Khov ntâu pênhr jos đros trâu têx faz tsưr ziv tsênhv tsênhz, hâur co muôx kriê px xar tơưv têx txux chi tsưr ziv yiêz, uô nênhx siz hluz siz paz,  sik thôngx siêz viv li chor chuôz zis pluôs hâur huyện Quỳnh Nhai (Sơn La) tưz txo grêk tsơưs ntâu đhâu yênhx shông, txos tas shông 2020 tsuôk yuôr zuôr xar 15%. Têx uô tâu li heik co paz Quỳnh Nhai hla đhâu huyện pluôs yax  trơưk li Chính phủ nghị quyết 30a.

Lơưr zơưv Cầm Văn Huy, Phưv Chủ tịch Ủy ban huyện Quỳnh Nhai, đros thiêz muôx 8 cxênhz ntâu chuôz zis yêik txar qơư nhoz chiê zuôr qơư uô tsêr meir tênhv tênhz Sơn La, chiê uô tâu jông luôs hâux lưv txo grêk cêr pluôs truôx hâur six hơưv zuôr txos, huyện xav tinhv zuôr tror uô jông tsưr ziv truôx tuk qơư nhoz trâu têx chuôz zis nhoz qơư yiêz; hu zâuv yưv pênhr paz, krêz đar tsưr ziv huôv tsar uô nox trơưk li sik côngv têk uô chiê gra siêz phênhv sâu, krêz uô têx muôx jông hâur huôv tsar shuôz njêl reik đros ju lix ndis seiz têx tox trôngz hâur pêk, pak đêx tênhv Sơn La......sir jos txos shông 2025 yênhx huyện xuz thơưx hâur tỉnh Sơn La uô tiêr luôs hâux lưv cxiv tsa jêx jok yiêz.

“Seiz lok têx tsênhv tsênhz hâur thax tsav, six hơưv zuôr txos, Quỳnh Nhai zuôr bax muôz têx tsaz yênhx txo grêk cêr pluôs uô đros tsaz yênhx huôv tsar kinh tế-XH; nthuôr uô đar têx tsưr ziv huôv tsar uô nox trâu chor chuôz zis pluôs, iz zav li tsưr ziv tu zus shuôz njêl, tu zus têx tsiêx lox, chos tsoz chos nox txir sâuv têx ar têz nxaz.... Iz chas ntơư, uô jông lơưr tsênhv chei lok têx nhiêx txiêx tso txeik zuôr nhiêx nju tsơưs....chiê tsôngv px tâu txeik pênhr huôv tsar uô nox, sir jos txos shông 2025 cov huyện uô tâu luôs hâux lưv cxiv tsa jêx jok, ciêz đrôngs jông jav lơưr Nghị quyết Đại hội Đảng bộ huyện tso tơưv”./.

(Thu Thùy-Riê Lâux cxeik, nhênhv)

Tỉnh Điện Biên tsênhv sir jos kriz uô ntâu tsưr ziv chiê sâu trâu nhiêx txiêx têz qơưk muôx 1.320 tiv đêiv ntâu hâur shông no. Zơưv Nguyễn Tiến Dũng, Phưv Giám đốc Sở tài chính tỉnh Điện Biên puz pâuz, tsưr ziv tsênhv njiêz zos tror hlôngr yiêz đuô têx ntâuz ntơưr hành chính, chiê paz uô zôngx ziv trâu chor nênhs thêv nhiêx sê; cxơưz cxiz uô nox, zaz zâuv yưv pênhr, moz siêz txos chor dự án paz trâu lox tôngv, chiê paz sâu tâu chor nhiêx txiêx têz qơưk ntâu đuô./.

(Vũ Lợi-Lik Thox cxêik nhênhv):

Nhoz jê tsênhv qơư xã Thịnh Hưng, huyện Yên Bình, tỉnh Yên Bái, nhiv kruôr no pov muôx Công ty huôv tsar cuiv ar têz jok Liên Hiệp (nhiv no zos jok Trung Tâm), zos Ban seiz car dưv anr yưv pênhr cxiv tsa huyện uô tsưr yưv pênhr. Thax ar co đar, jông gâux, tov kaz no zuôr lok six huôv tsar jông, vav mênhx thâuv cxiv uô tâu têx vax tsêr nhoz trơưk 2 saz ntus cêr lox 70.

Pos Hà Thị Xuân, 70 ntâu shông heik pâuz: Pos chuôz zis muôx 1.080 ntâu xưv phaz liêx têz, tưz uô tâu ntêr shông, ntâu tiêv lok. No tsuôk zos chor liêx têz uô iz chiv, viv zos nhoz đrav kaz pak đêx Thác Bà, taz sik zos tâu cheix uô cux paz tâu chuôz zis iz phênhv têx kôngz krâur nox. Taz, txix thâuv huyện fuô uô cxuz ar luôv plas thax ar no, pos chuôz zis tưz uô tsi tâu kôngz lơưv:

“Shông uô ntêx cux cxuz taz sik tsơưs, ar cxuz txos hâur châus xưz, pêz thoz, pêz zơưv por tsês chiê jông uô kôngz taz sik shông no thoz huk tsi tâuk chor ar co, viv cxuz ntâu hênhr. Nhiv kruôr đhâu cur xar puôz njưs chiê uô liêx, tsêz chos kôngz, taz sik lol iz coz nas lox, ar tưz ntưk lol cxuz tas hur si têx zuz liês...”.

Trơưk li thôngz sâu, tas nro jok Trung Tâm muôx 13 chuôz zis buôk ti trâul uô hiêv, tiv têx ar lơưr nquôr co lok cxuz liêx têz, iz chuôz zis txix 360-1.080 xưv phaz liêx têz. Tsôngv px nhoz no iz txưv lơưr tsi yuô muôx liêx têz uô, viv li trâul cxuz li heik sâuv lênhx tưs cux khur xiv, tsi xar chiê trâul cxuz li ntơư./.

(TTTB-Riê Lâux cxeik, nhênhv)

Cơ quan Cảnh sát qênhz yuôx, Công an tỉnh Sơn La tsênhv tu txuz plâuz hình sự nziêk đas zuôr nhiêx txiêx cxuô zav shông 2020 ntơưv thành phố Sơn La, tỉnh Sơn La. Lơưr co, txix hâur shôngk shông 2020, Đàm Thị Huyền Trang, zus shông 1990, nhoz ntơưv tôv 6, phường Quyết Thắng, thành phố Sơn La, tỉnh Sơn La zos Thủ quỹ hâur quỹ tín dụng nhân dân têx xar, phường Quyết Thắng, thành phố Sơn La tưz txêik chor nênhs txơưr đuô têx nhiêx txiêx thiêz đas tiêk txêik trâu chor nênhs xar txêik nhiêx chiê thêv trâu zênhx hangx.

Đhâu thâuv txêik tâu nhiêx, Trang tưz tsik muôz trâu lênhx tưs txêik hlo chiê thêv trâu zênhx hangx mak zôngv chiê tưr txiêx, viv li tưz thêv tsik tâu chor nhiêx txêik co trâu nênhs txêik. Txos hnuz 7/7/2020, Trang tưz khiêr tơưv ntơưv qơư nhoz muk gâuv.

Hnuz 5/3/2021, Cơ quan Cảnh sát qênhz yuôx, Công an tỉnh Sơn La tưz tu txuz án no, cxov cơư Đàm Thị Huyền Trang lok kror cxâuv nziêk đas zuôr nhiêx txiêx cxuô zav lơưr  ntu 4, Grê 174, Bôv chêi Hình sự./.

(Trấn Long-Lik Thox cxêik nhênhv)