Tỉnh lai Châu nhiv kruôr kriz cơưv chiv nhênhv 110 shông cxiv tsa tâu tỉnh lai Châu, 28/6/1909-28/6/2019 thiêz 70 shông cxiv tsa tâu Đảng Bộ tỉnh xiêz 10/10/1949-10/10/2019.

Lai Châu zos thax tsav qơư muôx 20 hêir nênhs siz chos huôv tsar cêr uô nênhx nhoz thiêz zos thax tsav qơư quân sự-quốc phôngx zov chênhr hâur cxiv tsa luôs hauax lưv tsưx phưv têz qơưs. Txix iz chi bộ đảng, muôx 20 lênhx đảng viên thiêz txos nhiv no, đhâu 70 shông cxiv tsa thiêz huôv tsar Đảng Bộ tỉnh tưz muôx 28 cxênhz lênhx đảng viên; 100% luz jêx jos puôr lênhx muôx đảng viên thiêz chi bộ Đảng. Hnuz xiêz 1/1/2004, tỉnh lai Châu tưz tâu phêiz uô oz tỉnh Lai Châu thiêz Điện Biên. Hâur 15 shông cxiv tsa thiêz huôv tsar, hâur thax tsav tưz huôv tsar truôx kinh tế tsar ndê 12% thiêz sâu tâu tsar ndê 12 jiês pir li shông 2004. Ndax trâu jiês cơưv no, chủ tịch têz qơưs tưz muôz côngz kruôk hov iz trâu Đảng Bộ, hâu nov thiêz px tỉnh Lai Châu, viv uô tâu tiêr cxuô luôs hâux lưv zok muôz hâur ntu đhâu./.

                  (Tsu vưx cxêik nhênh-Khắc Kiên)

Đros têx xiv huv txir na tưz muôx, nôngx mênhx huyện Mai Sơn, tỉnh Sơn La tror chox lol chos iz zav nôngz txir na yiêz zos na Thái Lan. Zav txir no huôv tsar jông, tir tar tâu caz hmoz, tir tâu đêx ngaz, ntux kruôr gis, huv đros ntâu zav ar thiêz qiv hơưv, txi ntâu txir, muôx tsơưs nôngz, tiv zix grê muôs siêz đuô 3 jiês pir đros thiêz txir na fênhx yax. Iz luz hnhar muôx nhos 6 las txos 1 cir. Nôngz txir na no tsuôk đhâu 3 shông chos txơưv txi txir thiêz sâu đê tâu, iz tsoz sâu tâu muôx nhos 30 txos 60 cir txir. Chiv shông no, nôngx mênhx Mai Sơn chor txir na cungz trâu niêv ciêz ntâu, grê muôs cxôngx 90-120 cxênhz iz cir. Nhiv no nhoz Mai Sơn muôx nhos 40 hecta txir na tâu chos lơưr ploz tsênhr VietGap, hâur co muôx 10 hecta tưz sâu tâu txir, sâu tâu zuôr xar 35 tênhr txir iz chiv. Zơưv Bùi Văn Lộc, nhoz xã Cò Nòi, shông no sâu tâu zuôr xar 2 tỷ đeiv cxôngx muôs txir na puz pâuz:

“Cur chuôz zis shông no muôx 4 hecta txir na Thái zuôr xar 4 shông, sâu tâu muôx nhos 30 tênhr. Shông no chiv hơưv tsi jông, sâu tsi tâu ntâu taz sik grê muôs mak ho siêz viv li pox nhuôs lok six jông siêz”./.

(Trấn Long- Txâur Vax cxeik nhênhv)

Xav tas hli 9/2019, hur si tỉnh Laox Cai tưz muôx 48/143 xã uô tâu tiêr luôs hâux lưv cxiv tsa jêx jos yiêz, thiêz trơưk li njuôk xav tas shông 2019 no, zuôr muôx 51 xã uô tâu tiêr luôs hâux lưv cxiv tsa jêx jos yiêz, xav mak uô tiêr luôs hâux lưv cxiv tsa jêx jos yiêz uô ntêx iz shông trơưk li  đại hội Đảng luôs hâux lưv tso tơưv.

Xav txos trâu nhiv no 100% luz xã hâur thax tsav tỉnh Lai Châu tưz muôx cêr yêz ô tô muk txos tsênhv qơư xã, muôx tênhv tênhz têz qơưs tơưk sir zôngv; muôx 90% lênhx px tâu sir zôngv đêx hur thiêz muôx 1 vạn lênhx tuz nxêik hluôk tâu cơưv kriê uô hâux lưv; txix ntơư tưz txo grêk tsơưs jux juk chor chuôz zis pluôs, muôx luz nênhx tsâu sor./.

                  (Tsu vưx cxêik nhênh-Khắc Kiên)

Thâuv 11 six 30 phênhz tar su hnuz xiêz 6/10 ntơưv tỉnh Điện Biên muôx iz jiês ntux kênhs 3,3 tưv richte. No zos jiês ntux kênhs tiv 10 tâu sâu jênhv cxôngx hâur shôngk shông txos nhiv no. Qơư muôx ntux kênhs zos ntơưv xã Chà Tở, huyện Nậm Pồ kuôk tsênhv qơư đrôngs Điện Biên Phủ muôx nhos 60 cei cêr. Zơưv Nguyễn Thái Sơn, tsạm tsar trạm seiz njuôs ntux kênhs đrôngs Điện Biên Phủ puz pâuz, txơưv ntux kênhs muôx 3,3 tưv richte taz sik ntơưv tsênhv qơư huyện Nậm Pồ thiêz têx thax tsav buôk co cux pov ar kênhs jok. Tsi muôx têx ruôr hiêv txos côngz tsinhx cxiv tsa. Đros thiêz têx jiês ntux kênhs no tsôngv box cux tsi cxoz cxơưx. Jê tiv zix no, nhoz Điện Biên cux muôx jiês ntux kênhs 2,7 tưv richte ntơưv thax tsav huyện Mường Nhé./.

(Vũ Lợi-Txâur Vax cxeik nhênhv)