An Kiên, nênhs sâu xor xưv Đeix TNVN nhoz iz suôv faz Bắc xa mông: Đhâu seiz njuôk shuôs moz trâu 17 lênhx nênhs tâu xav tiêk zôngx ziv trâul moz SARS-CoV-2 ntơưv Lào Cai nhiv kruôr tso pov, puôr lênhx tsi zos trâul moz li heik sâuv.

Hâur têx lênhx nênhs co muôx 4 lênhx zos nênhs têz qơưk Anh cheix uô cê sâuv luz yêz za VN0054 tuôx trâu VN hnuz xiêz 2/3, chuôz zis chox kriê cêr đros trâu lênhx nênhs tsar yêz tưz thâux 2 niêv txir nênhs têz qơưk Anh trâul moz SARS-CoV-2 (đros lênhx nênhs moz tiv 17 cheix sâuv iz luz yêz,  jâuv uô cê iz qar qơư) thiêz têx lênhx tâu nhoz jê, buôk ti 2 niêv txir no li têx nyar tso seiz njuôk shuôs moz. Hâur six hơưv nhoz tok seiz njuôk shuôs moz chiê pâuz tsênhz zuk trâul moz lok tsi trâul ntơư, 17 lênhx nênhs no tưz tâu tso nưk nhoz nưk iz kro chiê qênhz yuôx, sox seiz shuôs njôngr ntơưv tsêr kho moz đa khoa tỉnh Lào Cai. Đhâu thâuv pâuz tsênhz tsi trâul moz, chor nênhs no tror tâu sox seiz, qênhz shuôs njôngr đas jos, thâuv tưs truôx tuk li tso tơưv tsêr kho moz. Tas cik hnuz xiêz 9/3, 2 niêv txir nênhs têz qơưk Anh tâu xav tiêk trâul moz co tưz tâu chox lok chơưv kho, tso nưk nhoz nưk iz kro ntơưv tsêr kho moz Nhiệt đới T.Ư sôr 2./.

                                    (An Kiên-Riê Lâux cxeik, nhênhv)

Ntu đhâu, hôiv pox niêv xar Mường Sại, huyện Quỳnh Nhai tưz kriz uô ntâu hâux lưv tsênhv tsênhz, huiz tôngv têx pênhr jos chiê paz trâu hôiv viên, tsưr ziv uô nox, paz trâu chor gâux muôv sir jos hla đhâu cêr pluôs, cxiv tsa chuôz zis tsâu sor, shir phaz. Chiê paz trâu hôiv viên huôv tsar kinh têr chuôz zis, Hôiv tưz chox kriê têx hôiv qênhz shuôk, nriêr pâuz lok chor chuôz zis hôiv viên pluôs, txix co kriz uô têx tsưr ziv paz trâu hôiv viên cov tsênhz mênhx thiêz truôx jông. Thôngx cxix, hêik chor hội viên sir jos huôv tsar uô xênhz yar, hlôngr yiêz đuô tsoz chos sâuv ar tox nxaz, tu zus tsiêx cxu lơưr saz hax huv; sir zôngv khoa học kỹ thuật trâu uô nox; huôv tsar tu zus njêl hâur vax thêir sâuv pak đêx tênhv Sơn La./.

(Baosonla-Lik Thox cxêik nhênhv)

Nênhs sâu xor xưv Vũ Lợi, Đeix TNVN nhoz faz Bắc xa mông: Ban sêiz car quân sự TP Điện Biên Phủ nhiv kruôr hlơưr por tsês tas 300 cir têx yuôx, chuôz zênhx zôngx ziv tơưs cuz nhoz hâur thax tsav Di tích Tsênhv qơư chor tuz lênhv tir ntâuk trok châuz đrav ntêx  li qơư nhoz chênhr Điện Biên Phủ (kror tâuz Đờ Cát Tơ Ri), nhoz phường Thanh Trường, TP Điện Biên Phủ (tỉnh Điện Biên). Iz chas ntơư lok hnuz xiêz 4/3, hâur six hơưv khơưz kror chos ntông ntơưv qơư Di tích heik sâuv mak iz cxiê lênhx công nhân tưz qênhz pov iz cxiê zav chuôz zênhx, yuôx zôngx ziv tơưs cuz tsênhv yuôr thâuv ntu tir ntâul trok châuz li: muôk txưr, hôngz poz.... Đhâu co, Ban seiz car qơư di tích tưz heik trâu têx cơ quan muôx vax huôv pâuz. Đhâu qênhz yuôx qênhz shuôs, cơ quan muôx vax huôv tưz xav, no zos têx muôk txưr, hôngz poz zôngv thâuv ntu tir ntâul trok châuz Pháp hâur cxiv tsav trok Điện Biên Phủ tsênhv yuôr ntơư./.

(Vũ Lợi-Riê Lâux cxeik, nhênhv)

  Zar hnuz kêix xiêz 8/3, 4 lênhx nênhs zos oz lênhx pox niêv, oz lênhx txir nênhx nhoz ntơưv Hà Nội thiêz Tú Nang, huyện Yên Châu, tỉnh Sơn La thiêz thành phố Sơn La tiv xar nriêr pâuz, viv li tưz muk trâu kror tsuô Núi Hài ntơưv jok Hài, xar Chiềng An, thành phố Sơn La thiêz tsuv nhoz hâur kror tsuô tơưv tsik tâu lok. Txos tar su hnuz 9/3, đhâu 6 six hơưv chor nênhs no tưz tâu xar muôx 30 lênhx cán bộ, chiến sỹ công an, lưx lươngv dân quân chơưv paz tơưv tâu hâur kror tsuô lok. Núi Hài đar xar muôx 80 hecta, hâur tơư tsuôk txos sâuv kror tsuô siêz muôx 250 thiêr, zos iz faz tsuô siêz, bluô thiêz tsik muôx đaz tsi chiê khơưv hlo. Chor lưx lươngv txơưx jênhv hêik sơưr đơưk tsik ndê muk sâuv luz kror tsuô no chiê tsik njiz trâus têx phiv liv xưk li nhiv kruôr đhâu./.

Trấn Long-Lik Thox cxêik nhênhv)