Njuôk xav têx hnuz zuôr txos no, tỉnh Sơn La tror muôx ntux nas lox, phênhv ntâu zos ntơưv têx huyện li: Mai Sơn, Thuận Châu, Yên Châu thiêz đrôngs Sơn La; hâur ntux đuz nzông muôx têx muôx khâur jênhs chuô, xoz thiêz chuô lox. Txix ntux têx txơưr txar phiv liv heik co, tsôngv px sđ tsuv chênhr phax, bax tsưr ziv phax tir thêir, lar heik zos thâuv cheix yêz muk lol đhâu têx ntu cêr zôngx ziv muôx tox xưz poz mak tsuv tiz jông seiz shuôs, chiê taz por truôx tuk trâu lênhx nênhs thiêz chuôz zênhx chuôz tas. Uô ntêx ntơư, hnuz xiêz 8/9, ntơưv cêik cêr 450 +470 sâuv txox cêr lox 37, ntu muk đhâu đơưv trôngz Chẹn, nhoz xã Hua Nhà, huyện Bắc Yên, tỉnh Sơn La, ntux lok nas ntêr tưz uô tox xưz poz sâuv tsas cêr siêz lok cxuz cêr tas. Đhâu hlo thâuv muôx têx li heik ntơư, chor taz viv cxiv kho cêr nhoz txox cêr no tưz zênhx max hu lênhx nênhs, têx yêz tuôx đros thoz huk, kho cêr. Khov li co, sđ tưz thoz huk, kho tâu zênhx max ntu cêr no ciês hâur tas cik đros hnuz chiê têx yêz, lênhx nênhs muk lol tâu đhâu./.

 (Trấn Long-Riê Lâux cxeik, nhênhv)

Xar muôx 8 six têis cik hnuz 9/9, niêv tix Điêu Thị Thu-Tổ tsar Tôv cxênhx txuôs thiêz txêik pênhr nhoz tôv 25 (phường Đông Phong, thành phố Lai Châu) tuôx trâu UBND phường Đông Phong chiê cơưv choz zok hâux lưv. Thâuv txos trâu phường luz tsêr tsês yêz, niêv tix Thu pov iz luz hnaz nhiêx liêz tưz tâu kriz khóa tas, hâur co muôx lok six ntâu nhiêx thiêz tsik pov muôx têx ntâuz ntơưr tưs hlo. Thâuv khơưk tâu, niêv tix Thu hêik trâu cán bộ phường Đông Phong thiêz đăng trâu sâuv facebook chiê hêik trâu nênhs uô pôngz pâuz. Xar muôx 9 six têis cik đros hnuz, niêv tix Đỗ Thị Hoàng Loan (tôv 9, phường Tân Phong, thành phố Lai Châu) tuôx hêik tror thor luz hnaz thiêz têx nhiêx co. Tâu pâuz, uô ntêx co niêv tix Đỗ Thị Hoàng Loan tuôx phường Đông Phong choz zok hax huv trâu iz lênhx cán bộ phường, thâuv tror lok chêk uô pôngz luz hnaz nhiêx co. Tuôx công ty uô hâux lưv, niêv tix thiêx pâuz tiêk zuk luz hnaz pôngz tsik pov lơưv, hâur luz hnaz muôx zuôr xar 11 triệu đêiv nhiêx. Niêv tix Điêu Thị Thu li kror hâux lưv uô no zos iz kror hâux lưv jông tsuv tâu sơưr đơưk cơưv shâuv hiêz uô trơưk./.

(Báo LC-Lik Thox cxêik nhênhv)

Ndax six hơưv hâur shông cơưv yiêz 2020-2021, Cuiv nhiêx por hưv têx nhuôs zâu tỉnh Yên Bái tưz paz max 100 poz huv đros thiêz xav hur si muôx 50 tsov đeiv trâu têx nhuôs zâu muôx luz nênhx txov nhêv ntơưv têx xã thax tsav tox siêz đêz đrôngs, thax tsav tsôngv box heir nênhs tsơưs thiêz muôz iz cxiê zav chuôz zênhx uô si tso saz đrâuv jôngr, yar tiêx tsiv grê nhos 95 tsov đeiv puz trâu Tsêr cơưv cxênhx nhuôs zâu Phúng Luông (Mù Cang Chải) chiê cxơưz cxiz chor nhuôs sir jos cơưv ntơưr, hla đhâu têx phiv liv./.

(Báo Yên Bái-Riê Lâux cxeik, nhênhv)