Tsêr cơưv Phôv thôngz Mênhx cxưx nội trú cxênhx pêz tỉnh Yên Bái iz hnuz uô muôx 1.200 ntâu pluôs nox trâu 400 ntâu lênhx shux xênhz. Chiê chor pluôs nox co ngaz tuk, tsơưr lươngv, uô ntêx shông cơưv, tas nro cán bộ, nhân viên Tôv txoz cxơưx trâu luz nênhx tưz tâu kruôz kriê nzir txux chi lok uô jông vêv xênhz ngaz tuk zav nox; têx chuôz zênhx chiê uô jâuz mor nox tưz tâu cxaz nzir. Tsêr cơưv cux tsưr tsix cir jênhv uô jông lơưr ngaz tuk vêv xênhz zav nox đros 7 kror qơư cungz têx hax huv zav nox trâu tsêr cơưv ntơưr. Pos Trần Thị Lộc, Tôv trưởng tôv txoz cxơưx trâu luz nênhx, tsêr cơưv Phôv thôngz nội trú cxênhx pêz tỉnh Yên Bái hêik pâuz:

“Zuôr têx hax huv zav nox mak pêz xêir tsov chor hax huv jông, yiêz, li njêl mak zuôr chor njêl tsênhv chiê, tsik zuôr chor njêl tuôs; grêix lok cux xêir chor grêix yiêz, jông, tsik tsư. Hok uô jâuz mor nox mak pêz cux uô jông lơưr têx tsưr ziv lok uô zav nox cov jông thiêz ngaz tuk trâu chor shux xênhz”./.

(Thừa Xuân-Lik Thox cxêik nhênhv)

Hok ntơưv Lào Cai, têis cik sơưr nzor 3/12, iz jiês ntux no txix faz Bắc lok txos Lào Cai uô trâu jêx tưv ntơưv cxuô thax tsav qơư hâur tỉnh grêk kik. Đaix njuôk ntux yar ntux nas tỉnh Lào Cai puz pâuz, txos hmo 4 thiêz 5/12, jêx tưv ntơưv Lào Cai zuôr kik tiv zix. Trơưk njuôk xav, jêx tưv ntơưv trôngz Fansipan zuôr grêk kik đuô 0 tưv, zôngx ziv muôx yưv lok đâuk, tê. Đâuk, tê lok mak cux zos iz kror jông chiê zaz zâuv tsôngv kruô du lịch tuôx trâu Sa Pa chiê ndis shuôk, uô si./.

(An Kiên-Lik Thox cxêik nhênhv)