Tas cik hnuz xiêz 9/12, jiês cơưv HĐND tỉnh Lai Châu khóa 14 tưz tso ntơưr bo xeir 29 hâur 31 lênhx nênhs, lês car uô têx hâux lưv lox zos HĐND tỉnh bo xeir. Trơưk li têx ntơưr tso bo xeir ntơưv jiês cơưv: Zơưv Vũ Văn Hoàn, Chủ tịch HĐND tỉnh thiêz zơưv Bùi Từ Thiện, Phưv Chủ tịch HĐND tỉnh puôr lênhx tâu ntơưr bo ntâu đuô hur si. Lênhx tâu tsơưs ntơưr bo xeir zos zơưv Nguyễn Sỹ Chín, Giám đốc Sở Công thương. Lơưr zơưv Vũ Văn Hoàn, Chủ tịch HĐND tỉnh Lai Châu, luôs hâux lưv tso ntơưr bo xeir tưz uô trơưk li Ủy ban Thường vụ Côx hôiv kriê, taz por truôx jông, zos đreiv li tsênhv njiêz, cui tinhv, ntâuz ntơưr./.

(Khắc Kiên-Riê Lâux cxeik, nhênhv)

Hâur jiês ntux no xuz thơưx ciês hâur chêix ntux no no, nhiv no jêx tưv ntơưv têx tiv phaz hâur tỉnh Yên Bái tsuôk txix 13 txos 16 tưv đros ntux lok nas zâu, thax tsav tox siêz muôx ntâu qơư kik đuô 10 tưv. Tỉnh Yên Bái nhiv no muôx zuôr xar 589 cxênhz tuk tsiêx cxu, hâur co muôx 100 cxênhz ntâu tuk tưv thiêz 29 cxênhz tuk nhux đas….Chiê phax tar ntux no trâu tsiêx cxu, chuôs li nênhs tu zus tox siêz tưz chox têx nhux, tưv lok hâur tsêr guôx, muôz nzir zav nox trâu tsiêx cxu. Chính quyền tssxx xar cux tso nênhs muk têx jêx jok yax kriê, hêik pêx xêhv bax phax tar trâu tsiêx cxu…Zơưv Trần Đức Lâm, Phưv giám đốc Sở kôngz nuv thiêz huôv tsar jêx jok tỉnh Yên Bái puz pâuz:

“Nriêr têx tsưr ziv chiê phax tar ntux no trâu tsiêx cxu thiêz tsoz chos, Nganhx kôngz nuv tso nzirr cán bộ muk tiv phaz chiê qênhz yuôx, kruoz kriê pox nhuôs têx tsưr ziv kỹ thiuật li: cxaz nzir zav nox hmôngr thiez muôz txâuk trâu tsiêx cxu nox txâuk jâuz, tâux, trâus tơưl uô sor trâu tsiêx cxu, râu đêx sor trâu nhux tưv thiêz muôz pav, vix tsav câur cov sor trâu nhux tưv..”./.

(Đinh Tuấn-Lik Thox cxêik nhênhv)

Ntơưv thax tsav qox Nậm Kè, xã Nậm Kè, huyện Mường Nhé, tỉnh Điện Biên, Phongx phax tar zax zênhz thiêz têx nênhs uô cxâuv chei têz qơưk Bôv đôiv pênhz phax tỉnh Điện Biên nhiv kruôr ntêk tâu iz lênhx txir nênhx thâuv tsênhv zuôr muôs, thâux gra tsi trơưk chei zax zênhz. Têx chuôz zênhx sâu tâu ntơưv qơư zos 4 poz zênhz đơưz, muôx nhos 1,5 cir, iz luz yêz meir thiêz iz luz máy hu xor tôngx. Ntơưv cơ quan qênhz yuôx, lênhx nênhs co tâu xav zos Vưx Xênhv Vax, xênhz shông 1996, nhoz ntơưv jok Co Lót, xã Mường Nhé, huyện Mường Nhé, tỉnh Điện Biên. Vưx krêz lênhk tiêk, zuôr chor zax zênhz co ntơưv iz lênhx nênhs nhoz huyện Giang Thành, tỉnh Vân Nam, Trung Quốc đros thiêz grê zuôr zos 5 vạn nhiêx Trung Quốc (bâuv li 160 tsov nhiêx VN). Đhâu thâuv nuk thiêz hu tâu trâu iz lênhx nênhs txơưr đuô nhoz tỉnh Lai Châu, xar zuôr chor zênhz co 520 tsov đeiv, Vưx tsênhv thâux gra muk txos tos cêr txơưv trâus ntêk tâu./.

(Vũ Lợi-Riê Lâux cxeik, nhênhv)

Têis cik 9/12, sâuv txox cêr muk chênhr Nội Bài-Lào Cai, ntu đhâu huyện Lập Thạch (tỉnh Vĩn Phúc), muôx yưv txuz txiêz nanv zoz thôngz nhoz 2 luz yêz kruô, uô iz luz yêz nzênhr tar cêr thiêz iz luz lêv trâu ntus cêr. Ntơưv qơư, oz luz yêz kruô 24 luz trôngx jâuv trâus puôk tsuôx hnhar. Chor yez muk trâu Hà Nội mak njiz ntâu phiv liv. Txuz txiêz nanv uô yênhx châuv lênhx kruô sâuv yêz cxơưx hlo, tsơưs tiv zix 5 lênhx nênhs trâus saz, 2 lênhx nênhs trâus saz hnhar tâu chox muk chơưv paz. Qir tiv xuz thơưx tâu xav jênhv tiv ntux lok nas, njiêz pov tsik đêz, nênhs tsar yêz kruô muôx biển số nhoz Tuyên Quang tsik uô jông sêiz shuôk thâuv muk sâuv cêr./.

(BTS-Lik Thox cxêik nhênhv)