Hâur 5 shông uô lơưr Bôv Chính trị li Chỉ thị 05 lok sir jos cơưv shâuv thiêz uô lơưr zơưv hloz Hôx li cêr uô nênhx jông, tỉnh Sơn La tưz uô jông lơưr Trung ương li chox kriê, thiêz tso tơưv kriz uô lơưr têx tsưr ziv tsênhv tsênhz. Hâur co, thax tsav qơư xav jênhv 7 tsênhv njiêz côngz xưv, khov co, tưz pov muôx 1.200 tsưr ziv uô jông hâur cơưv shâuv thiêz uô lơưr zơưv hloz Hôx li cêr uô nênhx jông, xưk li: Hêik pêx xênhv sơưr đơưk hlôngr đuô têx txir mo môngk, huôv tsar tsoz txir tuôz ziz ntơưv huyện Bắc Yên; chos ntông sâuv ar tox nxaz nhoz huyện Sông Mã; tsưr ziv txơưx uô nox, sik paz chiê uô bluô nux truôx đrênhk nhoz huyện Yên Châu; Hnuz lok thax tsav qơư cxiv tsa jêx jok yiêz nhoz huyện Mai Sơn…Đại tá Hoàng Đình Tường, Chính ủy Bôv Chỉ huy Quân sự tỉnh Sơn La, iz hâur têx taz viv uô tâu jông lơưr Chỉ thị 05 puz pâuz:“Hâur 5 shông kriz uô lơưr Bôv Chính trị li Chỉ thị 05, Đảng ủy, Bôv Chỉ huy quân sự tỉnh muôx tâu iz cxiê jax cơưv, cấp ủy chỉ huy cxuô cấp thiêz chor cán bộ, đảng viên tsuv tsik so hêik pâuz, gra siêz jênhv pâuz lok Bôv Chính trị li chỉ thị 05, txix co tsik so phuôx huiz txơưx jênhv thiêz kror uô ntêx hlo nhoz chor cán bộ đảng viên, uô ntêx zos cán bộ sêiz car cxuô cấp”.

Ndaz ndơưv jiês no, Ban tsưr tsix tưz muôz Thủ tướng chính Phủ li ntơưr kruôk trâu 1 tập thể; Ban Thường vụ Tỉnh ủy thiêz UBND tỉnh Sơn La cux khơưk muôz ntơưr kruôk trâu 78 tập thể thiêz 41 lênhx nênhs uô tâu jông hâur cơưv shâuv thiêz uô lơưr zơưv hloz hôx li cêr uô nênhx jông; khơưk muôz ntơưr kruôk trâu 5 lênhx nênhs, chor paz nênhs uô tâu jông hâur cxaz chuôz giải pov chir lok cxiv tsa Đảng shông 2020; khơưk muôz côngz bê chiến sĩ sik tưr cấp tỉnh shông 2020 trâu 24 lênhx nênhs uô tâu jông hâur phongz yaox sik tưr nhiêv têz qơưk txix shông 2018 txos shông 2020./.

(Trấn Long-Lik Thox cxêik nhênhv)

Hnuz 31/5, đoanx côngz xưv muôx 6 lênhx bác sĩ, nhân viên y tế tỉnh Yên Bái tưz sơưr cêr muk paz txưv tỉnh Bắc Ninh kho moz trâu nênhs moz Covid-19. No zos jiês tiv 3 Yên Bái tso đoanx côngz xưv muk paz txưv tiv phaz phax tar moz, muôx 6 lênhx bác sĩ, têx nhân viên y tế tuôx cxôngx têx taz viv nhoz Tsêr kho moz đa khoa tỉnh, Tsêr kho moz đa khoa thax tsav Nghĩa Lộ, Tsênhv qơư y tế têx huyện Yên Bình, Văn Yên, Trấn Yên thiêz niêv đrôngs Yên Bái. No zos têx bác sĩ, nhân viên y tế muôx pênhr xưv, chênhz zênhv, yênhx tưv tuôv zênhv zoz qơưx jênhv vưv. Six hơưv đoanx côngz xưv paz tỉnh Bắc Ninh zos 30 hnuz cxôngx hnuz 31/5/2021 muk./.

(Tuấn, Xuân-Txâur Vax cxeik nhênhv)

Tiv caz Moz Covid-19 txơưr txar phiv liv, chôngz lênhx nhuôs zâu sâuv thax tsav xar Si Pa Phìn, huyện Nậm Pồ (tỉnh Điện Biên) tsuv uô lơưr cêv kuôk y têr tsêx trung, lok sik cêv kuôk ntơưv tsêr. Viv li, Hnuz ntiêx têz nhuôs zâu 1/6 shông no, UBND huyện thiêz cxuô taz viv, tsêr cơưv ntơưr sâuv thax tsav tsik tsưr tsix trâu shux xênhz uô si tsêx trung xưk li cxiê shông mak tsưr tsix khơưk muôz huv trâu chor nhuôs zâu ciês hâur qơư cêv kuôk.

Hnuz 31/5, 2.400 ntâu kror hax huv tưz tâu muôz txos trâu chor nhuôs zâu hâur xar; hâur co, xar muôx 700 kror hax huv tưz  tâu khơưk muôz trâu chor nhuôs zâu tsênhv cêv kuôk ntơưv 12 qơư cêv kuôk tsêx trung sâuv thax tsav huyện; zuôr xar 1.800 kror huv tâu khơưk muôz trâu chor nhuôs nhoz tas nro 12 jêx jok trâus cêv kuôk, xar Si Pa Phìn. Iz kror hax huv zos nduôr thax, cuô mik…puôr lênhx zos chor tsưr tsix, tiz nênhs thiêz chor nênhs siêz jông, đros chor cán bộ, công chức, chor cưk kriê ntơưr nhoz huyện Nậm Pồ sik côngv paz, chiê paz trâu chor nhuôs zâu sir jos cov cơưv tâu ntơưr jông đuô hâur ntu zuôr txos./.

(Vũ Lợi-Lik Thox cxêik nhênhv)

Nhiv kruôr đhâu, têx cấp Bộ đoanx sâuv thax tsav tỉnh Lai Châu sik đros uô “Hâux lưv hluôk nênhs txưv zênhv cheix ntux sor shông 2021” thiêz hnuz Ciêz njuôz đros ntâu huôx tôngv tsênhv tsênhz, muôx ziz njiêz.

Ntơưv huyện Phong Thổ, 17 đoàn xã, thị trấn hâur huyện đros 4 cxênhz 400 ntâu lênhx đoàn viên sik đros sơưr cêr muk uô têx hâux lưv jông. Co zos uô vax pax, chos ntông njuôz, yax mông phax tar moz Covid-19 ntơưv têx qơư tsôngv box nhoz uô nênhx nhoz thax tsav ntus đris; uô vêv xênhz cêr muk lok hâur jêx jos; paz tsôngv box hleik blêx, uô qơư uô si trâu mê nhuôs....Têx huôx tôngv tsênhv tsênhz no tưz khav tênhv tâu tsưr tsix Đoanx, Hội li pưs txux đros côngv thôngx./.

(DTMN-Txâur Vax cxeik nhênhv)