Nhiv kruôr đhâu, Bộ thôngz mông thiêz yax mông sik côngv đros UBND tỉnh Yên Bái tsưr tsix piêr pâuz bản đồ thiêz cxuô zav lok “Hoàng Sa, Trường Sa Việt Nam-têx kror tsênhz hêik lok lịc sử thiêz pháp lý” ntơưv tỉnh Yên Bái.

Jiês piêr pâuz muôx zuôr xar 100 bản đồ thiêz ntâu ntâuz ntơưr, cxuô zav hêik lok Việt Nam li tsưr qênhx poz hiêr. Chor piêr pâuz no muôx 13 zav li: têx ntâuz ntơưr sâu txix luk Hán-Nôm, ntâuz ntơưr luk Việt thiêz luk Pháp zos têz qơưk Việt Nam ntu đrav ntêx thiêz chính quyền Pháp nhoz Đông Dương tso tơưv txix thế kỷ 17 txos thế kỷ 20, khav tênhv Việt Nam li tsưr qênhx đros thiêz oz luz poz hiêr Trường Sa thiêz Hoàng Sa; ntauz ntơưr, cxuô zav zos chor têz qơưk faz Tây tso tơưv cik txos Việt Nam li tsưr qênhx lok Trường Sa, Hoàng Sa; Đuôz shav lok por vêv tsưr qênhx Việt Nam đros oz luz poz hiêr Trường Sa, Hoàng Sa txix chor shông 1930 txos thâuv trâus Trung Quốc txênhz têz qơưk tas nro Hoàng Sa trâu shông 1974…Thôngz đhâu piêr pâuz no tưz paz trâu cxuô cxênhx pêx xênhv nhoz Yên Bái nriêr pâuz lok tsưr qênhx Việt Nam đros oz luz poz hiêr Trường Sa thiêz Hoàng Sa./.

(Thừa Xuân-Lik Thox cxêik nhênhv)

          Hmo xiêz 1/10, qơư tsês trâu têx tuz nhuôs zâu xênhz huôx uô si tỉnh Sơn la tưz tsưr tsix hmo hli đra shông 2017 đros njiêz luk “Trung thu faz Tây Bắc”.

Ntơưv hmo hội hli đra, têx tuz nhuôs zâu tâu seiz têx jax đhiê, nthuôr uô cêr lov jêv, tâu mnôngs piêr đaz nênhs lok hmo hli đra trung thu, tâu đros uô têx cêr lov jêv uô si thâuv nzor thiêz tâu muôz huv Trung thu. No zos têx cxơưz cxiz đas jos, cêr shir phaz chiê têx tuz nhuôs cxuô heir nênhs Sơn La tror sik tưr cơưv txux chi jông, sir jos chiê yênhx têx lênhx nhuôs ciêz, mnôngs luk, tsiv txiêx. Niêv lâuk Thox Thị Hồng Nhung, Giám đốc qơư tsês chiê trâu têx tuz nhuôs zâu xênhz huôx uô si heik pâuz:

“No zos iz cêr uô si lov jêv trâu têx tuz nhuôs zâu, muôz qơư uô si jông trâu têx nhuôs chiê cxiz têx mê nhuôv ndê trâu iz shông yiêz shir phaz, sik tưr cơưv txơưx cơưv njê hơưv tok têx hâux lưv hâur shông”./.

(Hoàng Long-Riê Lâux cxeik, nhênhv)

          3,5 vạn tuk njêl nôngz tưz tâu tso trâu hâur pak đêx tênhv Bắc Hà, xã Cốc Ly, huyện Bắc Hà, tỉnh Lào Cai. No zos xor xưv tâu Tổng cục tsiêx đêx-Bộ kôngz nuv thiêz huôv tsar jêx jok sik côngv đros Trung ương Hội Phật giáo Việt Nam đros Sở kôngz nuv thiêz huôv tsar jêx jok tỉnh Lào Cai tsưr tsix. Lơưr Ban tsưr tsix, hâux lưv no chiê paz uô trâu pâuz por vêv têx tsiêx đêx; thôngx cxix, paz muôx ntâu zav tsiêx đêx, tir tar tsik hur thiêz huôv tsar cxuô zav tsiêx đêx, hêik sơưr đơưk pâuz ntâuk muôz têx tsiêx đêx đros khưx phưx cxuô zav tsiêx đêx lơưr khoa học, tsik chiê trâus pôngz plox, pôngz nôngz./.

(An Kiên-Lik Thox cxêik nhênhv)

          Txơưv tưz sir jos fuô uô ntâu faz tsưr ziv, taz sik têx txuz uô cxâuv Luật por hưv thiêz huôv tsar jôngr hâur thax tsav tỉnh Điện Biên tưz tsi tâu txo grêk hlo. 9 luz hlik hâur shông no, tas nro tỉnh tưz qênhz pov xar muôx 500 txuz uô cxâuv, tsar ndê ntâu đuô 10 tơưv txuz pir li shông uô ntêx. Ngênhx muôx vax huôv tưz sâu tsês tâu 100 ntâu yiv đruôz ntông cxuô zav, sâu têx nhiêx xưv bluô têx uô cxâuv heik sâuv trâu têz qơưk muôx 2,3 tỷ đeiv ntâu.... Trơưk li zơưv Phạm Văn Khiên, Chi cục phưv chi cục yuôx jôngr tỉnh Điện Biên, chiê tsưx phưv tâu jông têx jôngr ntông, tsuv muôx ngênhx muôx vax huôv thiêz tsôngv box sơưr đơưk li sik côngv tês, sir jos paz:

“Lưv lươngv yuôx jôngr tưz uô lơưr têx faz tsưr ziv lok sâuv qênhz yuôx, pâuz tâu têx mông thiêz đơưk tu têx txuz ntor luôx jôngr hâur thax tsav, taz sik luôs hâux lưv no lok six lax, viv têx lênhx nênhs lês car uô têx nuv co pir li cui tinhv tsênhv tsi tâu muôx txâuk nênhs, yuôr nhos 182 lênhx thiêz. Chênhr li ntơư, pêz cux heik tsôngv box thiêz têx lênhx tsưr jôngr tsi so muk qênhz yuôx shuôs, uô jông hâux lưv seiz car, tsưx phưv zuk têx xuz jôngr ntông tâu trơưk têz qơưk zok muôz, zênhx max qênhz pov thiêz heik trâu têx cơ quan muôx vax huôv đơưk tu, xưv bluô trơưk cui tinhv têx lênhx tiz nênhs nhiês ntor luôx jôngr ntông tsi trơưk chei”./.

(Thu Thùy-Riê Lâux cxeik, nhênhv)