Txos iz jiês no, ntâu luz tsêr cơưv hâur thax tsav tỉnh Lào Cai tưz tso shux xênhz thik tas ntơưr học kỳ II chiê suôx câuv shông cơưv nzor txix moz Covid-19 têx huôv xênhz txơưr txar phiv liv. Luôs hâux lưv chiê shux xênhz thik tas ntơưr học kỳ II nzor, cov taz por truôx tuk trâu chor cưk kriê ntơưr thiêz shux xênhz, taz sik cux uô tiêr luôs hâux lưv kriê thiêz cơưv ntơưr hâur shông cơưv. Tsưr ziv fuô kriê tâu têx tsêr cơưv bax uô fiv đros qênhx shênhx tsênhv tsênhz.

Ciês hâur hnuz xiêz 9/5, ntơưv đrôngs Lào cai, 36 lênhx shux xênhz lớp 5A2-Tsêr cơưv cxênhx iz Hoàng Văn Thụ (nhoz hâur bê têx lênhx tâu buôk ti, nhoz jê đros lênhx nênhs moz thiêz chor nênhs tâu buôk ti, nhoz jê đros tus nênhs moz ntơư), uô jax thik ntơưv tsêr hâur luz six hơưv tsuv nhoz kuôk cêv co. Tsêr cơưv phênhz thiêz tso 36 lênhx cưk kriê ntơưr; iz lênhx seiz car iz tus shux xênhz, muk txos ntuô ntơưv shux xênhz tsêr chiê muôz ntơưr thiêz seiz shux xênhz uô jax thik, đhâu ntơư lo chiv gra lok trâu hôiv đôngx tưr thik tsêr cơưv.

Njuôk xav, phênhv ntâu chor tsêr cơưv nhoz Lào Cai zuôr suôx câuv shông cơưv uô ntêx hnuz 15/5, nzor đuô iz ciêz pir li tsưr ziv xuz thơưx./.

(An Kiên-Riê Lâux cxeik, nhênhv)

Tỉnh Yên Bái tsênhv sir jos uô têx tsưr ziv chiê sêiz shuôk chor nênhs saz đrâuv têz qơưk lok trâu hâur Việt Nam chiê uô hâux lưv ntơưv têx doanh nghiệp sâuv thax tsav tỉnh.

Lơưr co, UBND tỉnh Yên Bái hêik chor tsưr tsix, taz viv hêik cov chiê chor nênhs nhênhz chơưv saz đrâuv têz qơưk thiêz lơưr chor nênhs cxênhz jê tâu lok hâur têz qơưk tsuv muôx ntơưr đăngk cir kinh doanh, ntơưr tso chêi uô hâux lưv huv đros trâu têx tsưr ziv lok hâur têz qơưk thiêz tsuv tâu doanh nghiệp cir thiêz ntâuk thưx. Ntâuz ntơưr tsuv hêik pâuz cxix cxuô lok doanh nghiệp, chor nênhs nhênhz chơưv thiêz lơưr chor nênhs cxênhz jê đros lok hâur têz qơưk đros trâu têx ntâuz ntơưr hêik pâuz tsênhz chiê tâu lok hâur têz qơưk. Muôx hêik pâuz txos chor nênhs nhênhz chơưv li six hơưv thiêz têx hâux lưv uô tsênhv tsênhz, qơư muk txos, tsênhv njiêz uô hâux lưv thiêz lơưr chor nênhs cxênhz jê đhâu thâuv uô tiêr six hơưv cêv kuôk tsêx trung lơưr cui tênhv. Tsuv hêik pâuz lok cêv kuôk; cxiv uô tsưr ziv cêv kuôk cov truôx jông chiê paz phax, tar tâu jông caz moz Covid-19 xa trâu Sở Y têr pâuz. Thêv cxix cxuô têx nhiêx txiêx cêv kuôk lơưr cui tênhv./.

