Niêv tix Trần Thị Thúy Hà, Chủ tịch Hôv Nôngx mênhx thị trấn Sông Mã, huyện Sông Mã, tỉnh Sơn La puz pâuz: Tsaz yênhx siêz jông paz trâu chor shux xênhz li jiês thik tưr zos UBND thị trấn Sông Mã sêiz car, têx phòng ban, taz viv, hôiv, đoanx thêv kriz uô. Hâur 2 hnuz thik tưr, Hôiv zuôr uô 1.080 kror jâuz mor nox tsik zuôr nhiêx txiêx thiêz muôz ciês trâu chor shux xênhz muôx luz nênhx txov nhêv.

Đros uô jâuz mor nox thiêz chor tsaz yênhx paz trâu jiês thi tưr, Hôiv tưz huiz tôngv muôx 50 lênhx nênhs đros uô paz trâu jiês thik tưr txix têx hâux lưv uô, li: Uô jâuz mor nox, muôz đêx hâuk, ntâuz bos kror ndâux, cuô yuôx nzuôr têk, thâux xa shux xênhz muk txos trâu qơư thik.

Têx jâuz mor nox tsik tas nhiêx txiêx no tâu cxuô lênhx nênhs sir jos uô txix zuk siêz xar paz trâu chor shux xênhz, đros co zos têx sir jos chiê paz trâu chor shux xênhz muôx tâu têx pluôs nox kaz, cov đas jos tâu taz por chiê uô têx jax thik tưr cov tâu jông thiêz siêz tiv zix./.

(Báo Sơn La-Lik Thox cxêik nhênhv)

Chiê taz por đas jos trâu têx shux xênhz tưr thik cơưv tiêr ntơưr lớp 12 shông 2021, hâur 2 hnuz xiêz 7-8/7, Huyện đoanx, Hôiv Liên hiệp pox niêv huyện Nậm Pồ, tỉnh Điện Biên đros chor nênhs uô têx hâux lưv jông siêz Hà Nội uô tsaz yênhx “chuôz cxaz đas jos hâur cheix tưr thik ntơưr shông 2021” muôx luk hu lơưk sđ thiêz pheiz 2.200 suất mor nox trâu chor shux xênhz tưr thik ntơưr hâur thax tsav huyện.

Iz chas ntơư, Huyện đoanx, Hôiv Liên hiệp pox niêv huyện Nậm Pồ đros yênhx lix 2 paz uô têx hâux lưv jông siêz nhoz 2 qơư thik ntơưr zos tsêr cơưv Phưv thôngz mênhx cxưx cxênhx 3 Nậm Pồ thiêz tsêr cơưv cxênhx 3 Chà Cang, muôx 100 ntâu lênhx nênhs. Hâur 2 hnuz zuôr muôx 1.468 suất mor nox su, nox hmo thiêz 734 suất mor nox thâuv tas cik sơưr nzor paz trâu 367 lênhx shux xênhz dưv tưr thik cơưv tiêr ntơưr lớp 12 shông no. Pluôk yêik, chor shux xênhz tâu nox têx nduôr mos, mor blâuv, cuô mik thiêz đêx; pluôk su thiêz hmo shux xênhz tâu nox têx jâuz mor. Têx pluôk nox co puôr lênhx zos chor nênhs uô têx hâux lưv jông siêz, hluôk nênhs lơưr tưx uô thiêz pheiz trâu têx shux xênhz chiê taz por đas jos shux xênhz tưr thik ntơưr./.

(Vũ Lợi-Riê Lâux cxeik, nhênhv)

Hnuz 7/7, tỉnh Yên Bái muôx 2 lênhx công nhân nhoz huyện Trấn Yên tâu njuôk shuôk sêi pov trâus cik caz moz Sát-Covi-2.

Ciês đhâu txêik tâu xor mông, Ban chox kriê phax tar moz Covid-19 tỉnh Yên Bái hêik cov sêi đrơưv chox oz lênhx nênhs no muk cêv kuôk, chơưv kho ntơưv Tsênhv qơư Y têr huyện Trấn Yên, thôngx cxix tso nyar chiê njuôk shuôk caz moz txix tsưr ziv PCR. Chinhr quyền ntơưv qơư cux kriz uô iz cxiê tsưr ziv chiê phax tar caz moz.

Lơưr xor mông txix Ban chox kriê phax, tar moz Covid-19 tỉnh Yên Bái hêik pâuz thâuv iz tas hmo 7/7, jiês njuôk shuôk txix PCR trâu oz lênhx nênhs co puz pov tsik trâus cik caz moz Sát-Covi-2./.

(TTTB-Lik Thox cxêik nhênhv)

Chủ tịch Ủy ban thị xã Sa Pa, tỉnh Lào Cai nhiv kruôr cir quyết tinhv xưv bluô uô cxâuv hành chính trâu zơưv N.T.H, uô hâux lưv ntơưv Tsênhv qơư Chính trị thị xã Sa Pa, tiv tsi krêz heik mênhx lol zuk đas jos, têx qơư nhoz thiêz muk lol đhâu hâur thax tsav muôx caz moz Covid-19.

Uô ntêx ntơư, lênhx nênhs heik sâuv muk txix thax tsav muôx caz moz Covid-19 ntơưv TP HCM lok đhâu qơư seiz jor cêr qênhz shuôs moz gênhk lok hâur đrôngs Lào Cai (ntơưv cêik cêr 237 txox cêr muk chênhr Nội Bài-Lào Cai) taz sik tsi krêz heik mênhx lok têx qơư tưz muk lol đhâu; thâuv lok txos trâu ntơưv qơư ( thị xã Sa Pa) tror tsi krêz heik tsênhz mênhx trâu hâu nov ntơưv qơư pâuz.

Iz chas têx trâul xưv bluô, zơưv N.T.H tsênhv trâul zuôv cov krêz heik mênhx lok têx qơư zơưv tưz nhoz thiêz muk lol đhâu; iz chas ntơư chox muk kuôk cêv trơưk li cui tinhv.

Thiêz uô ntêx co, thâuv kaz hli 6/2021, lênhx nênhs txơưr đuô, uô côngz xưv ntơưv iz taz viv lês uô têz qơưk têx hâux lưv nhoz iz sở hâur Lào Cai cux trâul bluô 2 tsov đeiv, tiv uô cxâuv cui tinhv lok phax tar moz gênhk./.

(An Kiên-Riê Lâux cxeik, nhênhv)