Tsôngv fôngx zưs sơưr đơưk hmor yuô! Đrâuv trâus hiêv lok cxuô zav, ntux nas lox hâur 2 hnuz đhâu tsênhv tror uô hiêv txos lênhx nênhs sâuv thax tsav tỉnh Lai Châu. Txos zar hnuz kêix nas hmo, chor nênhs trâus tuôs tưz ndê muôx 4 lênhx nênhs.

Ntơưv huyện Phong Thổ, đhâu muôx yưv chuô lox ntơưv txos cêr 12, xar muôx 9 six tsâuk ntux hmo 2/9, thâuv đêx tsênhv ntưk chênhr mak iz cxiê lênhx nênhs tưz sir jos muk cov đhâu qơư muôx đêx huôv chiê lok tsêr thiêz 2 lênhx nênhs tưz trâus đêx cuôr yôngz; iz lênhx nênhs tâu chơưv paz, hok iz lênhx nênhs mak trâus đêx cuôr yôngz muk. Lênhx nênhs tsik pov zos Chẩu A Máu, zus shông 1999, nhoz ntơưv xar Mường Khoa, huyện Tân Uyên. Nhiv no chor lưx lươngv txơưx jênhv cux tsênhv côngv đros chính quyền tiv phaz thiêz nênhs hâur chuôz zis zok nriêr.

Ntơưv huyện Mường Tè, ntux nas đêx ngaz cuôr uô 2 lênhx nênhs tuôs, hâur co muôx iz lênhx zos nhuôs zâu. Tsênhv tsênhz, ntơưv xar Tà Tổng, ar poz lok cxuz iz chuôz zis luz tsêr têz uô trâu nhuôs Vax Hư Xỉ, zus shông 2017 trâus tuôs. Ntơưv xar Nậm Khao, iz lênhx nênhs plav tơư pôngz trâu hâur luz kror đêx ntưk muk thâuv đêx tsênhv huôv lox thiêz trâus tuôs, zos tix lâus Lò Văn Thương, zus shông 1994, nhoz ntơưv jok Pô Lếch, xar Nậm Khao./.

(Khắc Kiên-Lik Thox cxêik nhênhv)

  Ntơưv cei cêr 434+760 nhoz jos Khoa, xã Mường Khoa, huyện Bắc yên tỉnh Sơn La, tas nro iz luz trôngz poz lol hâur cêr tas cik hnuz xiêz 2/9, ar thiêz poz jêz muôx yênhx châuv yiv đruôz. Vôngz tas cêr mul lol thiêz uô poz tsôngv box li 4 luz tsêr, tơưk plêz iz luz tsêr cơưv ntơưr hâur jos, yênhx châuv ziv chuôz zis nhoz uô nênhx jê ntơưv co tsuv ciêr chênhr txar qơư nhoz. Công ty cổ phần coar lik, kho đuô thiêz cxiv tsa côngz tsinhx zaoz thôngz II Sơn La tưz đros têx lưx lươngv muôx txơưx jênhv thiêz tsôngv box huiz tôngv lênhx nênhs, têx zav meir chiê khưx phưx. Taz sik tiv ar thiêz poz jêz lok six ntâu, zaoz thôngz tsênhv mul lol tsi tâu tâu, njuôs xav zuôr huiz tôngv cxaz lưx lươngv chơưv paz. Zơưv Hoàng Minh Tiến, Hạt tsar Hạt zaoz thôngz 237, nhoz công ty cổ phần coar lik kho đuô thiêz cxiv tsa côngz tsinhx zaoz thôngz II Sơn La puz pâuz:

“ Nhiv no phêv liv tiv zix zos trox, viv cêr mul lol tsi tâu thâux tsi tâu mul paz tsôngv box. Tiv 2, tsi muôx tênhv, trox ak cux grus tsi tâu. Taz sik tsuv heik tsôngv box nhoz hâur jos, xã mul zuôr trox uô yênhx choz thiêz cưr mul, lok six khưr. Nhiv no yêz mul lol tsi tâu, pêz tưz huiz tôngv tas hur si yêz thiêz lưx lươngv tuôx ntơưv no, zuôr nzor khưx phưx chiê yêz mul lol tâu”./.

(B.Thủy-Việt Anh- Txâur Vax cxeik nhênhv)

Đhâu jiês ntux lok nas lox ntơưv ntâu tiv phaz hâur tỉnh Lào Cai nhiv kruôr đhâu, têx trâus hiêv njuôk xav tas muôx 5 tiv đêiv. Hâur co 11 luz tsêr nhoz huyện Văn Bàn thiêz Sa Pa trâus hiêv tiv đêx pur siêz thiêz cuôr yôngz.

Ntux nas lox cux uô 170 ha blêx, jâuz tâuv cxuô zav trâus ngaz, iz cxiê côngz trinhx trâus puôk tsuôx. Đhâu ciês ntux nas lok đhâu, têx tiv phaz tưz huiz tôngv lưx lươngv ntơưv qơư chiê khưx phưx. Đros xor mông hêik pâuz ntux nas lox tsênhv zuôr muôx nzir hâur oz pêz hnuz zuôr txos, têx tiv phaz cux tưz muôx tsưr ziv chiê phax tar cov ndar six hơưv./.

(An Kiên-Lik Thox cxêik nhênhv)

Thâuv 11 six zar tar su hnuz xiêz 3/9, ntơưv thax tsav tuêv 4, phường Thanh Trường, TP Điện Biên Phủ, tỉnh Điện Biên muôx yưv iz txuz sik ntâus siz tuô zov chênhr uô iz lênhx nênhs tuôs ciês ntơưv qơư. Lênhx nênhs tuôs tâu xav tênhv zos Lường Văn Tiến, xênhz shông 1974 nhoz tuêv 6, phường Tân Thanh, TP Điện Biên Phủ. Ntơưv co chiz coaz muôx txơưx jênhv xav tênhv Lường Văn Tiến trâus tuô tuôs ciês ntơưv qơư viv muôx ntâu qơư trâus triêv no sâuv hâur siêz. Têx lênhx nênhs tuô Tiến tsênhv khiêr lơưv tsi tâu nriêr pov. Nhiv no chiz coaz qênhz yuôx tsênhv krêz đar qênhz yuôx, uô tsênhz mênhx qir tiv hâux lưv no./.

(Vũ Lợi- Txâur Vax cxeik nhênhv)