Đhâu 75 shông huôv tsar, Đaix TNVN tsik so đros đrêiv thiêz zos lênhx fôngx zưs sưv đros trâu pox nhuôs nhoz tox siêz Sơn La. Têx xor mông mak Đaix TNVN xa tưz txos trâu chor jêx jok nhoz tox siêz, paz trâu pox nhuôs pâuz tâu têx xor mông hâur têz qơưk thiêz sâuv ntiêx têz, tsưr ziv uô nox, huôv tsar kinh têr…Muôx 85 shông, zơưv Lò Văn Mộc nhoz jok Đen, xar Mường Chanh, huyện Mai Sơn, tỉnh Sơn La tưz tsik ndo tiêk zuk mnôngs Đaix txix thâuv tưs lok. Txơưv tiêk muk uô liêx têz, lok zơưv cux xar cov tâu mnôngs Đaix chor tsaz yênhx:

“Cur mak cur xar mnôngs têx xor xưv, hêik lok têx kror muôx yưv hâur têz qơưk; tiv zix zos têx hnuz tsiêz, têx hnuz ntênhk mak pêz tror mnôngs thav txos têx lịch sử thiêz luz nênhx ntu uô ntêx mak nhiêv đuô hur si”./.

(Trấn Long-Lik Thox cxêik nhênhv)

Zar hnuz kêix xiêz 06/9, Hội Liên hiệp pox niêv phường Quyết Tiến (TP Lai Châu, tỉnh Lai Châu) cơưv lok sâuv “truôx tuk trâu têx lênhx pox niêv thiêz nhuôs zâu”. 125 lênhx hội viên, pox niêv hlôngr njêx muôs trâu 8 chi hội pox niêv vir ndâuk hâur thax tsav phường tuôx đros cơưv. Ntơưv jiês cơưv no, chor pox niêv vir ndâuk tâu heik pâuz lol têx txux chi, tsưr ziv, gra siêz jênhv pâuz trâu pox niêv thiêz nhuôs zâu. Sik thav lol sâuv phax tar ntâuk tsiv chuôz zis, thiêz tsưr ziv phax txar jav….. Niêv lâuk Nguyễn Hương Nhài-Chủ tịch Hội Liên hiệp pox niêv phường Quyết Tiến heik pâuz: “Đros thiêz têx tsưr ziv sik thav, siz heik kriê li heik sâuv trâu têx lênhx pox niêv vir ndâuk thiêz nhuôs zâu” tưz paz chor pox niêv vir ndâuk sđ sik pheiz kênh, siz kriê ntâu tsưr ziv phax tar thiêz txar jav têx tsi jông muôx yưv hâur luz nênhx niêx hnuz, choz kriê chor nhuôs cêr uô nênhx jông, tsiv txiêx chiê sik đros seiz lax, zok nriêr tsưr ziv đơưk tu têx tsi jông ntơư./.

 (KT Báo Lai Châu-Riê Lâux cxeik, nhênhv)

Nhiv kruôr đhâu, xar muôx 217.000 lênhx shux xênhz tox siêz Yên Bái piz hla trâu shông cơưv yiêz. Shir phaz đuô hur si zos chor shux xênhz Phôv thôngz mênhx cxưx nội trú tsêr cơưv Cxênhx pêz tỉnh Yên Bái thâuv tâu txar lok cơưv ntơưr ntơưv luz tsêr yiêz tsiv gri 75 tiv đêiv nhiv kruôr uô tâu tiêr trâu têis cik 5/9. Luz tsêr cơưv yiêz nhoz đêz tsênhv qơư TP Yên Bái đuô luz tsêr kuz taz sik muôx cxix cxuô cxuô zav txâuv trâu hâux lưv kriê thiêz cơưv ntơưr đuô. Đrâuv luz tsêr cơưv siêz muôx 4 yôngx đros 12 qar cơưv lox đar, jông đuô, hâur thax tsav tsêr cơưv tsênhv muôx chor tsêr li thư viện, tsêr cxôngx nzor, y têr tsêr cơưv, oz luz tsêr nhoz trâu shux xênhz, tsêr uô jâuz mor nox…La Thị Thanh Hoài, shux xênhz lớp 12A, mênhx cxưx Cao Lan shir phaz puz pâuz:

“Cur zos shux xênhz cơưv shông uô kaz ciês hâur tsêr cơưv. Jiês kriz cơưv shông no lok six txơưr đros thiêz pêz, pêz tâu txar lok ntơưv luz tsêr cơưv yiêz, shir phaz hênhr thiêz nhiêv thâuv zuk tâu zos lênhx shux xênhz hâur luz tsêr cơưv no. Cur zuôr sir jos cơưv ntơưr cov txơưx đuô thiêz”./.

(Thừa Xuân-Lik Thox cxêik nhênhv)

Sở Zoz zux tỉnh lào Cai heik pâuz, txos iz jiês no, phênhv ntâu têx shux xênhz hâur thax tsav tỉnh Lào Cai tưz muôx txâuk ntơưr cơưv, chuôz zênhx phưx vưv cơưv ntơưr, bax trâu shông cơưv yiêz. Tsuôk yuôr tsơưs têx tsêr cơưv thax tsav tox siêz, chor công ty tsiv uô thiêz muôs têx ntơưr cơưv tưz fax thâux muk txos trâu ntơưv qơư, tsênhv zênhx max uô cov tiêr luôs hâux lưv choz zok têx ntơưr, sir jos 100% cov muôx ntơưr cơưv ciês thâuv hâur shôngk shông cơưv. Shông cơưv 2020-2021, ntơưv Lào Cai muôx 600 ntâu luz tsêr cơưv, 220 cxênhz ntâu lênhx shux xênhz, pheiz uô 2 paz: Co zos shux xênhz thax tsav tox siêz, chuôz zis tưz bax tâu cxix cxuô têx ntơưr cơưv, ntơưr sâu….trâu têx nhuôs txix thâuv nzor; Thiêz chor shux xênhz zos chuôz zis pluôs, trâul uô njuôs niêv uô njuôs txir, shux xênhz muôx niêv txir khâus sêv khiz luz chêr muôx luz nênhx txov nhêv; shux xênhz nhoz têx thax tsav txov nhêv tâu paz max têx ntơưr cơưv, ntơưr sâu, chuôz zênhx phưx vưv cơưv ntơưr trơưk li Chính phủ thiêz tỉnh…..li tsênhv chei./.

(An Kiên-Riê Lâux cxeik, nhênhv)