Shông cơưv 2018-2019, tỉnh Lai Châu muôx 414 tsêr cơưv, zuôr xar 6 cxênhz lớp cơưv, 140 ntâu cxênhz lênhx shux xênhz. Ngênhx zoz zux -Thox cxov ntơưv qơư li thôngz sâu heik pâuz, têx lênhx cưk kriê ntơưr nox nhiêx têz qơưk hâur thax tsav nhiv no tsơưs đuô pir li phênhv cui tinhv, lar heik zos têx cưk kriê ntơưr: Kriê luk Anh, zoz zux côx phax..... Tsênhv tsênhz, ntơưv qơư tsênhv yuôr 227 lênhx cưk kriê ntơưr cxênhx nhuôs zâu thiêx txâuk, cxênhx iz mak yuôr trâus txos 127 lênhx, cxênhx 2 mak 197 lênhx thiêz cxênhx 3 zos 26 lênhx.

Zơưv Hoàng Đức Minh, Phưv Giám đốc Sở zoz zux thiêz Thox cxov Lai Châu heik pâuz: Xuz thơưx, ngênhx tưz chox kriê têx Phongx zoz zux-thox cxov cxuô thax tsav qơư tror cir hux thôngx lox tôngv trơưk six hơưv, hnuz nhôngk đros thiêz têx cưk kriê ntơưr hâur têx cxênhx cơưv, jax cơưv muôx tsi txâuk cưk kriê chiê taz por tsaz yênhx zoz zux shông cơưv yiêz; qênhz shuôs, phênhz li chas cov huv têx lênhx cưk kriê thiêz muôx tsưr ziv chuôz tsar cưk kriê chiê txo grêk tsơưs qênhx shênhx muôx tsi txâuk cưk kriê têx jax cơưv. Lok sâuv zar tov kaz no, ngênhx nhênhz chơưv trâu Ủy ban tỉnh chiê tsưr tsix xeir zuôr cxaz nzir têx cưk kriê ntơưr tsênhv tsi tâu muôx txâuk ntơư./.

(Khắc Kiên-Riê Lâux cxeik, nhênhv)

Thâuv nganhx txơưx jênhv tỉnh Sơn La tsênhv sêiz đrơưv khưx phưx têx qơư muôx yưv ar poz sâuv chor cêr muk lok tiv ntux nas chuô hâur têx hnuz đhâu uô poz, mak thâuv 3 six ntâu zar hnuz kêix nas hmo, ntơưv cêik cêr 74+450 txox cêr 279D, thax tsav xar Tạ Bú, huyện Mường La, tỉnh Sơn La ho tror muôx ar poz phiv liv, uô trâu txox cêr muk txix thành phố Sơn La trâu Mường La ho tror muk lok tsik tâu. Six hơưv co, lok six ntâu ar poz jêz sâuv kâuv cêr tror poz lok hâur cêr uô chôngz lênhx nênhs cxơưx hlo.

Đhâu ciês muôx yưv txuz ar poz co, nganhx zoz thôngz vận tải tỉnh Sơn La, uô ciês zos Công ty cổ phần sêiz car kho đuô thiêz cxiv tsa côngz trinhx zoz thôngz I Sơn La-taz viv tâu choz taz por zoz thôngz sâuv ntu cêr tưz muôx njêx muôs qênhz yuôx qênhx shênhx. Tiv chor ar poz lok ntâu viv li tsênhv njuôk xav tsik tâu tâu thâuv tưs cêr thiêx muk lok tâu thôngz./.

(Thu Thùy-Lik Thox cxêik nhênhv)

Ntơưv tỉnh Điện biên, coz nas lox nhiv kruôr đhâu tưz uô têx ar, poz jêz, shôngz ntông ntưk thiêz vâu lor lok cxuz, tsuôv 3 tsêr cơưv cxênhx 2, cxênhx iz thiêz cxênhx nhuôs zâu xã Chà Nưa, huyện Nậm Pồ, tỉnh Điện Biên, uô 700 ntâu lênhx shux xênhz ntơưv xã no tưz tsuv so ntơưr chiê đreiv đêx nas lox. Zơưv Tao Văn Hùng-Chủ tịch Ủy ban xã Chà Nưa heik pâuz, txos iz jiês no, hâu nov ntơưv qơư tưz chox kriê têx tsêr cơưv cov thoz huk têx ar, poz jêz co thiêz nzuôr hur si tsêr cơưv. Tsêr cơưv thiêz têx cưk kriê ntơưr tưz bax tâu cxix cxuô luôs hâux lưv chiê tsưr tsix hnuz krêz shông cơưv yiêz lok tas cik xiêz 5/9./.

(VOV4-Riê Lâux cxeik, nhênhv)

Zơưv Nguyễn Đức Mầu, phưv chủ tịch UBND huyện Trấn Yên, tỉnh Yên Bái khav tênhv trâu phóng viên VOV tiêk tsik muôx kror hâux lưv công an xar paz trâu pêx xênhv sâu nhiêx chor nênhs chêix yêz mêir muk lok đhâu thax tsav qơư muôx ar poz nhoz xar Lương Thịnh. Zơưv Mầu cux puz pâuz tưz uô hâux lưv đros xar Lương Thịnh thiêz tror chox kriê uô tsênhz mênhx kror hâux lưv no, tsik chiê muôx yưv têx xor mông tsik jông.

Cik txos kror hâux lưv co, zơưv Đinh Khắc Huyên, chủ tịch UBND xar Lương Thịnh, huyện Trấn Yên puz pâuz, thâuv zar hnuz kêix 3/9, đhâu muôx yưv ar poz, xar tưz hêik trâu huyện pâuz; thâuv tsênhv tok chor taz viv sêiz car xưv lik kror qơư co, xar tưz tso nênhs muk chox kriê muk lok. Ntơưv no, chiê chor nênhs co tsik liv zôngv cêr tsik jông sâu chor nênhs muk lok đhâu nhiêx siêz, viv li tưz hêik tiêk cov tsuôk tâu sâu 10 cxênhz đêiv xưz, tsik zos paz trâu lơưr sâu sơưr đơưk nhiêx./.

(Đinh Tuấn-Lik Thox cxêik nhênhv)