Đros nênhs sâu xor xưv VOV thav zar hnuz keix hnuz xiêz 2/6, zơưv Nguyễn Hữu Khởi, Chủ tịch UB huyện Điện Biên (tỉnh Điện Biên) puz pâuz tưz nriêr tâu lênhx nênhs tiv 3 hâur txuz txiêz nanv trôngz poz jêz vôngz uô 3 lênhx nênhs tuôs ntơưv tỉnh no. Co zos Bùi Văn Hài tâu nriêr pov thâuv 3 six zar hnuz keix hnuz xiêz 2/6. Têx taz viv chơưv paz tsuv lok six sir jos thiêx li chox tâu lênhx nênhs trâus nanv gris trôngz. Chinhr quyênx huyện Điện Biên tưz muk seiz nus, tôngv vênhx têx chuôz zis muôx lênhx nênhs trâus tuôs thiêz paz txưv qir thơưx iz lênhx 5,4 tsov đeiv. Thôngx cxix chox kriê Công ty TNHH yưv pênhr muôv muôs thiêz jix vuv Hoàng Anh uô đaz uô kruô thiêz paz txưv nênhs tuôs lơưr Chei lox tôngv. Nhiv no têx chiz coaz muôx txơưx jênhv tỉnh Điện Biên tsênhv ciêr chênhr qênhz yuôx, uô tsênhz mênhx qir tiv txuz txiêz nanv riêz nênhs no./.                               

(Vũ Lợi- Lan dịch đọc)

Thâuv 5 six 45 phênhz zar zuôr tsâuk ntux hnuz xiêz 01/6, thâuv tsênhv uô hâux lưv tơư kriê cêr, taz por truôx tuk trâu têx yêz mul lok tâus cêr ntơưv 4 txox cêr yuôv nhoz đrôngs Sơn La, hâur jok 1, phường Chiềng Lề, TP Sơn La, tổ côngz xưv nhoz Đội Cảnh sát zoz thôngz, công an TP Sơn La tưz khơưk tâu iz luz hnaz nhiêx pox niêv.

Đhâu krêz luz hnaz co seiz shuôs saz hâur mak muôx 9 tsov đeiv nhiêx thiêz hur si têx ntâuz ntơưr uz no li: Thẻ gra nhiêx, Cưng minh thư.....puôr lênhx muôx bê Lò Thị Yến, xênhz zus shông 1996, nhoz ntơưv xã Bó Mười, huyện Thuận Châu, tỉnh Sơn La.

Đhâu hlo co, Tổ côngz xưv tưz zok nriêr zênhx max lênhx nênhs heik sâuv thiêz heik trâu lênhx muôx têx ntâuz co pâuz chiê choz zok hur si têx nhiêx txiêx, ntâuz ntơưr no trâu Lò Thị Yến.

Tror txeik thiêz gra tâu zuk têx ntâuz ntơưr, nhiêx txiêx muôz uô pôngz, niêv lâuk Yến lok six shir phaz thiêz uô tsâus ntâu txos chor công an tổ côngz xưv tưz muôx têx tsưr ziv, siêz jông uô hâux lưv viv px, viv têz qơưk, paz đros khơưk tâu niêv lâuk Yến têx chuôz zênhx li heik sâuv./.

                                     (Trấn Long-Riê Lâux cxeik, nhênhv)

