Ủy ban tỉnh Lào Cai nhiv kruôr tso tơưv Quyết tinhv lok sâuv heik pâuz Trôngx đriv Mường Khương thiêz Trôngx đriv phưv Bản Vược (Bát Xát) tâu tror krêz trôngx phưx vưv sđ mul lok đhâu muôs têx hax huv uz no. Six hơưv tror krêz têx Trôngx đriv phưv, cêr mê lus muk lol đhâu cux tsuv taz por uô trơưk li cui tinhv qênhz shuôs, phax tar moz trâu lênhx nênhs thiêz têx yêz lox thâux xa têx huv mul lok đhâu trâu luôs 2 chas têz qơưk đrâuv trơưk Bộ Y tế heik kriê, cov truôx tuk trâu tsôngv px thiêz nênhs lox tôngv./.

(An Kiên-Riê Lâux cxeik, nhênhv)

Cux nhoz Lào Cai, đhâu 1 luz hlik ntâu cxôngx thâuv qir uô hâux lưv muôz nhiêx txiêx paz txưv, Lào Cai njuôs xav tưz muôz tas Chính phuv li phênhv paz tiv moz Covid-19 trâu 3 hâur 7 zav nênhs, muôx nênhs muôx côngz đros cơưx mênhv tsênhv tâu sơưv phênhv paz txưv hâur yênhx hli, nênhs tâu sơưv phênhv paz txưv xã hội hâur yênhx hli thiêz nênhs pluôs, zuôr xar pluôs. Lơưr co,tas nro zuôr xar 183 cxênhz lênhx nênhs zos 3 zav nênhs li heik sâuv tưz tâu jênhv phênhv paz txưv đros tas nro phênhv paz txưv zos zuôr xar 150 tỷ đeiv. Nhiv no tsênhv yuôr 2 cxênhz lênhx nênhs hâur paz têx lênhx nênhs no tsi tâu jênhv tâu phênhv paz txưv tiv iz cxiê muk uô hâux lưv đêz tsi nhoz ntơưv tiv phaz, iz cxiê hlôngr qơư nhoz yiêz, iz cxiê mak njiz phêv liv lok ntâuz ntơưr. Pos Đinh Thị Hưng, giám đốc Sở lox tôngv saz pênhz thiêz xã hội tỉnh Lào Cai puz pâuz:

“Đros thiêz chinhz yênhx, txơưx jênhv tsưr tsix uô jông, txos têx huyện, thành phố thôngx cxix sik côngv jông hâur hâux lưv seiz car, uô ntâuz ntơưr txos tsưr tsix muôz nhiêx txiêx cxôngx têx chiz coaz, đoàn thêv, xar njôngr hâux lưv krêz uô nhoz Lào Cai zuôr taz por trơưk tsưr ziv, zoz qơưx”./.

(An Kiên- Txâur Vax cxeik nhênhv)

Jênhv cxôngx cán bộ xã 4 tsov 500 cxênhz nhiêx txiêx paz txưv phêv liv tiv moz Covid-19 uô zênhr shar trâu 6 lênhx nênhs hâur chuôz zis, zơưv Dính Xênhv Vưx xênhz shông 1963 mênhx cxưx Hmôngz nhoz jos Huổi Só, xã Nậm Chà, huyện Nậm Nhùn tỉnh Lai Châu pheiz kênh, shông no blêx thiêz poz cưk trâus caz hmoz ruôr hiêv ntâu, buô tuôs tiv moz ơưk buô Châu Phi. Thâuv jênhv tâu phênhv paz txưv cxôngx têz qơưv zơưv chuôz zis lok six jông siêz. Huyện Nậm Nhùn muôx 10 cxênhz lênhx nênhs trâus phêv liv tiv moz Covid-19 huôv xênhz. Txos nhiv no tas nro têx xã, thị trấn nhoz huyện Nậm Nhùn tưz uô tiêr côngz xưv muôz nhiêx txiêx paz txưv trâu tsôngv box njiz phêv liv tiv moz Covid-19 huôv xênhz, tas nro nhiêx txiêx paz trâu tsôngv box hâur jiês paz no zos 8 tỷ đeiv ntâu./.

(Báo Lai Châu-Txâur Vax cxeik nhênhv)

Uô lơưr tsưr ziv muôz ntâu jok chox lol uô cê yênhx têx jok lox, txos nhiv no, tỉnh Sơn La tưz muôz 432 jok chox lok uô cê yênhx 192 luz jok, txo grêk tsơưs tâu 240 luz jok pir li thâuv ntêx. Hâux lưv txo grêk tsơưs têx jêx jok li co, tưz paz txo grêk tsơưs mê njik chor canr bôv lês uô têx hâux lưv thiêz txo grêk tsơưs têz qơưk têx nhiêx txiêx. Hâur six hơưv fuô uô, taz por tâu têx muôx liv thiêz jông trâu chor nênhs lês uô têx hâux lưv ntơưv qơư. Thiêz muôz zênhx max têx nhiêx hli, nhiêx txiêx trâu chor nênhs lês uô têx hâux lưv li heik sâuv cux tâu Sơn La moz siêz txos, uô tâu truôx jông./.

(BTS-Riê Lâux cxeik, nhênhv)