Đhâu 60 hnuz tsik pov muôx nzir lênhx nênhs trâus cik moz Covid-19, têx hâux lưv ntơưv tỉnh ntus đriv Lai Châu tsênhv tror tâu chiê uô nox hâur qênhx shênhx yiêz. Taz sik, đros tsưr ziv tsik tso siêz thâuv caz moz ntơưv ntâu thax tsav qơư cux tsênhv txơưr txar phiv liv, lưx lươngv muôx vax huôv thiêz chinhr quyền cxuô cấp nhoz tỉnh cux tsênhv sir jos kriz uô ntâu tsưr ziv, chiê sir jos tuôr truôx zos qơư tsik muôx caz moz, paz trâu nề kinh têr tror tâu khưx phưx thiêz huôv tsar. Zơưv Tống Thanh Hải, Phưv Chủ tịch Thường trực UBND tỉnh Lai Châu, Phưv Trưởng Ban Thường trực Ban chox kriê phax, tar caz moz Covid-19 tỉnh Lai Châu hêik:“Chor nênhs tror lok hâur thax tsav qơư muôx lok six chôngz lênhx nênhs, viv li lưx lươngv muôx vax huôv tsuv qênhz yuôx têx yêz thâux xa hax huv, viv no zos iz kror phiv liv tsuv qênhz yuôx, sêiz car cov jông; tsuv sêiz kaz truôx jông đuô chor nênhs cêv kuôk ntơưv tsêr, hâur côngv thôngx. Cxuô thax tsav qơư cux tsuv sir jos hâur hâux lưv cêv kuôk ntơưv têx qơư nhoz so, qơư uô hâux lưv tsuv tâu taz por cov ngaz tuk”./.

(Khắc Kiên-Lik Thox cxêik nhênhv)

Uô tsaz yênhx njiz cưv tri uô ntêx jiês khiêz phêv tiv 2, Côx hôiv khóa 15, nhiv kruôr đhâu Đoanx teiv plor côx hôiv tỉnh Yên Bái tưz muôx jiês njiz cưv tri têx xã Thanh Lương, Thạch Lương, Phù Nham, Nghĩa Lộ, thị xã Nghĩa Lộ.

Cử tri thị xã Nghĩa Lộ thix ziv đoanx teiv plor côx hôiv tỉnh seiz shuôk, muôx tsưr ziv car chêx chế độ paz txưv hâux lưv uô chiê taz por qênhx liv, côngz fênhx trâu têx viên chức tsênhv uô hâux lưv ntơưv Tsênhv qơư jix vuv, paz huôv tsar kôngz nuv thị xã...Thix ziv côx hôiv, têx bộ, nganhx Trung ương nhênhz chơưv cxiv tsa thiêz tso tơưv ploz tsênhr jênh số tas nro niêv đrôngs cov huv đros qênhx shênhx cxuô têx niêv đrôngs tox siêz nhiv no, thâuv thị xã Nghĩa Lộ sir jos tax ploz tsênhr niêv đrôngs hov III; nhênhz chơưv hlôngr yiêz chính sách paz txưv thâuv têz qơưk sâu ar ...Thix ziv muôz siêz phênhv xưv bluô đros têx qơư tu zus chêx chôngk uô cxâuv cêr chei lok tênhx qơư...Ntơưv jiês njiz, Bộ trưởng Bộ nội vụ Phạm Thị Thanh Trà thiêz Đoanx teiv plor côx hôiv tỉnh Yên Bái tưz sâu jênhv, têz cử tri li têx luk nus nhoz zuk li qênhx, sâu jênhv têx njiêz luv txơưr chiê muôz trâu Côx hôiv, chinhr phuv, Bộ nganhx Trung ương seiz shuôk, car chêx hâur ntu zuôr txos./.

(Thừa Xuân-Txâur Vax cxeik nhênhv)

Đoanx qênhz yuôx liên nganhx UBND tỉnh Sơn La zos zơưv Đặng Ngọc Hậu, Phưv chủ tịch UBND tỉnh sêiz shuôk nhiv kruôr muôx jiês qênhz yuôx lok qênhx shênhx kriz uô cuz tsik zos chêi sâuv đêx Nậm Hua, jok Lào, xar Mường Bám, huyện Thuận Châu, đhâu thâuv pov chir muôx têx xor mông heik pâuz. Ntơưv six hơưv qênhz yuôx, taz viv tưz tso tsês tsik uô thâuv UBND huyện Thuận Châu muôx ntâuz ntơưr hêik pâuz.

Đhâu qênhz yuôx, zơưv Đặng Ngọc Hậu tưz chox kriê thiêz hêik chính quyền ntơưv qơư đros nganhx muôx vax huôv tsuv sir jos kiểm điểm, kho đuô côngz xưv sêiz car têz qơưk, tiv zix zos côngz xưv sêiz car kriz uô khoangr yax sâuv thax tsav xar Mường Bám. Tsêx trung sêi đrơưv qênhz yuôx đuô tas nro cxuô taz viv sâuv thax tsav xar, tiv zix zos taz viv kriz uô oz dự án tsêr mêir đêx tênhv Nậm Hóa 1, Nậm Hóa 2 li têx hâux lưv; uô tsênhz mênhx txơưx jênhv cui tênhv hâur hux thôngx nhoz Công ty tsêr mêir đêx tênhv An Pha thiêz Công ty TNHH Tây Tiến VB. Thôngx cxix sêiz shuôk, uô tsênhz mênhx txơưx jênhv nhoz yênhx lênhx nênhs, tiv zix zos nênhs sơưr thơưx, cơ quan, taz viv cik txos hâur qênhz yuôx, sêiz kaz uô chiê muôx yưv sêiz car tsik truôx jông chiê têx taz viv co liv zôngv hâux lưv khơưz thoz têx cưk tso đêx chiê kriz uô hâux lưv zok nriêr khoangr yax tsik zos chêi./.

(TTTB-Lik Thox cxêik nhênhv)

Nhiv kruôr đhâu ntơưv jos Co Tang, xã Lóng Luông, huyện Vân Hồ, tỉnh Sơn La, Công an huyện Vân Hồ lov lik sik côngv đros Văn phongx Chiz coaz Cảnh sát qênhz yuôx thiêz phax tar cảnh sát qênhz yuôx nênhs phamv cxâuv lok zax zênhz, Công an tỉnh Sơn La tưz ntês tâu lênhx nênhs phamv cxâuv riêz nênhs.

Co zos Tráng A Chứ, xênhz shông 1973 nhoz xã Lóng Luông, huyện Vân Hồ (Sơn La). Tráng A Chứ muôx cuiz tênhv nriêr ntês số 03/PC44 hnuz 25/5/2021 viv muôv muôs zax zênhz. Lênhx nênhs no yax six gra lơưr vưv qiv, car tir tar nênhs uô jênhv vưv.

Taz sik, cxôngx têx tsưr ziv nghiệp vụ, lưx lươngv muôx txơưx jênhv tưz ntês tâu lênhx nênhs fêv no thâuv nưs tsênhv muk har jôngr nhoz tsêr têz jos Co Tang, xã Lóng Luông, huyện Vân Hồ.

Nhiv no chiz coaz cảnh sát qênhz yuôx, Công an tỉnh Sơn La tsênhv tror uô tiêr ntâuz ntơưr chiê chox lênhx nênhs no muk tik cêr cxâuk trơưk phuôx lix li cui tênhv./.

(TTTB-Txâur Vax cxeik nhênhv)