Jiês thik tưr cơưv tiêr ntơưr cxênhx pêz  shông no tỉnh Yên Bái muôx 8.100 ntâu lênhx shux xênhz dưv thik (hâur co muôx 357 lênhx shux xênhz tự do), ntơưv 26 qơư thik thiêz 361 qar thik. Tỉnh Yên Bái tưz tso muôx 2.000 ntâu lênhx cán bộ, cưk kriê ntơưr, nhân viên uô hâux lưv thik tưr, hâur co muôx 1.000 ntâu lênhx cán bộ sêiz xar thik. Tas nro chor qơư thik, qar thik tưz tâu tsuôs yuôx chiê tuô lov caz moz thiêz hâux lưv no cux tâu uô đhâu iz jax thik. Zơưv Đào Anh Tuấn, Phưv Giám đốc Sở Zoz zux tỉnh Yên Bái puz pâuz:

“Tas nro chor lưx lươngv cxaz chuôz trâu cxuô kror hâux lưv mak puôr lênhx tâu cxax yuôx vắc xin phax moz Covid-19. Đros chor shux xênhz mak tỉnh tưz hêik nganhx Y têr sik côngv đros cxuô thax tsav qơư, tsêr cơưv ntơưr nriêr pâuz tsênhz lok đas jos trâu yênhx lênhx shux xênhz”./.

(TTTB-Lik Thox cxêik nhênhv)

Zơưv Nguyễn Văn Chính, Phưv giám đốc Sở zaoz thôngz vênhv teiv tỉnh Sơn La puz pâuz: Uô ntêx hnuz thik cơưv tiêr cxênhx 3, têx taz viv tưz chuôz tsar muk qênhz yuôx têx qơư riêz nênhs, njuôs xav tsi taz por zaoz thôngz sâuv cêr muk lok. Ban coar lik kho đuô cêr ar, tsưr thâux coar lik kho đuô cêr ar tsưr tsix jor cxôngx hnuz xiêz 6/7 txos tas hnuz xiêz 9/7; bax cxuô zav meir, chuôz zênhx ntơưv têx qơư njuôs xav muôx tox poz thiêz pheiz côngz lưx lươngv jor, qênhz yuôx chiê taz por zaoz thôngz muk lok tâu:

“Nganhx cux tưz heik têx taz viv bax meir jor sâuv cêr. Chungz fênhx iz txox cêr têx taz viv bax muôx nhos 2 meir zơưv, meir thoz huk ar thiêz 3 luz yêz ô tô đros lưx lươngv công nhân muk cêr car chiê phax tar têx hâux lưv tsi jông muôx yưv. Đrâuv jor tsi so, 6 six tas cik thiêz 5 six zar hnuz keix tưs, têx taz viv coar lik cêr cux tsuv pov cov lok qênhx shênhx sâuv cêr xa lok Sở li chiz coaz seiz jor”./.

(VOVTB-Txâur Vax cxeik nhênhv)

Cux ntơưv tỉnh Sơn La “Tso chêi tror tsưr tsix nox yôngz cok li kuz taz sik tsuv đăngk cir chor nênhs njuôk xav zuôr tâu hu tuôx nox hâuk, tsưr ziv, six hơưv muk lok uô yôngz cok trâu Ban chox kriê phax tar moz Covid-19 têx xar, phường, thị trấn” pâuz zos pos Tráng Thị Xuân, Phưv chủ tịch Thường trực UBND tỉnh Sơn La li hêik pâuz ntơưv jiês cơưv Thường trực Ban chox kriê phax, tar moz Covid-19 tỉnh tsưr tsix têis cik 6/7.

Jiês cơưv sêiz lax txos iz cxiê tsênhv njiêz: tso chêi trâu iz cxiê tsêr cơưv ntơưr, chor nhuôs zâu tư thục tror tâu uô hâux lưv thiêz cơưv ntơưr; sêiz shuôk tror chiê yêz thâux xa kruô tâu thâux xa kruô muk lok trâu iz cxiê tỉnh tưz đhâu 28 hnuz tsik pov muôx nênhs trâus moz yiêz; tror cxaz nzir nhiêx txiêx zuôr têx yuôx, hóa chất…chiê paz trâu côngz xưv njuôk shuôk moz Covid-19…/.

(TTTB-Lik Thox cxêik nhênhv)

Ntux lok nas lox uô tox poz ntâu sâuv cêr zaoz thôngz nhoz Lai Châu, uô zaoz thôngz muk lok tsi tâu nhoz ntâu tiv phaz.

Chiê taz por zaoz thôngz, Sở zaoz thôngz vênhv teiv tỉnh Lai Châu tưz chox kriê têx taz viv coar lik cêr ar, côngv đros chính quyênx têx tiv phaz chuv tôngv tsưr ziv, cxuô zav meir chêx chôngk khưx phưx chiê taz por cêr muk lok tâu hâur six hơưv nzor tiv zix.

Cxôngx qênhx shênhx qiv hơưv muôx ntâu txơưr txar, thâuv thax tsav tror muôx ntux nas, njuôs xav muôx đêx cuôr yôngz, tox poz nhoz ntâu qơư, Ban chỉ huiz phax tar ntux nas thiêz nriêr chơưv nanv tỉnh Lai Châu cux tưz muôx ntâuz ntơưr heik têx tiv phaz chuv tôngv têx tsưr ziv taz por zaoz thôngz thâuv muôx tox poz; txar tsôngv box nhoz qơư riêz nênhs muk qơư taz por đuô. Thôngx cxix, chính quyênx tiv phaz tsênhv chuôz tsar qênhz yuôx têx qơư njuôs xav muôx tox poz, vênhv tôngv tsôngv box tsi pư pêv tsêr têz, muk đhâu đêx lok sik muk ntês shuôz njuôs, bo tơưk sâuv têx đêx thâuv muôx ntux nas./.

(Đinh Tuấn-Txâur Vax cxeik nhênhv)