Ndaz ndơưv chiv nhênhv 75 shông hnuz cách mạng hli 8 thiêz xiêz 2/9, zar hnuz kêix 31/8, hlôngr njêx muôs lênhx tov tỉnh Yên Bái tưz sêiz nus, khơưk muôz huv trâu chor chuôz zis cán bộ zos têx nênhs uô ntêx thâuv zuôr piz sơưr tơưv txênhz, nênhs muôx côngz trâu têz qơưk ntơưv thành phố Yên Bái. Lênhx tov tỉnh tưz sâu jênhv chor chuôz zis thiêz chor nênhs hêik tas co li têx gôngr côngv zuôr tror zos kror chiê chor cán bộ, đảng viên thiêz cxuô cxênhx nênhs cơưv shâuv thiêz uô trơưk. Đros co, hêik cxuô cấp ủy Đảng, chính quyền tiv phaz tror paz thiêz uô jông đuô tsênhv chêi “ndo txiêx pâux njis” trâu chor nênhs muôx côngz sâuv thax tsav./.

(Báo YB-Lik Thox cxêik nhênhv)

Hâur 3 shông krêz uô tsaz yênhx “Sik côngv đros pox niêv ntus đriv” ntu 2018-2020 zos Bộ chỉ huy bộ đội pênhz phax Sơn La đros Hội liên hiệp pox niêv tỉnh, tsaz yênhx tưz khơưk muôz 40 tul nhux đas uô nôngz, niêv nhux sha nhuôs trâu têx chuôz zis hội viên pox niêv muôx luz nênhx txov nhêv; tsưr tsix 17 lớp kriê cxaz thiêz 20 lớp yax kriê chêx chôngk lok têx huôx tôngv muôz siêz jênhv pâuz, yênhx tưv lok cêr chei pháp luật, coar lik, tsoz phưz chuôz zis, tsưr ziv tu zus, tsêz chos thiêz nghiệp vụ trâu 2 cxênhz jiês pox niêv cxaz chuôz. Thôngx cxix tưz paz txưv yênhx lix têx trâur nuv uô nox uô hâuk, cxiv tsa tsêr jông siêz, chuôz zênhx uô hâux lưv, khơưk muôz ntơưr cxênhx txuôk nhiêx txiêx trâu têx pox niêv muôx luz nênhx txov nhêv./.

(Trấn Long-Txâur Vax cxeik nhênhv)

Hôiv ciêz kôngz nuv thiêz hax huv OCOP thax tsav faz Bắc ntơưv Lào Cai zuôr tâu tsưr tsix txix hnuz 22-26/10/2020. Ntênhk ciêz zos qơư chiê têx tỉnh hâur thax tsav hêik kriê, piêr pâuz hax huv, kror liv ntơưv tiv phaz; đros co, chor công ty, doanh nghiệp, hợp tác xã zuôr tâu cxaz chuôz diễn đàn paz thơưz, huôv tsar qơư zuôr muôx têx hax huv, chiê piêr pâuz, txuôk đros têx ciêz đrôngs kôngz nuv, piêr pâuz hax huv OCOP tsơưr lươngv siêz txos trâu nênhs sir zôngv hâur têz qơưk…/.

(Báo LC-Lik Thox cxêik nhênhv)

Tsôngv box Thái đơưz nhoz têx tỉnh Sơn La, Yên Bái, Lai châu khênhr tsưr tsix tsiêz xíp xí lok hnuz 14/7 zênhz lix yênhx shông. Lơưr nênhs Thái đơưz li siêz xar, no zos hnuz tuz nhuôs ndo txos pos zơưs, niêv txir, zos jiês nênhs hloz tsov cưv, tsoz phưz txos cxênhx hluôk nênhs. Lok hnuz no, mê nhuôs zuôr tâu niêv thiêz txir krơr mor blâuv, greix keiz, nduôr blâuv chiê nox. Heik lok phongz cxưx no, zơưv Hoàng Quách Cầu, lâus jos Bản Mo 2 xã Quang Huy, huyện Phù Yên, tỉnh Sơn La puz pâuz cxaz:

“Nênhs Thái đơưz li phongz cxưx nox tsiêz xíp xí zos chiê ntâus grê iz chiv cheix tưz uô tâu tiêr. Taz sik hâur cêr chax chês mak no zos mê nhuôs li tsiêz. Thâuv ntêx mê nhuôs muk seiz nhux yênhx hnuz pêv har jôngr, hnuz tsiêz cux tsuv muk seiz nhux, nênhs lâus mak nox hâuk hâur tsêr, pov li ntơưv têx lâus thiêx li sik seiz lax tsưr tsix trâu mê nhuôs iz luz tsiêz. Cxôngx co xeir hnuz 14/7 zênhz lix niêx shông zos mê nhuôs li hnuz tsiêz”./.

(VOV4-Txâur Vax cxeik nhênhv)