(TTTB-Lik Thox cxêik nhênhv)

  Mông txix Tsênhv qơư qênhz njuôk shuôs moz gênhs tỉnh (CDC), Điện Biên nhiv kruôr muôx nzir iz lênhx nênhs trâul moz SARS-CoV-2. No zos lênhx tâu nhoz jê, buôk ti đros lênhx nênhs moz 3147 ntơưv Bắc Ninh muôx ntâu hnuz tuôx muk đhâu ntơưv Điện Biên hâur têx hnuz hâur hlik hli 5. Sik thav đros chor sâu xor xưv VOV, zar tsâuk ntux hnuz xiêz 9/5, zơưv Đoàn Ngọc Hùng, Giám đốc Tsênhv qơư qênhz njuôk shuôs moz gênhs tỉnh Điện Biên (CDC) heik pâuz: Zar hnuz kêix 9/5, Nguyễn Đức V (nhoz ntơưv jok 6, xã Thanh Xương, huyện Điện Biên) zos lênhx tâu nhoz jê, buôk ti đros lênhx nênhs moz 3147, đhâu seiz njuôk shuôs, tưz trâul moz SARS-CoV-2. Đhâu thâuv pâuz V trâul moz SARS-CoV-2, ngênhx y tế tỉnh Điện Biên tsênhv taz tov zênhx max tror qênhz yuôx, yơưz phơưz têx lênhx tâu nhoz jê, buôk ti đros lênhx nênhs moz hâur têx hnuz nhiv kruôr đhâu, thiêz chox lênhx nênhs moz muk nhoz kho moz trâu ntơưv tsêr kho moz tsês trâu chor nênhs tâu xav tiêk zôngx ziv trâul cik tâu moz thiêz trâul moz ntơư hâur tsênhv qơư Y tế đrôngs Điện Biên Phủ. Đhâu thâuv muôx nzir lênhx nênhs moz 3353, ciês hâur hmo xiêz 9/5, cxuô cơ quan muôx vax huôv hâur huyện Điện Biên, tỉnh Điện Biên tưz txưr tax tsi khênhr sđ hâur iz ndis thax tsav lênhx nênhs moz heik sâuv muk lol đhâu. Trơưk li mông txix Ban chox kriê phax tar moz Covid-19 tỉnh Điện Biên: Txos tas hnuz 9/5, tỉnh tưz pâuz tsênhz 661 lênhx nênhs tâu nhoz jê, buôk ti đros lênhx nênhs moz 3096 thiêz 3147 ntơưv Bắc Ninh thiêz chor nênhs tâu nhoz jê đros têx lênhx nênhs heik sâuv cik txos nênhs moz. Đhâu seiz njuôk shuôs, xuz thơưx tsi pov 661 lênhx nênhs ntơư muôx moz li chas txơưr txar./.

(Vũ Lợi-Riê Lâux cxeik, nhênhv)

 Cik txos qơư muôx moz Covid-19 ntơưv tsêr kho moz K Trung ương 3 nhoz ntơưv Tân Triều (Thanh Trì-Hà Nội), hâur hnuz 9/5, tỉnh Sơn La tưz qênhz yuôx nriêr pâuz nzir 187 lênhx nênhs, zos chor nênhs muk njuôk shuôk moz thiêz muk sêiz shuôk chor nênhs moz, tsoz phưz nenhs moz chơưv kho moz ntơưv luz tsêr kho moz no hâur têx hnuz jê lok no. Txos nhiv no, tas nro tỉnh xav jênhv muôx 378 lênhx nênhs tưz tâu qênhz yuôx nriêr pâuz zos cik txos tsêr kho moz K ntơưv Tân Triều. Txix hnuz 29/4 txos nhiv no, Sơn La tưz qênhz yuôx, nriêr pâuz tâu muôx 1.712 lênhx nênhs txix cxuô thax tsav qơư muôx caz moz thiêz txix saz đrâuv têz qơưk lok hâur thax tsav; chor nênhs no muôx 45 lênhx nênhs zos chor nênhs nhoz jê, njiz tâu chor nênhs moz; 1.200 lênhx zos chor nênhs nhoz njiz thiêz nhoz jê 45 lênhx nênhs hêik co. Ciês 31 lênhx nênhs zos chor nênhs nhoz jê, njiz tâu lênhx nênhs moz 3147 ntơưv Bắc Ninh (uô ntêx co, hâur têx hnuz txix 1-3/5, lênhx nênhs moz no tưz muk txix Bắc Ninh-Hòa Bình-Sơn La-Điện Biên thiêz txix Điện Biên tror lok muk Bắc Ninh, pư so ntơưv khách sạn Mường Thanh Mộc Châu-Sơn La 1 hmo), đhâu njuôk shuôk caz moz hnuz 9/5 tưz tsik pov trâus cik caz moz Sát Covi-2 jiês 1. Chor nênhs tưz njuôk shuôk caz moz ntơưv tỉnh txix hnuz 29/4 txos nhiv no zos 603 lênhx nênhs, tas nro puôr lênhx tsik pov trâus cik caz moz Sát Covi-2./.

(Thu Thùy-Lik Thox cxêik nhênhv)