Tưz 4 luz hlik ntâu lok no, ntâu nênhs moz trưx phax nhoz tỉnh Sơn La muk kho moz ntơưv tsêr kho moz trưx phax Hà Nội tưz txu gris phênhv tưs têx nhiêx txiêx muk lok. Yêz muk lok tsi pôngz nhiêx txiêx co zos yêz Sơn Nam muk cxôngx Mường La- Hưng Yên li tsov cưv tsuôk li chuôz cxaz đas jos chiê lơưr tso siêz đuô kho moz. Tix lâuk Lê Văn Nguyên, tsưr yêz Sơn Nam puz pâuz: Qir huôx tôngv shông 2017, lơưr tsưr ziv muk zos đhâu tsêr kho moz nội tiết Trung ương, tsêr kho moz trưx phax Tân Triều, Hà Nội, yêz tưz tos ntâu lênhx kruô zos lênhx nênhs moz trưx phax. Muôx têx lênhx 1 luz hlik tsuv muk lok cxôngx 3-4 jiês chiê kho moz. Njiz têx lênhx kruô muôx luz nênhx phêv liv li ntơưv, tix lâuk Nguyên tưz cuiz tênhv đros thiêz tas nro têx lênhx nênhs txơưr thav thôngx ziv puz têx lênhx nênhs co muk yêz kho moz tsi pôngz nhiêx txiêx. Co zos iz huôx tôngv jông, tso pov lênhx nênhs nhiv no li siêz jông hâur luz nênhx./.

(Đắc Thanh- Txâur Vax cxeik nhênhv)

Zar hnuz kêix xiêz 8/8, đôngx chir Nguyễn Chiến Thắng-Ủy viên ban Thường vụ Tỉnh ủy, Phưv chủ tịch Ủy ban tỉnh Yên Bái tưz muôx jiês uô hâux lưv đros Đại sứ quán Trung Quốc đoanx côngz xưv zos pos Doãn Hải Hồng-Tham tán Công sứ Đại sứ quán Trung Quốc ntơưv VN uô thơưx chox đoanx. Tsênhv njiêz 2 tos uô hâux lưv, zos chuôz tsar Đại sứ quán Trung Quốc thiêz tỉnh Yên Bái cêr sik hux jos siz paz cux li tỉnh Yên Bái thiêz têx thax tsav qơư hâur Trung Quốc li cêr sik paz, siz nriêr pâuz lok  sâuv tỉnh Yên Bái li cêr huôv tsar kinh tế-XH thiêz qênhz shuôs iz cxiê qơư tsiv uô kôngz-jôngr nuv, zos tỉnh huôv tsar uô tâu jông. Iz chas ntơư, heik trâu đoanx côngz xưv pâuz lok tỉnh cêr sik hux jos đros luôs 2 chas thax tsav sâuv ntiêx têz, lar heik zos đros thiêz tỉnh Vân Nam, Trung Quốc cux li muôs Yên Bái têx xiv huv trâu ciêz đrôngs Trung Quốc hâur six hơưv đhâu./.

(KT-Riê Lâux cxeik, nhênhv)

Nhiv kruôr đhâu, ntơưv jos Hải Sơn, xã Chiềng Khoong, huyện Sông Mã, tỉnh Sơn La, Công an huyện Sông Mã đros Công an xã Chiềng Khoong tưz ntês tâu iz lênhx nênhs thâux gra, muôv muôs zax zênhz. Co zos Nguyễn Văn Ty, xênhz shông 1964, nhoz ntơưv jos Hải Sơn, xã Chiềng Khoong. Muk qênhz yuôx lênhx nênhs co tsêr, Công an huyện Sông Mã sâu tâu 11 đeiv zênhz đơưz hnhar zuôr xar 4 cir. Ntơưv chiz coaz qênhz yuôx, Ty jênhv zuôr chor zax zênhz co cxôngx thax tsav ntus đriv lok. Nhiv no chiz coaz công an tsênhv tror qênhz yuôx uô cov tsênhz mênhx hâux lưv no./.

(Trấn Long- Txâur Vax cxeik nhênhv)

Thâuv 1 six 30 phênhz zar hnuz kêix xiêz 8/8, ntux nas lox chuôs đêx nquôr muôx nhoz xã Si Ma Cai, huyện Si Ma Cai, tỉnh Lào Cai uô ruôr hiêv hnhar trâu suôv qơư no. Thax tsav trâus đêx nas ngaz lox yax zos ntơưv iz ndis khuôn viên tsêr cơưv cxênhx 2 xã Si Ma Cai, đêx ngaz tas muôx iz ha. Đêx ngaz toz xav kror đruôz đraz txix 0,7 txos 1,5 thiêr. Iz chas ntơư, đêx nas cux uô 10 ntâu qar tsêr cơưv ntơưr hâur tsêr cơưv trâus ngaz, uô puôk tsuôx, tsi jông tas ntâu tsêr cơưv thiêz shux xênhz têx chuôz zênhx, pav, vix tsav, tsôngk tril yo hnar. Ntux nas lox tsênhv uô tsôngv box 2 luz tsêr hâur thax tsav huyện Si Ma Cai trâus tsi jông; 3 txox cêr mul lok, hâur co muôx txox cêr lox sôr 4 trâus puôk tsuôx hnhar, tsi jông tas têx ntu tiv ar, poz jêz xưz poz lok cxuz./.

                              (An Kiên-Riê Lâux cxeik, nhênhv)