Jiês thik cơưv tiêr THPT shông 2021, huyện Mường Nhé muôx tas nro 471 lênhx shux xênhz cxaz chuôz dưv thik ntơưv 1 qơư thik, đros muôx 20 qar thik. Chiê taz por hâur côngz xưv phax tar moz Covid-19, Ban chox kriê jiês thik cơưv tiêr THPT huyện tưz bax cxaz 3 qar tsês chiê tos shux xênhz thiêz 3 qar thik dưv phax. Txos nhiv no, lok cơ sở cxuô zav, chuôz zênhx phưx vưv jiês thik li: trôngx tos, qar thik, qơư y tế, cxix luôk tênhv tênhz, nzuôv, qơư nzuôr tês...tưz tâu bax uô jông thiêz cxix cxuô. Krêz uô côngz xưv bax trâu jiês thik lơưr têx cấp li chox kriê, Ban chox kriê tưz heik têx cán bộ muk uô côngz xưv seiz thik cxaz chuôz têx lớp kriê cxaz lok nghiệp vụ, quy chế thik shông 2021. Đrâuv co, cxiv tsa têx tsưr ziv taz por ntơưv têx qơư thik; tiv zix zos côngz xưv phax tar moz Covid-19 tâu uô cxix cxuô thiêz jông./.

(Pov tsir Điện Biên-Txâur Vax cxeik nhênhv)

Tỉnh Sơn La nhiv kruôr pov muôx oz lênhx nênhs zos L.V.P (nênhs moz 9297), zus shông 2001 thiêz L.V.S (nênhs moz 9011), zus shông 1983, puôr lênhx nhoz ntơưv jok Bung Én, xar Chiềng Bằng, huyện Quỳnh Nhai, tỉnh Sơn La thiêz zos công nhân ntơưv qơư công nghiệp huyện Việt Yên, tỉnh Bắc Giang trâus cik caz moz Sát-Covi-2. Tas nro oz lênhx nênhs no uô ntêx zos chor nênhs trâus moz ntơưv tỉnh Bắc Giang, tưz tâu chơưv kho hâur 20 ntâu hnuz ntơưv luz tỉnh no thiêz tâu njuôk shuôk 3 jiês tsik pov muôx caz moz Sát-Covi-2 uô ntêx thâuv zuôr tok lok Sơn La.

Txix thâuv tror lok Quỳnh Nhai, L.V.P tâu njuôk shuôk caz moz oz jiês, jiês iz tsik pov trâus moz, jiês oz hnuz 4/7 mak ho pov trâus moz; zơưv L.V.S nhiv kruôr tâu njuôk shuôk jiês 1, taz sik hnuz 4/7/2021 cux pov muôx caz moz Sát-Covi-2.

Txơưv tâu xav zos chor nênhs tror trâus muôx caz moz Sát-Covi-2 đhâu chơưv kho moz, taz sik lơưr chor nênhs nhênhz chơưv Y têr, chor nênhs tror trâus moz li zơưv L.V.P thiêz L.V.S mak zuôr tsik cik caz moz trâu chor nênhs txơưr thâuv nhoz jêz, njiz tâu. Nhiv no, oz lênhx nênhs no tsênhv muôx đas jos jông, tsik cuz, tsik hnôngk…thiêz zuôr tâu njuôk shuôk đhâu 7 hnuz tov kaz chiê nriêr pâuz nzir lok caz moz./.

(TTTB-Lik Thox cxêik nhênhv)

Ban chox kriê phax tar moz Covid-19 tỉnh Yên Bái puz pâuz: Tas nro têx lênhx nênhs tuôx lok sik tror lok tiv phaz cxôngx têx tỉnh, thành phố tsênhv muôx moz huôv xênhz hâur côngv thôngx (lơưr Sở y tế Yên Bái li xor mông lok moz hâur niêx hnuz) thâuv lok txos qơư nhoz mak tsi tâu muk njiz cxuô lênhx nênhs, tsuv ciêr chênhr tuôx ciês qơư y tế chiê heik kriê y tế, njuôs siv caz moz SARS Cov2, hâur co têx lênhx nênhs uô ntêx co njuôs siv tsi pov muôx caz moz cux tsuv uô.

Tỉnh Yên Bái cux heik tsôngv box tsi muk lok sik tror lok tỉnh đhâu têx mêr cêr sâuv niêv ciêr muk chênhr Nội Bài-Lào Cai thiêz têx thax tsav nhoz buôk Yên Bái. Thôngx cxix, uô jông têx qơư seiz car moz liên nganhx thiêz lưx lươngv muôx txơưx jênhv uô jênhv vưv phax tar moz Covid-19 li zoz qơưx. Pov trâu chiz coaz muôx txơưx lok têx lênhx nênhs tsi uô trơưk cui tênhv lok phax tar moz Covid-19.

Txos nhiv no, tỉnh Yên Bái tưz njuôs siv 1 cxênhz ntâu lênhx nênhs cxôngx têx tiv phaz muôx moz huôv xênhz lok, đrâuv têx mẫu tsênhv tos chêx cuk njuôs siv mak têx mẫu txơưr puôr lênhx tsi pov muôx caz moz SARS Cov2./.

(VOVTB-Txâur Vax cxeik nhênhv)

Xor mông txix Ban Bảo trì, Sở Zoz thôngz-Vận tải tỉnh Lai Châu puz pâuz, ntux nas lox txix nas hmo txos nhiv no tưz uô đêx ngaz cuôr ntơưv ntâu ntu cêr sâuv thax tsav. Tsênhv tsênhz, ntơưv cêik cêr 377+500 txox cêr 32, thax tsav jok Phiêng Phát, xar Trung Đồng, huyện Tân Uyên ntux nas tưz uô đêx ngaz muôx nhos 300 thiêr cêr, uô cêr muk lok tsik tâu. Ntơưv cêik cêr 13+180 txox cêr 136, thax tsav jok Thẳm, xar Bản Hon, huyện Tam Đường, tỉnh Lai Châu đêx cux piz pur siêz fưx đhâu tuk qox, uô cêr muk lok tsik tâu.

Nhiv no, sâuv thax tsav tỉnh Lai Châu cux tsênhv muôx ntux nas ntâu, zôngx ziv muôx yưv ar poz, đêx ngaz cuôr nhoz ntâu qơư, tiv zix zos huyện Mường Tè, Phong Thổ, Tân Uyên, Tam Đường thiêz Sìn Hồ. chiê phax tar cov ngaz tuk trâu lênhx nênhs thiêz cxuô zav, Ban sêiz car phax, tar ntux têz ruôr hiêv thiêz zok nriêr chơưv paz tỉnh Lai Châu tưz hêik cxuô thax tsav qơư bax lênhx nênhs chuôz zênhx cxuô zav qênhz yuôx, sêiz shuôk têx qơư phiv liv chiê muôx tsưr ziv phax, tar. Thôngx cxix, chox kriê cxuô lưx lươngv sir jos yax kriê trâu pêx xênhv tsik nhoz pư ntơưv têx tsêr têz, muk đhâu cêx đêx, cưx ha, ntâuk cxov njêl, muôz tơưl sâuv têx đêx cov taz por ngaz tuk./.

(Khắc Kiên-Lik Thox cxêik nhênhv)