Thâuv 8 six hnuz 15/10 zuôr txos Toàn án tỉnh Sơn La zuôr tror krêz tik cêr cxâuv txuz anr muôz nhiêx txiêx xiêz chiê zuôr điểm thik hâur jiês thik THPT têz qơưk shông 2018 ntơưv Sơn La. 8 lênhx bị cáo chuôz ndê điểm trâu 44 lênhx shux xênhz zuôr trâus tik cêr cxâuv hâur jiês no. Tòa án tỉnh Sơn La tưz xa ntơưr hu 91 lênhx nênhs thiêz taz viv tuôx cxaz chuôz. Đros 27 lênhx nênhs coaz tsôngv, toàn án tỉnh Sơn La tưz xa ntâuz ntơưr txos chiz coaz, taz viv uô côngz xưv thix ziv lênhs tov têx taz viv tsi pheiz côngz uô côngz xưv trâu têx lênhx nênhs no uô ntêx thiêz hâur têx hnuz krêz jiês tik cêr cxâuv txuz án, thôngx cxix heik cán bộ taz viv tsuv tuôx ntơưv tòa án chiê txuz anr nzor tâu uô tsênhz mênhx./.

(Thanh Thủy- Txâur Vax cxeik nhênhv)

Hâur têx shông đhâu, ntâu luz xã nhoz cxuô xã 135 hâur hur si têz qơưs tưz uô ntơưr thor hla đhâu chuôz zis pluôs Pos Toòng thị Vui oz niêv txir nhoz jos tu zus tsiêx, xã Phìn Hồ, huyện Nậm Pồ, tỉnh Điện Biên, tưz siz chos saz lax uô ntơưr thor hla đhâu chuôz zis pluôs. Pos Vui oz niêv txir cux hêik pâuz nzir tiêk: Thâuv njiz cêr txov nhêv, têz qơưs paz nôngz kôngz, paz pênhr nhiêx huôv tsar cêr uô nox, nhiv no cux muôx txâuk mê njik nhiêx txiêx trâu tuz nxêik muk cơưv txux chi thiêz pos Vui cuix shir phaz lul thav tiêk:

“Nhiv no pos vui chuôz zis tưz muôx 4 tus tưv thiêz cxiv uô tâu tsêr nhoz truôx thiêz muôx yêz máy, muôx máy jov blêx đros trâu muôx kêiz buô zus, luz nênhx tưz  tsik txov nhêv li ntu đrav ntêx”

Pos Toòng Thị Xe, nhoz jos Cấu, xã Chà Nưa, huyện Nậm Pồ, tỉnh Điện biên cux zos cux uô ntơưr thor hla đhâu chuôz zis pluôs. Hâur zuôr xar 20 zos chuôz zis pluôs, cxuô zav hâur chuôz zis puôr lênhx tâu têz qơưs muôz paz, nhiv no chuôz zis tưz muôx txâuk nox txâuk hnar, muôx luz nênhx tsâu sor./.

                  (Tsu vưx cxêik nhênh-VTVnew)

UB tỉnh Lào Cai nhiv kruôr tso tơưv tsưr ziv pheiz saz cêr zaoz thôngz chiê yêz mul lol sâuv niêv cêr 4D ntu đhâu thax tsav tỉnh hâur six hơưv cxôngx hnuz xiêz 3-6/10 chiê sik côngv đros tỉnh Lai Châu phưx vưv hâux lưv chiv nhênhv 110 shông yênhx lix tỉnh Lai Châu, 70 shông yênhx lix Đảng bộ tỉnh thiêz 15 shông pheiz, yênhx lix tỉnh Lai châu. Tsênhz mênhx, têx yêz teiv (tsi xav têx yêz tsov cưv) zuôr tsi tâu muk lol thôngz đhâu niêv cêr 4D cxôngx đrôngs Lào Cai mul thax tsav ju lix Sa Pa cxôngx 11 six tar su txos 9 six tsâus ntux têx hnuz xiêz 4,5 thiêz xiêz 6/10. Chiê taz por uô jông hâux lưv no, têx fiêx canhv pov zaoz thôngz zuôr tâu cxok ntơưv 2 tos cêr mul lol. Lưx lươngv cảnh sát zaoz thôngz cux zuôr nhoz co chiê heik kriê zaoz thôngz, thôngx cxix yưr lir txos qơư têx lênhx nênhs cxoz txưv uô cxâuv...../.

(AN Kiên-Txâur Vax cxeik nhênhv)

Trơưk li zơưv Đào Quang Dũng, chủ tịch uỷ ban xã Minh Chuẩn, huyện Lục Yên, tỉnh Yên Bái. Ntơư luz jos Khánh Ngoài, xã Minh Chuẩn, zơưv Chu Văn Phong xênhz shông 1982, luz tsêr ntông 3 qar đros trâu chuôz zênhx chuôz tav hauar vax tsêr tưz trâus cuz hnhiêz tas hur tiz si. Têx chuôz zênhx chuôz tav, vax tsêr trâus puôk tsuôx ntơư zos xav mak tas 100 triệu đêiv ntâu. Thâuv luz tsêr trâus cuz hnhiêz ntơư, zơưv Phong oz niêv txir tsênhv muk paz niêv têik zơưv txir hlêik blêx, tsik muôx lênhx tưs nhoz hauar tsêr. Qir tiv uô hluôr tơưk cuz tsêr zos tênhv tênhz chis txêik cuz./.

                  (Tsu vưx cxêik nhênh-Tuấn-Xuân)