Bôv Vênhx huôv-Thể thao thiêz Du lịch nhiv kruôr tso tơưv cuêz tênhv lok hêik pâuz nzir 11 di sản vênhx huôv phi vật thể têz qơưk. Lơưr co, tsôngv box Cho liêz, huyện Sa Pa, tỉnh Lào Cai li hâux lưv uô đruôk cux tâu tso trâu hâur be ntơưr Di sản vênhx huôv phi vật thể têz qơưk jiês no. Tsôngv box Cho liêz nhoz Sa Pa li hâux lưv uô đruôk zos iz kror vênhx huôv jông. Đruôk haur tsôngv box Cho liêz luz nênhx lok six muôx tsiv gri. Cho liêz tsênhv muôx ntơưr kriê ntâuk đruôk, muôx pax huôv hêik lok đruôk. Hâux lưv uô đruôk zos iz kror tau tuôr tsês chiê txix cxênhx nênhs no trâu cxênhx nênhs tov kaz hâur yênhx chuôz zis, chuôz xênhv nênhs Cho liêz nhoz Sa Pa./.

(Thanh Thủy-Lik Thox cxêik nhênhv)

Lơưr Tsênhv qơư seiz car moz Lào Cai li pov cov, txos nhiv no tưz pov muox 18 lênhx nênhs njuôs xav trâus moz lok cêr uô pa tiv caz moz côrôna thâuv mul đhâu trôngx đriv ntiêx têz Lào Cai. Hâur co, iz cxiê lênhx nênhs tưz muôx jiês njiz lênhx nênhs tuôx cxôngx thax tsav muôx moz huôv xênhz, pov iz chêr cuz sor viv li tsuv tâu seiz njuôs, cêv kuôk, njuôs siv. 18 lênhx nênhs no nhoz têx huyện Bắc Hà, Bảo Thắng, Bát Xát, Mường Khương, Văn Bàn thiêz niêv đrôngs Lào Cai, 1 lênhx zos nênhs nhoz Vĩnh Phúc mul uô hâux lưv saz Trung Quốc lol. Nganhx y tế tưz njuôs siv têx lênhx nênhs no li đas jos. Txos nhiv no, Lào Cai tưz muôx 10 lênhx nênhs tâu xav tênhv tsi trâus moz tiv caz moz côrôna./.

(An Kiên- Txâur Vax cxeik nhênhv)

Xav txos 10 six sơưr nzor hnuz xiêz 4/2, sâuv thax tsav tỉnh Lai Châu tưz muôx 20 lênhx nênhs tâu xav tiêk trâus cik caz moz corona, hâur co muôx 17 lênhx nênhs tsênhv tâu chơưv kho cêv kuôk, tok njuôk shuôk sêz moz li chak, 3 lênhx nênhs tâu xav tiêk tsik trâus cik caz moz corona tsênhv tâu sêiz shuôk, chơưv kho ntơưv y têr tiv phaz. Nhiv no, đrâuv qơư chơưv kho ntơưv tsêr kho moz đa khoa tỉnh, đros muôx 20 luz txax pư thiêz têx qơư chơưv kho cêv kuôk ntơưv têx huyện, Bôv chỉ huy Quân sự tỉnh Lai Châu tưz kriz uô qơư cêv kuôk ntơưv tsêr cơưv Quân sự tỉnh, nhoz phường Quyết Thắng, thành phố Lai Châu, zos 80 luz txax pư, muôx cxix cxuô qơư uô jâuz mor nox thiêz zuôr chơưv kho tâu trâu muôx 200 txos 250 lênhx nênhs./.

(Khắc Kiên-Lik Thox cxêik nhênhv

Lơưr xor mông cxôngx Phongx zaoz zux thiêz thox cxov huyện Nậm Pồ, tỉnh Điện Biên đhâu côngz xưv seiz car tưz pov tsơưs tiv zix 2 lênhx cưk kriê, 34 lênhx shux xênhz nhoz têx tsêr cơưv sâuv thax tsav trâus gru, iz chêr cuz sor. Tiv zix têx shux xênhz trâus moz no puôr lênhx muôx niêv txir mul uô hâux lưv saz Trung Quốc lol. Nhiv no 2 lênhx cưk kriê thiêz 34 lênhx shux xênhz no puôr lênhx tưz so ntơưr chiê mul qơư y tế seiz njuôs. Tas nro huyện muôx 1 cxênhz lênhx shux xênhz muôx niêv thiez txir mul uô hâux lưv saz Trung Quốc lol; hâur co muôx 133 lênhx shux xênhz muôx niêv thiêz txir tưz tror mul Trung Quốc chiê uô hâux lưv; iz cxiê lênhx tsi lol tsêr nox tsiêz. Chiê phax tar moz lok cêr uô pa tiv caz moz côrôna, nhiv no phongx tưz chox kriê têx tsêr cơưv sâuv thax tsav chuôz tsar yax mông txos cán bộ cưk kriê, txos shux xênhz li niêv txir tsuv chox đeiv bok kror ndâux trâu mê nhuôs thâuv mul cơưr ntơưr, uô vêv xênhz lênhx nênhs jông, zôngv yuôx phongx nzuôr tês, chuôz cxaz đas jos trâu mê nhuôs....Nhiv no muôx zuôr xar 100% chor shux xênhz nhoz thax tsav kis tưz tâu muôz đeiv bok kror ndâux thâuv mul cơưv ntơưr, têx tsêr cơưv tox siêz tsav 40-50%./.

(Vũ Lợi- Txâur Vax cxeik nhênhv)