Hnuz xiêz 9/4, Đảng bộ khối chor cơ quan tỉnh Sơn La tsưr tsix Hôiv nghị Ban chấp hành jiês tiv 12, khóa 8, six cxiv 2015-2020, ntâuk gri chêx cur jênhv vưv 3 luz hli hâur shôngk shông, kriz uô jênhv vưv quí 2 shông 2018. 3 luz hli hâur shôngk shông 2018, Đảng bộ khối chor cơ quan tỉnh tưz tsêx trung chox kriê chor chi, đảng bộ sir jos uô côngz xưv zoz zux chính trị trâu cán bộ, đảng viên đros sir jos uô chor phongz yaox sik tưr nhiêv têz qơưk, yax kriê têx hnuz ntênhk lox hâur têz qơưk thiêz tỉnh. Uô jông côngz xưv huôv tsar Đảng, uô truôx jông cấp ủy chor tsưr tsix Đảng; yênhx lix yiêz 1 chi bộ tiv ph; côngz jênhv đảng viên chênhr trâu 17 lênhx nênhs…/.

(KT-Lik Thox cxêik nhênhv)

Tas cik hnuz xiêz 9/4, ban Thường vụ Tỉnh đoanx Lai Châu tsưr tsix Đại hội Đoanx hâur tas nro tỉnh jiês tiv 13, six cxiv 2017-2022. Heik suô luk ntơưv jiês uô hâux lưv, đôngx chir Vũ Văn Hoàn-Phưv Bí thư Tỉnh ủy, Chủ tịch HĐND tỉnh heik: Ban Thường vụ Tỉnh đoanx cxiv tsa đêx anr, xav tinhv tsênhz mênhx tsưr ziv, hâux lưv uô hâur tsaz yênhx gra siêz đoanx cơ sở thax tsav tox siêz li tsơưr lươngv uô nuv. Sir jos cxiv kho đoanx ntơưv têx thax tsav tox siêz li hâux lưv uô, chuôz tsar muk trâu têx huyện, xã....chiê pâuz tsênhz qênhx shênhx, sik đros đơưk têx phiv liv, jux juk gra siêz canr bôv đoanx txux chi tsưr ziv uô nuv. Huôv tsar, gra siêz tsơưr lươngv đoanx viên; cxiv kho đoanx ntơưv qơư tsưr ziv tsưr tsix, hlôngr yiêz tsênhv njiêz hâux lưv uô./.

(KT-Riê Lâux cxeik, nhênhv)

Hâur shôngk shông 2018 txos nhiv no, qiv hơưv sâuv thax tsav tỉnh Điện Biên tsik so muôx yưv yar ntux cuz sor, kruôr gis đros chuô lox, thiêz pêx xênhv tsêx trung hlơưr têz chiê uô kôngz, kriz uô ntông nhoz iz phênhv tưs pêx xênhv viv li vax ntông cao su trâus cuz hnhiêz lok six siêz. Hâux lưv gra siêz chêx cur côngz xưv por vêv, phax tar cuz jôngr vax ntông cao su ntơưv Điện Biên zos kror tsuv uô. Zơưv Nguyễn Văn Anh, Giám đốc nông trường cao su Điện Biên, puz pâuz: Nhiv no nông trường tsênhv sêiz car, tsoz phưz Công ty li thax tsav cao su, tiv zix zos thax tsav câuk cuô mik. Tsik chiê muôx yưv cuz jôngr hâur vax ntông, tiv zix zos pêx xênhv hlơưr têz uô txêik cuz./.

(KT-Lik thox cxêik nhênhv)

Lưv lươngv muôx vax huôv huyện Bảo Thắng, tỉnh Lào Cai nhiv kruôr hlơưr por tsês tas ntâu têx njêl tầm tsês txiêk đros trâu têx keiz tưz tuô tsênhr tâu zuôr txix Trung Quốc lok hâur VN. Uô ntêx ntơư, hnuz xiêz 6/4, ntơưv thax tsav đriv têz hâur thax tsav xã Bản Phiệt, huyện Bảo Thắng, tỉnh Lào Cai, Đội seiz car tênhx qơư sôr 5 qênhz pov iz lênhx nênhs tsênhv nhiês thâux gra têx xiv huv li heik sâuv. Thâuv lênhx tiz nênhs co pov chor lưv lươngv muôx vax huôv, nưk tưz zênhx max khiêr gâuv, tso tsês têx huv muôx 2 puôk cir njêl tầm txiêk, tsiv grê nhos 44 tsov đeiv tsi thâux gra./.

(An Kiên-Riê Lâux cxeik, nhênhv)