Zar hnuz keix hnuz xiêz 7/12 jiês khiêz phêv tiv 16, Hội đồng tỉnh Điện Biên khóa 14, six cxiv 2016-2021. Ntơưv jiês khiêz phêv têx teiv plor tưz tsưr tsix bo xeir cxaz 2 Phưv chủ tịch UB zos zơưv Vừ A Bằng thiêz Phạm Đức Toàn; bo cxaz zơưv Lò Văn Phương uô Phưv Chủ tịch Hội đồng tỉnh. Chêx cuk zơưv Lò Văn Phương tax tâu chor ntơưr bo xeir zos 42/42 teiv plor muôx njêx muôs ntơưv jiês khiêz phêv, uô Phưv chủ tịch Hội đồng tỉnh Điện Biên six cxiv 2016-2021. Zơưv Vừ A Bằng tax 40/42 chor ntơưr bo xeir; zơưv Phạm Đức Toàn tax 37/42 uô Phưv Chủ tịch UB tỉnh Điện Biên six cxiv 2016-2021./.

(Vũ Lợi-Txâur Vax cxeik nhênhv)

Cơưv tiêr Đại học sư phạm shông 1996, lok kriê ntơưr ntơưv Tsêr cơưv cxênhx pêz Cam Đường (Lào Cai). Txos shông 2003, thâuv Tsêr cơưv cxênhx pêz Chuyên tâu yênhx lix mak cưk kriê Nguyễn Thị Hạnh-kriê môn Ngữ văn lok uô hâux lưv txos nhiv no. Ntơưv tsêr cơưv cxênhx pêz Chuyên, muôx iz kror hâux lưv zov chênhr zos chor cưk kriê ntơưr tsuv kruôz kriê trâu chor shux xênhz cơưv txơưx. Nhoz kror hâux lưv no mak cưk kriê Hạnh cux hmôngr jông. Hâur tas nro 80 ntâu giải têz qơưk môn ngữ văn cxênhx pêz tas nro tỉnh Lào Cai muôx tâu txix hnuz yênhx lix 1/10/1991 txos nhiv no, chor shux xênhz thik tưr tâu zos cưk kriê Hạnh kruôz kriê mak xar muôx iz đraz. Hêik lok cưk kriê Hạnh, cưk kriê Nguyễn Minh Thuận-Hiệu trưởng Tsêr cơưv cxênhx pêz Chuyên Lào Cai puz pâuz: “Txux chi uô hâux lưv thiêz moz siêz sir jos uô hâux lưv zos kror mak lênhx tưs cux njiê pov tâu nhoz cưk kriê Nguyễn Thị Hạnh. Cưk kriê li têx sir jos co tưz tax tâu txix têx kror pov tâu tsênhv tsênhz, pêz lok six tso siêz thiêz shir phaz./.

(An Kiên-Lik Thox cxêik nhênhv)

Thâuv 11 six tar su hnuz xiêz 7/12, ntơưv cei cêr 200+960 niêv cêr 6, nhoz huyện Mộc Châu, tỉnh Sơn La, iz luz yêz teiv tưz đrâu trâu lax caz their cêr thiêz pôngz trâu hâur tsas cêr toz 250 yiv, uô 2 lênhx nênhs trâus saz hnhar tưz tâu chox muk chơưv kho, 1 lênhx tuôs ciês ntơưv qơư. Luz yêz co gra biển số 26C-043.20, nhiv no tsi tâu pâuz bê lênhx nênhs tsar yêz, muk lơưr saz Hà Nội-Sơn La. Thâuv txos cei cêr 200+960 txơưv trâus nanv. Qir tiv txuz txiêz nanv no tsênhv tror tâu qênhz yuôx uô cov tsênhz mênhx./.

(Trấn Long-Txâur Vax cxeik nhênhv)