Shông cơưv 2018-2019, tỉnh ntus đriv Lai Châu muôx 148 cxênhz ntâu lênhx shux xênhz, xar muôx 5.900 lớp cơưv, 414 tsêr cơưv, txo grêk tsơưs 10 luz tsêr cơưv pir li shông cơưv uô ntêx viv muôz têx tsêr cơưv nhoz jê lok uô cê yênhx iz luz thiêz tsar ndê 6 cxênhz ntâu lênhx shux xênhz. Chiê bax trâu shông cơưv yiêz, ngênhx Zoz zux-Thox cxov ntơưv qơư tưz qir qênhz shuôs zoz qơưx têx qơư nhoz cơưv, chuôz zênhx phưx vưv kriê thiêz cơưv ntơưr thiêz tsês 30 ntâu tỷ đeiv chiê zuôr cxaz nzir têx ntơưr cơưv, ntơưr sâu thiêz têx chuôz zênhx phưx vưv shux xênhz nox nhoz hâur tsêr cơưv cơưv ntơưr.

Đros thiêz têx tsêr cơưv trâus uô ruôr hiêv hâur jiês đêx nas lox nhiv kruôr đhâu, tỉnh Lai Châu cux tsês 20 tỷ đeiv chiê cxiv kho têx qơư nhoz, cơưv ntơưr. Cxuô thax tsav qơư tưz huiz tôngv lưv lươngv ntơưv qơư paz têx tsêr cơưv cxiv kho, uô đuô têx qơư nhoz, lớp cơưv, tuôx đros tok shux xênhz tuôx tsêr cơưv cơưv ntơưr trơưk li tsưr ziv. Txos iz jiês no, phênhv ntâu ntơưv qơư tưz taz por muôx qơư nhoz, qơư cơưv khor truôx trâu shux xênhz thax tsav tox siêz đêz đrôngs, ntus đriv tuôx nhoz, cơưv đros thiêz huiz tôngv tâu têx shux xênhz tuôx tsêr cơưv tâu 98%./.

(Khắc Kiên-Riê Lâux cxeik, nhênhv)

Đhâu nênhs sâu xor xưv li xor mông, tas cik hnuz xiêz 5/9 lok hâux lưv : Điện Biên tsênhv muôx qênhx shênhx mê nhuôs shux xênhz gras hâur hnaz tax chiê hla đhâu đêx mul cơưv ntơưr, ntâu lênhx nênhs mnôngs Đeix, nênhs nhênhv ntơưr hâur tas nro têz qơưk tưz xar tâu pheiz kênh, gôngr đas jos cxiv tsa iz tul qox taz por trâu tsôngv box shux xênhz nhoz no mul lol taz por đuô. Têx xor xưv tâu heik tơưv heik txos shux xênhz pluôs nhoz jos Huổi Hạ, xã Na Sang, huyện Mường Chà, tỉnh Điện Biên. Đhâu nênhs sâu xor xưv li thôngz xor mông, muôx lok six ntâu lênhx nênhs hâur tas nro têz qơưk tưz heik trâu Đeix nta suôz Việt Nam xar njôngr tâu pheiz kênh, gôngr đas jos cxiv tsa iz tul qox trâu tsôngv box thiêz shux xênhz nhoz no./.

(Vũ Lợi- Txâur Vax cxeik nhênhv)

Thâuv 2 six 40 phênhz zar hnuz kêix xiêz 5/9, ntơưv cêik cêr 136+105 sâuv txox cêr muk chênhr Nội bài-Lào Cai nhoz thax tsav huyện Văn Yên, tỉnh Yên Bái, iz luz yêz thâux trox tsi tâu pâuz tsênhz biểm sôr tưz đrâu trâu iz luz yêz lox mê, uô yêz pôngz qox. Đhâu hlo thâuv co, têx trox hâur yêz tưz txeik chis hloz cuz hur si luz yêz, hmôngr jông lênhx nênhs tsar yêz khiêr điv tâu tơưv thiêz trâus moz mê njik xưz.

Txeik tâu mông lưv lươngv cảnh sát phax cuz tuô cuz thiêz chơưv paz lênhx nênhs Công an tỉnh Yên Bái tưz zênhx max đros ban seiz car txox cêr muk chênhr Nội Bài-Lào Cai muk shuôs thiêz chơưv paz lênhx nênhs, đros tuô hluôr tơưk. Qir tiv txuz nuv heik co nhiv no tsênhv tâu lưv lươngv muôx vax huôv qênhz yuôx, uô tsênhz mênhx./.

(Đinh Tuấn-Riê Lâux cxeik, nhênhv)