Trơưk li cơ quan njuôk ntux yar ntux nas Trung ương hêik pâuz, xav txix hnuz xiêz 8/1/shông 2018, zuôr muôx iz jiês ntux no njiv lok trâu thax tsav tỉnh Laox cai, lar hêik zos txix hnuz xiêz 9/1 tror sâu, thax tsav hêik ntơư zuôr muôx ntux no njiv hênhr; iz cxiê thax tsav tox siêz mak ntux no njiv grêk txos 4 độ C; lar hêik zos thax tsav huyện Sa Pa, Bắt Xát ntux no njiv grêk txos 0-2 độ C. Chênhr zos li hêik ntơư, tsôngv px sđ tsuv ndo njôngr uô jông luôs hâux lưv tir thêir ntux no njiv trâu lênhx nênhs thiêz tir thêir no njiv trâu tsiêx cxu lox zâu, tsik chiê sđ têx tsiêx cxu trâu puôk tsuôx, tiv ntux no njiv./.

                                                            (Tsu cxêik nhênhv-KT)

        Lơưr qơư njuôs pov qiv hơưv thax tsav Tây Bắc li njuôs pov, tiv trâus chuô txiês uô zênhr shar, tỉnh Sơn La zuôr muôx jiês ntux no njiv, muôx ntux lol nas nhoz ntâu qơư. Cxôngx hmo xiêz 8/1, txos hnuz 14/1, tỉnh Sơn la muôx ntux no njiv đêz đar, jêx tưv chungz fênhx tsi nto 15 tưv, jêx tưv kis tiv zix hâur hnuz nhoz têx qơư tox siêz cxôngx 8 txos 10 tưv, ntơưv Vân Hồ, Mộc Châu, Pha Đin cxôngx 5-7 tưv, muôx têx qơư kis đuô 5 tưv, ntux pok huôz. Cxôngx qênhx shênhx qiv hơưv txơưr txar, tỉnh Sơn La tưz chox kriê têx nganhx, tiv phaz chuôz tsar têx tsưr ziv phax tar ntux no trâu lênhx nênhs, tsoz chos, tsiêx cxu; chuv tôngv seiz njôngr qiv hơưv chiê muôx tsưr ziv tir tar, txu grês tsơưs tiv zix têx trâus ruôr hiêv tiv jiês ntux no no./.

( Hoàng Long-Lan cxeik nhênhv)

         Ban vênhx tôngv thiêz Ban seiz car nhiêx quiv, viv lênhx nênhs pluôs tỉnh Điện Biên nhic kruôr muôx quyết tênhv muôz cxaz nzir 170 triệu chiê paz trâu 340 ziv chuôz zis pluôs hâur ntu tsiêz 30 têz qơưs shông 2018. Ntơư zos zuôr tsưr tsix xêir tsov chor chuôz zis pluôs hâur thax tsav tỉnh Điện Biên. Txix ntơư li zuôr huv chox muk puz trâu  têx chuôz zis pluôs ndax trâu tsiêz 30 têz qơưs.

Ntơư zos iz luôs hâux lưv jông, uô muôx liv trâu chor chuôz ziv muôx cêr txov nhêv chiê tok nox iz luz tsiêz 30 têz qơưs lov jêv , shir phaz lul./.

                                                       (Tsu cxêik nhênhv-Vũ Lợi)

         Hâur shông 2017, sâuv thax tsav huyện Trấn Yên, tỉnh Yên Bái muôx yưv 24 txuz txiêz nanv zaoz thôngz uô 4 lênhx nênhs tuôs, 31 lênhx trâus saz. Pir đros shông 2016, txu grês 1 txuz, txu grês 2 lênhx nênhs trâus tuôs thiêz chuôz ndê 4 lênhx nênhs trâus saz. Txơưv chor txuz txiêz nanv, lênhx nênhs trâus tuôs tiv txiêz nanv zaoz thôngz shông 2017 sâuv thax tsav huyện txu grês taz sik têx lênhx nênhs uô cxâuv têx cui tênhv lok Chei taz por zaoz thôngz cêr ar ho chuôz ndê pir đros tsêz no. Nhiv no, lưx lươngv cảnh sát zaoz thôngz huyện Trấn Yên tsênhv chuôz tsar côngz xưv qênhz yuôx, seiz car, yưr lir uô cxâuv zaoz thôngz cêr ar đros phax tar, tơưv txênhz muôx chêx cuk nênhs phamv cxâuv thiêz têx huôx tôngv uô cxâuv cêr chei txơưr sâuv cêr zaoz thôngz./.

( KT- Lan cxeik nhênhv)