Tỉnh Yên Bái tưz bax tâu cxix cxuô têx zuôr trâul txos trâu tsưr ziv tso chor nênhs muk txix thax tsav muôx moz cêr uô pa tiv zav caz moz corona uô moz lok Yên Bái tso nưk nhoz nưk iz kro. Nhiv no, tỉnh Yên Bái tưz bax tâu 33 qar qơư ntov jông thiêz muôx cxix cxuô txax pư, tuv, ti vi thiêz 9 qar lox đar txâuk trâu 150 lênhx nênhs moz nhoz uô cê. Xav tinhv iz cxiê qơư chiê  bax uô qơư kuôk cêv chor nênhs trâul moz tưz tâu bax muôx cxix têx chuôz zênhx zuôr trâul txos...chiê lênhl tok thiêz tso chor nênhs moz nưk nhoz nưk iz kro zos thâuv tưs zuôr trâul txos Tỉnh Yên Bái cux choz trâu Công an tỉnh hux jos đros Sở Y tế, Sở Lox tôngv-xaz pênhz thiêz XH, têx sở, ngênhx, cơ quan, thax tsav qơư cik txos qênhz shuôs, sâu bê hur tiz si chor nênhs muk saz đrâuv lok hâur thax tsav tỉnh chiê sox seiz, qênhz shuôs njôngr thiêz tso nưk nhoz nưk iz kro têx lênhx nênhs tuôx nhoz, so hâur thax tsav./.

                                   (Thừa Xuân-Riê Lâux cxeik, nhênhv)

Xav txos six hơưv no tưz muôx zuôr xar 100 lênhx tsôngv box Việt Nam cơưr ntơưr, uô hâux lưv ntơưv Trung Quốc tror lol têz qơưk đhâu trôngx đriv ntiêx têz Lào Cai. Hâur têx lênhx nênhs no muôx 57 lênhx zos nênhs Lào Cai, chor tsênhv yuôr zos tuôx cxôngx têx tỉnh txơưr. Têx lênhx tsôngv box thâuv mul đhâu trôngx đriv tưz tâu seiz njuôs đas jos ntơưv tsêr kho moz đa khoa Lào Cai, đhâu co cêv kuôk, seiz njuôs ntơưv tsêr quân sự tỉnh Lào Cai hâur 14 hnuz. Đhâu seiz shuôk, muôx 10 lênhx iz chêr cuz sor tưz tâu qênhz pov nzor; thôngx cxix tâu cêv kuôk chiê tror kho moz./.

(An Kiên- Txâur Vax cxeik nhênhv)

Jok Lao Chải 2, xã Hun há, huyện Tam Đường, tỉnh Lai Châu muôx 62 chuôz zis, 374 lênhx nênhs, 100% zos tsôngv box Hmôngz. Ntâu shông đhâu, jok Lao Chải 2 tưz yênhx luz jok tsi hâuk chơưr. Txơưv hâur têx hnuz tsiêz, hnuz ntênhs, thâuv chuôz zis nox yôngz cok, muôx ntênhs txiêk...., kênh thâuv chuôz zis muôx hâux lưv đaz tsi thor txos têx cưr tix nênhx tsa, fôngx zưs tuôx paz lês uô hâux lưv lok cux tsi hâuk chơưr. Khov tsi hâuk chơưr, bia li ntơư, mak tsôngv box Hmôngz nhoz jok Lao Chải 2 muôx six hơưv, hnuz nhôngs muk khưr uô liêx têz, tu zus tsiêx cxu, huôv tsar kinh tế đuô. Đhâu ntơư, ntâu chuôz zis tsôngv px hâur jok luz nênhx nox nhoz ziv hnuz ziv huôv tsar, ntâu chuôz zis tsi tiêk cxiv uô tâu vax tsêr jông lok nhoz, zuôr tâu yêz meir, ti vi, tuv txiêk..., mak tsênhv muôx nhiêx tsês trâu hâur têx tsêr nhiêx, trâu mê tuz mê nhuôv muk cơưv ntơưr.... Hâur 3 shông tror lok no, jok Lao Chải 2 muôx 20 ntâu chuôz zis hla đhâu chuôz zis pluôs./.

(DTPT-Riê Lâux cxeik, nhênhv)

Hâux lưv qênhz yuôx, yưr lir uô cxâuv lok hâuk chơưr bia cxaz chuôz zaoz thôngz tror tâu công an tỉnh Sơn La krêz uô, taz sik hâux lưv qênhz yuôx tâu Ban giám đốc Công an tỉnh Sơn La chox kriê tsênhv tsênhz, jav qênhx shênhx cik caz moz côrôna. Lơưr co, chiê taz por trâu tsôngv box cxaz chuôz zaoz thôngz thiêz cán bộ uô hâux lưv mak hâux lưv qênhz yuôx, yưr lir uô cxâuv tsuv uô lơưr Bộ y tế li heik kriê. Hâux lưv qênhz yuôx, yưr lir nênhs tsar yêz cxaz chuôz zaoz thôngz hâuk chơưr bia zuôr nhiês muôx nhiês tul qênhz yuôx chiê taz por vêv xênhz. Đhâu qênhz yuôx, seiz car cxôngx hnuz xiêz 1/1 txos hnuz xiêz 5/2 tas nro tỉnh pov muôx 133 lênhx nênhs uô cxâuv, phuôv nhiêx txiêx zos 520 tsov đeiv./.

(Tuyết Lan- Txâur Vax cxeik nhênhv)