưv jiês uô hâux lưv, Bộ trưởng Nguyễn Văn Thể phênhv ntâu jông siêz, thôngx ziv đros tỉnh Yên Bái têx lul heik, thix ziv. Uô ntêx, choz trâu têx cơ quan cik txos zênhx max thâux gra têx tơưz hlâu poz jêz....tuôx trâu Yên Bái zênhx max kho thêir têx ntu cêr mul lok trâus puôk tsuôx, tsi jông tiv đêx nas cuôr yôngz, xưz poz; Choz Tổng cục cêr ar VN qênhz shuôs đuô luôs hâux lưv cxiv kho têx cêr ar đros thiêz têx cêr lox, ntơưv têx ntu zôngx ziv trâus xưz poz tsuv kho ciês chiê taz por truôx tuk trâu têx yêz mul lok tâus cêr, lar heik zos têx txox cêr lox 32C, 37 thiêz 2D.

Suôx câuv jiês uô hâux lưv, Công đoanx Bộ zoz thôngz tưz muôz 100 tsov đeiv nhiêx paz trâu tsôngv box thax tsav trâus đêx nas uô ruôr hiêv Yên Bái./.

(Tuấn Xuân-Riê Lâux cxeik, nhênhv)

Đhâu iz hnuz ntâu cêr lav tâu thoz huk muk lok thôngz, txix hmo 7 txos 8/8, sâuv thax tsav chor xar ntus đriv huyện Phong Thổ, tỉnh Lai Châu tror muôx ntux nas uô ar, poz jêz nhoz iz cxiê ntu cêr chênhr txuôk txix huyện đros chor xar ntus đriv tror muôx ar poz nzir, uô phiv liv trâu lênhx nênhs thiêz yêz muk lok thâuv cxaz chuôz zoz thôngz. Zơưv Trần Phú Cường, sêiz car đội kriz uô thoz huk cêr, Công ty TNHH Mạnh Toàn, taz viv tsênhv thoz huk ntu cêr co puz pâuz:

“Ntux nas, ar poz muôx yưv tsik so, pêz tưz huiz tôngv tas nro têx lưx lươngv, chuôz zênhx kriz uô txix oz saz. Uô cxaz six hơưv chiê taz por trâus hâux lưv thoz huk cêr. Qiv hơưv li nhiv no thiêz tas nro têx cêr tsênhv muôx ar poz nzir mak pêz cux tsuôk pâuz thoz huk cov cêr muk lok tâu thôngz sêi tiv zix xưz”./.

(Thanh Thủy-Lik Thox cxêik nhênhv)

Txix hnuz xiêz 3/8 txos nhiv no, muôx ntux nas lox tsi so, phênhv ntâu zos hmo ntux, uô ruôr hiêv ntâu trâu cxuô thax tsav qơư hâur tỉnh Lào Cai, njuôk xav hur si têx trâus uô hiêv tas muôx nhos 10 tỷ đeiv.

Têx trâus uô hiêv ntơư phênhv ntâu zos nhoz trâu huyện Bắc Hà, Si Ma Cai, Bảo Thắng, Bảo Yên thiêz Văn Bàn, đros thiêz hur si muôx tsôngv box 100 luz tsêr trâus uô ruôr hiêv, 100 ntâu ha liêx têz kôngz lôngk trâus tsi jông, zuôr xar 20 cxênhz tuk tsiêx cxu trâul tuôs tiv đêx ngaz, yênhx châuv txox cêr mul lok hâur tỉnh, hâur xã, hâur jok trâus xưz poz. Ntux nas lox pêv hâur cux uô têx đêx liêz, đêx Chảy huôv hloz./.

(An Kiên-Riê Lâux cxeik, nhênhv)

Đoanx côngz xưv Đại sứ quán Úc thiêz Cục por vêv đrox tsuôs (Bôv NN&PTNT) nhiv kruôr chuôr yuô thiêz uô hâux lưv ntơưv tỉnh Sơn La chiê ntâuk gri thax tsav chos thiêz cungz ntơưr tso chêi muôs txir lưv tsiz trâu ciêz đrôngs Úc.

Hêik ntơưv jiês uô hâux lưv, pos Amy Guihot, Tham tán kôngz nuv, Đại sứ quán Úc ntâuk gri siêz tsơưr lươngv chor hax huv kôngz nuv nhoz tỉnh thiêz puz pâuz: Đại sứ quán Úc tsik so zuôr tỉnh Sơn La têx hax huv kôngz nuv muôs ntơưv têx qơư muôs nhoz Hà Nội. Đhâu jiês muk shuôk no, đoanx côngz xưv zuôr muôx nzir ntâu xor mông lok tỉnh Sơn La li thax tsav chos txir lưv tsiz muôs tơưv saz đrâuv têz qơưk thiêz nzor muôx trâu cơ quan sêiz car Úc chiê nzor uô tiêr têx ntâu ntơưr tso chêi, paz uô trâu kôngz nuv tỉnh Sơn La tâu muôs txos trâu nênhs sir zôngv./.

(KT-Lik Thox cxêik nhênhv)