Trơưk li thôngz sâu, ntơưv tỉnh Sơn La, iz shông muôx nhos 30 cxênhz lênhx pox niêv xênhz tuz ci hâur chêr thiêz 20 cxênhz ntâu lênhx pox niêv xênhz zus mê nhuôv, njuôk xav chor nênhs trâul moz HIV hâur têx lênhx pox niêv xênhz tuz ci hâur chêr zos 0,13% iz shông; chor nênhs trâul cik tâu moz HIV txix lênhx niêv trâu mê nhuôv tsav txix 30-40% iz shông.... Nhiv no, luôs hâux lưv dưv phax thiêz qênhz shuôs moz HIV/IDS, moz siêz ....txix lênhx niêv trâu lênhx nhuôs nhoz Sơn La tâu uô thôngz đhâu cxix luôs y tế txix tỉnh txos cxuô thax tsav qơư. Bác sĩ Nguyễn Tiến Dũng, Giám đốc Tsênhv qơư qênhz njuôk shuôs moz gênhs tỉnh Sơn La heik pâuz: Tsưr ziv zuôr txos zos têx nhuôs zâu đhâu xênhz zus tâu lok hâur ntu txix shông 2020-2030 zuôr tsi trâul têx zav moz li heik sâuv:

“Chiê uô tâu luôs hâux lưv heik co, mak tsuv sir jos yax kriê, muôz uô uô cê têx hâux lưv li heik sâuv đros trâu yax mông, fuô kriê cov px sđ pâuz, thâuv ntêx têx hâux lưv ntơư zos nhiêk uô nhiêk, viv li têx lênhx pox niêv nhoz hnuz nhôngs xênhz zus nhuôs, têx lênhx pox niêv tsênhv xênhz tuz ci hâur chêr luôs pâuz tsi tsênhz tsi mênhx, tsuv uô li heik sâuv chiê chor pox niêv xênhz tuz ci hâur chêr, xênhz zus mê nhuôv.... lơưr bax muk seiz njuôk shuôs đas jos, seiz njuôk shuôs mê nhuôv ntơưv têx qơư y tế hâur ntu lơưr xênhz nhuôs hâur chêr co chiê pâuz tâu sêz trâul moz lok tsi trâul, mak pêz thiêx zuôr đơưk kho tâu têx moz sâuv”./.

(Trấn Long-Riê Lâux cxeik, nhênhv)

Hnuz 15/6 zuôr txos no, Toax anr thênhv siêz ntơưv Hà Nội zuôr qir krêz tu trôngx plâuz, tik cêr cxâuv trâu Trần Thị Hiền, (zos lênhx nxeik shux xênhz Cao Mỹ Duyên trâus nênhs fêv kuôz zuôv tuô tuôs ntơưv Điện Biên lênhx niêv) thiêz chor nênhs trâul cxâuv cik txos lok sâuv zuôr muôs zax zênhz tsi trơưk chei.

Iz chas ntơư, txuz plâuz co zuôr tâu tu ntơưv Điện chiê seiz pos Trần Thị Hiền (xênhz zus shông 1975, zos lênhx nxeik shux xênhz Cao Mỹ Duyên lênhx niêv) thiêz Vì Thị Thu (xênhz zus shông 1982, nhoz Điện Biên) gơưr pov muôx têx ntâuz ntơưr heik nzir tsi jông siêz lol trâul tik cêr cxâuv ntơư. Uô ntêx co, thâuv tu trôngx plâuz no lok hnuz 27/11/2019, Toax anr tỉnh Điện Biên tưz tik cêr cxâuv trâu Trần Thị Hiền nhoz 20 shông tux lok sâuv zuôr muôs zax zênhz tsi trơưk chei; Vì Thị Thu thiêz Thu tus txir zos Vì Văn Toán (xênhz zus shông 1982, lênhx tuôr hâu hâur txuz tuô tuôs lênhx nxeik shux xênhz Cao Mỹ Duyên nhoz Điện Biên) nhoz tux tax tas iz siv nênhx. Bùi Văn Công, Lường Văn Hùng trâul tik cêr cxâuv nhoz 20 shông tux thiêz cơư nhoz tux tax tas iz siv nênhx./.

(Vũ Lợi-Riê Lâux cxeik, nhênhv)