Xav txos trâu nhiv no, ntơưv bang Út ta para đét, faz Bắc Ấn Độ, tsơưs tiv iz muôx 9 lênhx nênhs trâus tuôs hâur jiês ntux lok nas đêx  ngaz cuôr yôngz thiêz xav txix hnuz xiêz 1/9 txos trâu nhiv no, cxuô coz nas lok lox tưz uô chor nênhs traus tuôs tsar ndê txos 50 ntâu lênhx.  Trơưk li cơ quan njuôk ntux yar ntux nas têz qơưs ntơư hêik pâuz, , ntơưv iz cxiê thax tsav têz qơưs Ấn Độ tsênhv zuôr muôx ntux lok nas lox, đêx nas zuôr ngaz iz cxiê thax tsav qơư, tsôngv px sđ tsuv chênhr phax tir thêir nas chuô tsik chiê uô ruôr hiêv txos sđ luz nênhx nox nhoz muk lok hâur niêx hnuz./.

                                                  (Tsu cxêik nhênhv-BTS)

Hnuz đhâu, ntơưv xã Nậm Chà, huyện Nậm Nhùn, tỉnh Lai Châu, UB tỉnh Lai Châu đros Zênhx hangx bưu điện Liên Việt tsưr tsix choz côngz tsinhx tsêr cơưv phổ thôngz mênhx cxưx bán trú Nậm Chà. No cux zos luz tsêr cơưv nhoz Lai Châu tsưr tsix krêz shông cơưv yiêz kênhz hâur hnuz đhâu. Côngz tsinhx tsêr cơưv PT mênhx cxưx bán trú THCS Nậm Chà muôx pênhr yưv uô zos 58,5 tỷ đeiv, muôx 17 qar cơưv; 14 qar tsêr so trâu shux xênhz; 19 qar tsês trâu cưk kriê, tsêr uô mor, tsêr nox hâuk thiêz cxix luôk chuôz zênhx thiêz têx côngz tsinhx txơưr. No zos côngz tsinhx Zênhx hangx bưu điện Liên Việt paz txưv, tâu krêz côngz uô kuôk nor 6 luz hlik thiêz zos luz tsêr cơưv jông tiv zix hâur tas nro têx tsêr cơưv cấp cơ sở nhoz tỉnh Lai Châu nhiv no./.

(K.Kiên- Txâur Vax cxeik nhênhv)

Viv tus đêx Nậm Chim tsênhv huôv pur siêz, chênhr viv li, xav txos hnuz xiêz 6/9, iz cxiê shuv xênhz nhoz jos Huổi Hạ, xã Na Sang, huyện Mường Chà, tỉnh Điện Biên cux tuôx tsik tâu trâu tsêr cơưv ntơưr.

Đros chor sâu xor xưv nhoz Đêix nta suôz VN thav, cưk kriê Nguyễn Thị Thuý, thơưx sêiz car tsêr cơưv cxênhx 2 Na Sang, xã Na Sang hêik pâuz: Chor tuz nxêik shuv xênhz nhoz jos  Huổi Hạ muôx 54 lênhx; Hâur ntơư muôx 51 iz lênhx tưz tuôx trâu tsêr cơưv; nhiv no tsênhv yuôr 3 lênhx tsênhv tuôx tsik tâu trâu tsêr cơưv, viv tus đêx hêik sâu huôv lox tuôx muk lok tsik tâu đhâu./.

                                        (Tsu cxêik nhênhv-V.Lợi)

Zênhx pênhz phax Bản Lầu, huyện Mường Khương, tỉnh Lào Cai nhiv kruôr cuiz tênhv krêz tik cêr cxâuv hình sự lênhx coaz txos hâux lưv muôv muôs lênhx nênhs đhâu ntus đriv. Uô ntêx co, hnuz xiêz 2/9/2018, hâur six hơưv mul qênhz yuôx thax tsav ntus đriv, ntơưv thax tsav ndêx đriv têz 107 (2) nhoz jos Pạc Bo, xã Bản Lầu, huyện Mường Khương, lưx lươngv pênhz phax tưz pov 4 lênhx nênhs tsênhv nhiês mul đhâu ntus đriv mul Trung Quốc txơưv trâus ntês cxov.

Đhâu qênhz yuôx xav tênhv, hâur 4 lênhx nênhs no muôx Tráng Seo Chu zos lênhx nênhs uô thơưx hâuz nziês đas iz cxiê lênhx nênhs đros nưs nziês đas lênhx nênhs chox mul muôs. Chu xênhz shông 1999, nhoz xã Cốc Ly, huyện Bắc Hà, tỉnh Lào Cai. Chu thôngz đhâu mạng Facbook sưv iz nxeik Hmôngz nhoz Sơn La bê hu G Xênhv Vax xênhz shông 2000. Chu zâuv G tuôx zuk tsêr uô si. Uô ntêx thâuv mul Lào cai, G tsênhv zâuv cxaz iz lênhx fôngx zưs nhoz hâur iz jos zos N Xênhv Vax xênhz shông 1999 đros mul. Thâuv 2 lênhx ntês yêz tuôx txos Lào cai, Chu tưz zâuv cxaz 1 lênhx fôngx zưs tuôx tos. Taz sik têx hâux lưv co tsi tâu uô tâu txơưv trâus lưx lươngv qênhz yuôx ntus đriv pov tâu thiêz ciêr chênhr tir tar./.

(An Kiên- Txâur Vax cxeik nhênhv)