Hnuz đhâu xiêz 3/2, tỉnh ntus đriv Lai Châu sâu jênhv muôx 14 lênhx nênhs njuôs xav trâus moz lok cêr uô pa tiv caz moz côrôna tsênhv tâu cêv kuôk, kho moz ntơưv têx qơư y tế. Têx lênhx nênhs njuôs xav trâus moz no nhoz 4/8 huyện, thành phố hâur co huyện Tam Đường muôx 3 lênhx, Than Uyên 2 lênhx, Tân Uyên 3 lênhx, Phong Thổ 3 lênhx. Ntơưv qơư cêv kuôk Tsêr kho moz đa khoa tỉnh Lai Châu nhiv no tsênhv kho moz trâu Zax A S nhoz ntus đriv Huổi Luông, huyện Phong Thổ. Lơưr nênhs moz li nênhs cxênhz jê heik kriê, hnuz 19/1 nênhs moz mul Trung Quốc chiê muôs xiv huv kôngz nuv. Thâuv tror lol tsêr cơưv pov iz chêr cuz sor, gru viv li chox tuôx tsêr kho moz chiê seiz njuôs thiêz cêv kuôk. Hâur 14 lênhx nênhs njuôs xav trâus moz, nhiv no muôx 3 lênhx tâu njuôs xav tsi trâus caz moz côrôna, yuôr 11 lênhx tsênhv tror tâu cêv kuôk, kho moz, muôz nyar xa trâu Trung ương njuôs siv thiêz tsênhv tos chêx cuk njuôs siv./.

(Khắc Kiên- Txâur Vax cxeik nhênhv)

Sik thav đros tuz sâu xor xưv zar hnuz kêix xiêz 3/2, zơưv Đỗ Xuân Thụ, Giám đốc Tsêr kho moz Đa khoa tỉnh Sơn La heik pâuz: Têx seiz njuôk shuôs moz txix T.Ư heik pâuz lok 2 lênhx nênhs tsênhv tâu chơưv kho moz, tso nưk nhoz nưk iz kro ntơưv tsêr kho moz tưz tsi zos trâul moz corona. Li ntơư txos iz jiês no, tỉnh Sơn La tsi tâu qênhz pov muôx lênhx nênhs tưs trâus moz zav caz moz corona hlo. Chiê bax phax tir thêir thiêz kho moz zênhx max thâuv muôx moz huôv xênhz hâur thax tsav, Tsêr kho moz Đa khoa tỉnh Sơn La tưz bax tâu jông têx chuôz zênhx, lênhx nênhs chiê seiz njuôk shuôs thiêz kho moz trâu lênhx nênhs moz. Zơưv Đỗ Xuân Thụ, Giám đốc tsêr kho moz Đa khoa tỉnh Sơn La heik pâuz:

“Pêz sir jos qênhz pov tâu nzor têx lênhx nênhs tâu xav tiêk trâus moz chiê muôx tsưr ziv chơưv kho thiêz tso nưk nhoz nưk iz kro zos tiêk muôx têx moz jông xưk li ntơư. Tiv 2 zos muôx lênhx nênhs trâul moz tiês mak pêz zuôr sir jos chơưv kho, txo grêk tsơưs moz siz cik đêz đar cux lix txo grêk tsơưs chor nênhs trâul moz hnhar zav moz co”./.

(Tuyết Lan-Riê Lâux cxeik, nhênhv)

Zar hnuz keix hnuz xiêz 3/2, Viện vêv xênhz dịch tễ Trung ương tưz xa chêx cuk khav tênhv 4 lênhx nênhs njuôs xav trâus moz lok cêr uô pa tiv caz moz yiêz côrôna ntơưv Lào Cai tsi zos moz tiv caz moz côrôna. Li ntơưv, txos nhiv no, tỉnh Lào Cai tưz muôx 10 lênhx nênhs njuôs xav trâus moz tâu xav tênhv tsi zos moz tiv caz moz côrôna. Uô ntêx, tưz muôx 6 lênhx nênhs njuôs xav trâus moz thâuv muôx chêx cuk njuôs xav tsi trâus caz moz côrôna mak tưz tâu tso mul tsêr. 4 lênhx nhiv kruôr muôx chêx cuk, nganhx y tế tiv phaz tsênhv tror seiz shuôk, qênhz yuôx đas jos txos thâuv taz por thiêx li tso mul tsêr. Têx lênhx nênhs moz uô ntêx thâuv tso mul tsêr puôr lênhx tâu yax mông cxix cxuô têx tsưr ziv phax tar moz trâu zuk thiêz côngv thôngx./.

(An Kiên-Txâur Vax cxeik nhênhv)

Zar hnuz kêix xiêz 3/2, Ủy ban tỉnh Yên Bái tưz muôx ntơưr xa zênhx max trâu Sở Zoz zux thiêz Thox cxov; Sở Lox tôngv, Xaz pênhz thiêz XH; Ủy ban cxuô huyện, thị xã, TP hâur thax tsav lok luôs hâux lưv tso shux xênhz so ntơưr chiê phax tar moz uô pa tiv zav caz moz corona uô moz. Iz chas ntơư, tỉnh Yên Bái zuôr qir tso têx shux xênhz tax so ntơưr txix hnuz xiêz 4/2 txos tas hnuz xiêz 9/2/2020. Chủ tịch Ủy ban tỉnh Yên Bái cux choz trâu Giám đốc Sở Zoz zux thiêz Thox cxov, Giám đốc Sở Lox tôngv, Xaz pênhz thiêz XH cxiv tsa tsưr ziv cơưv nzir trâu têx hnuz tưs huv đros chiê taz por tsaz yênhx cơưv trơưk tsưr ziv, six hơưv hâur shông cơưv./.

(Tuấn Xuân-Riê Lâux cxeik, nhênhv)