Iz paz shux xênhz tsêr cơưv mênhx cxưx nội trú THCS xã Sơn Bình, huyện Tam Đường, tỉnh Lai Châu zar tar su hnuz xiêz 2/6 thâuv tsênhv muk cơưv ntơưr tưz ndê sâuv tul ndêx tênhv chiê muôz jês nôngk. Trâus tênhv tênhz grus uô tul mê nhuôs zos Vàng A Thủy 12 shông nhoz jos Chu Va 6 tsuv chox muk tsêr kho moz chiê chơưv kho. Tix lâuk Vàng A Chúng zos Thủy txir heik: Viv pov sâuv ndêx tênhv ntơưv jos Chu Va 8 muôx jês nôngk, viv li thâuv cơưv tas ntơưr Thủy thiêz 2 fôngx zưs sik zâuv muk muôz jês nôngk. Thâuv tsênhv ndê muk muôz txơưv trâus tênhv tênhz quô thiêz pôngz trâu hâur pês têz. Thâuv muôx txiêz nanv iz chuôz zis nhoz jê ntơưv co hnor tơưs lox viv li tưz hu lênhx nênhs tuôx chox Thủy muk chơưv kho. Nhiv no Thủy tsênhv tâu kho moz ntơưv tsêr kho moz đa khoa tỉnh Lai Châu, iz chêr trâus cuz nhiêz hnhar. No zos txuz txiêz nanv tênhv tênhz tiv 2 ntơưv huyện Tam Đường hâur iz ciêz đhâu. Uô ntêx co, iz lênhx shux xênhz nhoz jos Hon huyện Tam Đường thâuv ndê ndêx tênhv muôz jês nôngk cux trâus tênhv grus. Cxôngx têx txuz txiêz nanv no, tsôngv box tsuv tsưv ziv seiz njôngr, choz chêv têx mê nhuôs tsi cxoz ndê ndêx tênhv, xor tênhv chiê jav tâu têx txiêz nanv pôngz siêz muôx yưv. /.

(K.Kiên- Txâur Vax cxeik nhênhv)

Toax anr TP Lào Cai, tỉnh Lào Cai nhiv kruôr krêz tu trôngx plâuz trâu 2 lênhx nênhs zos Khuất Văn Đức-Kuz tsar ban seiz car ciêz Kim tân, TP Lào Cai thiêz Nguyễn Chí Linh-thâuv ntêx uô hâux lưv por hưv Ban seiz car ciêz Kim Tân lok sâuv liv zôngv “Zuk vax huôv thâuv tsênhv lês uô têx hâux lưv zok muôz”.

Đhâu Viện Kiểm sát TP Lào Cai têx ntâuz ntơưr yơưz phơưz tso pov, hâur six hơưv txix hli 6/2014 txos 6/2016, Khuất Văn Đức tưz chox car Nguyễn Chí Linh sâu chor chuôz zis uô lax luôv, zuôr muôs têx txir ntông  hâur ciêz  nhoz iz ndis thax tsav ndâux cêr ciêz Kim Tân nhoz saz txox cêr Hàm Nghi têx nhiêx sê lơưr tuôx nhoz muôs huv. Xav hur tiz si chor nhiêx sê sâu tâu co hâur luz six hơưv, hnuz nhôngs heik sâuv zos 62 tsov đeiv ntâu. txos hli 7/2016, tiv px muôx têx ntơưr pênhr, viv li Đức tưz chox kriê Linh tiêk, cov tsi cxoz sâu têx chuôz zis heik sâuv têx nhiêx sê lơưv. 

Seiz pov 2 lênhx nênhs heik co têx hâux lưv uô zos uô cxâuv lox, uô tsi trơưk chei têz qơưk, uô trâu px tsi njênhs, tsi muôx cêr chiê siêz trâu hâu nov TP Lào Cai, Toax anr TP Lào Cai tưz tik cêr cxâuv trâu Khuất Văn Đức nhoz 18 luz hlik tux, Nguyễn Chí Linh nhoz 15 luz hlik tux./.

(An Kiên-Riê Lâux cxeik, nhênhv)

Ntâu lênhx tsôngv box tox siêz Mù Cang Chải, tỉnh Yên Bái lok six jông siêz heik kriê lok chor pax yuô bleiv tâu chos đar 30 hecta nhoz têx xã Nậm Khắt, Púng Luông, Lao chải. Lox tiv zix nhoz tỉnh Yên Bái. Yênhx châuv ziv chuôz zis nhoz HTX pax Mù Cang Chải tưz chox nôngz pax yuô bleiv Pháp lok chos thâuv nhênhz chơưv ar têz thiêz qiv hơưv nhoz tiv phaz no. Pos Nguyễn Thị Hương, tsưr iz vax pax puz pâuz:

“Nhoz no qiv hơưv cheix ntux sor mak tsi cuz, đruôz hnuz yar ntux taz sik hmo ntux mak no, viv li pax tơưs lok six jông. Nhiv no pêz tuôx chos pax ntơưv no, njuôs xav 1-2 luz hlik thiêz txơưv sâu tâu”./.

(Tuấn Xuân-Txâur Vax cxeik nhênhv)