Txix moz gênhs têx txơưr txar huôv xênhz phiv liv, hnuz xiêz 07/9, ntơưv Praha, đại sứ quán VN nhoz têz qơưk Séc tưz muôz 4 cxênhz đeiv ntâuz bos kror ndâux puz trâu Tsênhv qơư muôv muôs nênhs VN nhoz têz qơưk Séc. Heik ntơưv ntênhs, đại sứ Thái Xuân Dũng heik pâuz, txix moz txơưr txar huôv xênhz phiv liv, đại sứ quán VN vav thiêz xar tiêk, têx ntâuz bos kror ndâux no zos têx huv mê taz sik muôx liv lok six jông, chiê sik đros pheiz kênh têx phiv liv nhiv no đros thiêz tsôngv px, têx taz viv uô lax luôv, zuôr muôs huv nênhs VN ntơưv têz qơưk Séc. Đại sứ vav chiê siêz tiêk, tsôngv px tror gra siêz tsưr ziv jênhv pâuz hâur phax tar moz Covid-19, chox ntâuz bos kror ndâux thiêz uô trơưk têx tsưr ziv lok vêv xênhz chiê tsưx phưv jông đas jos trâu zuk thiêz côngv thôngx./.

(VOV-Riê Lâux cxeik, nhênhv)

Txix nhiv no txos hnuz 9/9, têx cưx đêx cưx ha nhoz tỉnh Yên Bái zuôr muôx yưv iz jiês đêx huôv zâu đros têx đêx pur siêz nzir txix 2-3 thiêr. Hâur jiês đêx huôv no, zôngx ziv muôx yưv đêx ngaz cuôr, ar poz ntơưv têx huyện, thị xar hâur tỉnh, li: ntơưv TP Yên Bái, Trấn Yên, Văn Yên, Lục Yên. Đaix njuôk ntux yar ntux nas tỉnh Yên Bái puz pâuz, nhiv no đêx nhoz têx cưx đêx, cưx ha hâur tỉnh tsênhv txơưr txar kênhz. Taz sik têx phiv liv cux zuôr zôngx ziv muôx yưv, viv li pox nhuôs sơưr đơưk tsuv uô jông sêiz shuôk chiê phax, tar./.

(Báo YB-Lik Thox cxêik nhênhv)

Hnuz xiêz 07/9, ntux nas lox lok đros chuô tưz uô đêx nas cuôr yôngz tas ntâu têx liêx têz kôngz lôngk, uô tsi jông txos tsôngv px ntâu suôv qơư luz nênhx nox nhoz muk lok hâur niêx hnuz. Ntux nas lox lok ntêr tưz uô têx đêx huôv hloz ntưk trâu tus đêx Tà Hộc, huyện Mai Sơn, Sơn La, cuôr yôngz tas ntâu têx liêx têz blêx, jâuz tâuv, uô ruôr hiêv txos px ntơưv qơư luz nênhx nox nhoz; iz cxiê chuôz zis nhoz jê ntus đêx Tà Hộc tưz tsuv yêik txar muk nhoz trâu qơư truôx tuk. Trơưk li cơ quan njuôk ntux yar ntux nas thax tsav Tây Bắc  njuôk xav, hâur six hơưv zuôr txos, sâuv thax tsav tỉnh Sơn La, tsênhv zuôr tror muôx ntux nas lox thiêz đuz nzông, zôngx ziv muôx khâur jênhs chuô, xoz thiêz chuô lox, têx lênhx px uô nênhx nhoz jê têx ntus đêx, cưx đês cưx ha, thax tsav zôngx ziv muôx tox xưz poz mak tsuv chênhr phax chiê txar jav têx jông muôx têx yưv siv./.

(Việt Anh-Riê Lâux cxeik, nhênhv)

Xor mông txix UBND huyện Văn Bàn, tỉnh Lào Cai puz pâuz, muôx 1 six zar hnuz kêix 7/9, thâuv iz paz nhuôs zâu muôx 5-6 lênhx tsênhv uô si, đêi tsêr cơưv nhuôs zâu Bản Phung, xar Khánh Yên Thượng (huyện Văn Bàn) li luz trôngx vas chêk luz  trôngx vas co chiê vâu trâus pêz lênhx mê nhuôs tuôs ciês ntơưv qơư. 3 lênhx mê nhuôs no, muôx 2 lênhx zus shông 2014, iz lênhx zus shông 2015. Đrâuv pêz lênhx mê nhuôs trâus tuôs, chor nhuôs txơưr trâus saz mak tưz tâu chox muk tsêr kho moz chiê chơưv kho. Txuz hâux lưv muôx yưv thâuv tsêr cơưv ntơưr tsênhv so su, zar hnuz kêix mak piz cơưv txix thâuv 2 six. Đhâu muôx yưv txuz hâux lưv no, chính quyền tiv phaz tưz tso nênhs tuôs sêiz nus, paz trâu chor chuôz zis muôx mê nhuôs njiz trâus txiêz nav; hêik têx lưx lươngv tuôx nriêr pâuz uô tsênhz mênhx qir tiv txuz hâux lưv no./.

(An Kiên-Lik hox cxêik nhênhv)