Nhiv kruôr đhâu, Công ty TNHH pax ntâuz Lan Rừng đros HTX côngv thôngx Cho tsưr tsix lớp kriê hâux lưv xơưk pax ntâuz trâu 30 lênhx pox niêv mênhx cxưx Cho nhoz xã Tả Phìn. No zos lớp kriê xơưk pax ntâuz tâu tsưr tsix jiês tiv 2 hâur shông no. zos Tsaz yênhx nhoz hâur dự án Great krêz uô ntơưv thị xã Sa Pa, chiê uô tsưr ziv đros pox niêv mênhx cxưx tsơưs nênhs Sa Pa krêz uô muôx chêx cuk hâux lưv xơưk pax ntâuz chax chês. Hâur iz hnuz, têx pox niêv tâu têx lênhx nênhs txơưx xơưk pax ntâuz kriê xơưk mênhx cxưx Cho li têx pax chax chês. Têx xiv huv uô tâu zuôr tâu muôs ntơưv Công ty TNHH pax ntâuz Lan Rừng li têx qơư muôv muôs xiv huv pax ntâuz, phưx vưv tsôngv kruô tuôx ndis shuôk uô si./.

(Báo Lào Cai-Txâur Vax cxeik nhênhv)

Lơưr ntâu lênhx tsôngv box nhoz tuêv 19, xã Thanh Hưng, huyện Điện Biên, tỉnh Điện Biên li luk heik, jiês lok nas lox tas cik hnuz xiêz 6/8 tưz uô đêx ngaz lox yênhx châuv ziv chuôz zis, hâur co muôx 48 luz tsêr trâus ruôr hiêv hnhar lok chuôz zênhx chuôz tas, kôngz lôngk. Đhâu chinhr quyênx tiv phaz li xav tênhv no zos chuôz zis zơưv Nguyễn Văn Động nhoz tuêv 18 li côngz tsinhx njưk đêx cưx đês chiv chir cxiv sâuv tul đêx Hồng Khếnh cxôngx kaz shôngk shông 2019 chiê uô cêr muk trâu thax ar nhiv kruôr zuôr tâu. Viv li Công an xã Thanh Hưng tưz uô ntâuz ntơưr xưv phuôv tiv côngz tsinhx uô zênhr shar txos tul đêx, đros muôx lênhs tov xã Thanh Hưng thiêz iz cxiê chuôz zis trâus ruôr hiêv li cxaz chuôz. Nênhs uô cxâuv zos zơưv Nguyễn Văn Động cux uô ntơưr tsuv pâux nzir têx trâus ruôr hiêv thâuv seiz car tas têx chuôz zis trâus zênhr shar li têx trâus hiêv cxôngx hnuz xiêz 7-9/8, thôngx cxix ciêr chênhr ruôr por tsês côngz tsinhx tar tul đêx Hồng Khếnh ntưs chiê tsi tror uô hiêv txos tsôngv box./.

(Vũ Lợi-Txâur Vax cxeik nhênhv)